Happycloud

In Congratulation

وداعا 2015 مرحبا 2016

Posted on الخميس، 31 ديسمبر 2015

اليوم الخميس هو يوم النهايات::

نهاية اسبوع..

نهاية شهر ..

نهاية سنه..

فـ اللهم أجعلها نهاية كل ألماً وحزناً وهماً وضيق..

ونسال الله ان يجعل سنة 2016 سنة فرح وسعاده وتحقيق كل الامنيات ..

وداعا 2015

مرحبا 2016

اتمنئ لكم سنه خاليه من الاوجاع

والاحزان سنة خير ان شاء الله..

happycloudworld

0 Comments

In Daily

First presentations I done in 2015

Posted on الجمعة، 30 أكتوبر 2015

مرحبااا

صارلي فتره ما تكلمت او دونت او كتبت اي شي في مدونتي

اليووووم عااااد قررت انزل برزنتيشن قدمته في هالكورس .. كان بتاريخ 18/10/2015

كان قبله بأسبوع عندي تقديم لسؤال في التتوريل بس ما قدمته زين ،، لان بالأساس البنات قالولي بس تقرين السوال وتعطيهم الجواب ،، وعقب تفاجأت ان لازم أناقش البناااات وكذا وانا ما كنت محضره عدل ..

الله يعوضني ان شاء الله .. ان شاء الله اعرض مره ثانيه ،،

وكان هذا الملاحظة اللي كتبته لي المس ...

وبعد اسبوع تقريبا كان عندي برزنتيشن هو لتقديم البروجكت كان البروجكت مالنا عن save your life ... بنسوي ابلكيشن للفون وعاد انا احب هالأشياء

كنت يالسه احضره شوي شوي .. كل يوم اسوي نقطه بسيطه من الترجمه لوووول .. لان كان عندنا اجازه ... عشان جي يالسه ع راحتي ،، شوي اسوي هالبرنتيشن وشوي ادرس لان عندي امتحان

في ليله التقديم وانا ما كنت ابي اسوي بوربوينت بس سالت ربيعتي قالت لي نحن بنسويه وعاد انا تشططت وقلت لربيعتي اللي معاي يالله انا بسوي البوبوينت ...

ويلست اسوي واتدرب عليه ... وطرشت لها نسخه من البوربوينت عشان اذا في اخطاء تصلحه وكذا يعني

واليوم الثاني يالست أتدرب عليه ... عشان أقدم هالبرزنتيشن بدون خوف وهذا هو هدفي كان اني أقدمه بدون خوف او توتر ... بالفعل ما حسّيت بخوف بس نسيت كل شي اللي ابي أقوله .. والدكتور بس قالنا عرضو فكره الابلكيشن .. بالأساس محد كان محضر برزنتيشن {looooool}

فالنهايه بس قلت نقطه بسيطه والبنات اللي معاي يقولون لي ورقه شو طوله بس قلتي هالنقطة هههههه .. عادي يصير ف ارقى البنات خخخخخ

عاد هالصور صورته يوم كنت متشططه

هالفقرة اللي قلته ^_•

فالنهايه احب اقول مقولتي بيمر الأيام وبيكون كل شي ذكرى .. سطرته في مدوناتي او صفحتي

الحمدلله على كل حال من الأحوال

اللهم وفقني في حياتي ودراستي وكل من قال آمين

نلتقي في تدوينه يديده ان شاء الله

وأختم صفحتي

لا تنسون ذكر الله

{ سبحان الله والحمدلله ولا إله إلا الله والله أكبر }

{ اللهم صَل وسلم على رسول الله }

{ اللهم لك الحمد والشكر على كل النعم الذي أنعمها علينا وعلى عباده الصالحين }

happycloudworld

0 Comments

In Congratulation

سنه هجرية جديده

Posted on الخميس، 15 أكتوبر 2015

•

يآرب سَنه جديده وحَياة جميلة ، وأحلام مُحققة ،ومُستقبل كما رسمناه ،يارب قلب طاهِر ،ونَفْس قنوعة ،وأخلاَق حسنة ،وإحسان بِلا مقابل ،وجَنَّة لا نشقى فيها ولا تزول 🌸

happycloudworld

0 Comments

In education

موقع لكشف الكوبي

Posted on الاثنين، 28 سبتمبر 2015

السلام عليكم ورحمة الله وبركاته

( اللهم صل وسلم على رسول الله )

( سبحان الله وبحمده ،، سبحان الله العظيم )

تدوينتي اليوم حق الطالبات الجامعيات واللي تبي موقع لكشف نسبه الكوبي قبل تسليم الاسايمنت ،، هالموقع أنــآ السنة اللي طافت استخدمته وطلعلي نسبة الكوبي المقارب واذا في كوبي يقولي في فوين وبيحط لي رابط ان الكوبي من هالموقع ،،

طبعـآ في الجامعات يستخدمون مواقع اقوى من هالموقع .. بس اهم شي انج تعرفين وين الكوبي وتغيرين منه

http://smallseotools.com/plagiarism-checker/

هذا هو الموقع .. ولا تنسونــآ من دعواتكم

والحمدلله رب العالمين

واختم تدوينتي بذكر الله والصلاه على اشرف خلق الله محمدا عليه أفضل الصلاة وازكى التسليم } اللهم صل وسلم على رسول الله {

لا تنسون ذكر الله

{ سبحان الله والحمدلله ولا إله إلا الله والله أكبر }

{ اللهم صَل وسلم على رسول الله }

{ اللهم لك الحمد والشكر على كل النعم الذي أنعمها الله علينا وعلى عباده الصالحين }

ونلتقي في تدوينه يديدة اذا شاء الله تعالى

وهمسه لهواه النقل .. اني ما اسمح بنقل الموضوع بدون ذكر المصدر

تدوينه bent aldyra

استودعتكم الله الذي لا تضيع ودائعه

فمــآآن الله

happycloudworld

1 Comments

In Congratulation

كل عام وأنتم بخير

Posted on الخميس، 24 سبتمبر 2015

السلام عليكم ورحمه الله وبركاته

كل عام وانتم الى الله اقرب

كل عام وانتم بخير

كل عام وانتم بصحه وسلامه

كل عام و انتم بنعمه تبقى عُمر، وكل عام وانتم بخير مع من تحبون 💜🎼".

•

تعرفون العيد عندي هو اني أبوس رأس امي وابوي وهم بصحه وعافيه

الله يحفظهم لي وربي يطولي بعمارهم ويرزقهم الصحه والعافيه والعمر المديد ❤️

happycloudworld

0 Comments

In Skin Care

منتجـــآت بجربهـــآ || Part2

Posted on الجمعة، 18 سبتمبر 2015

السلام عليكم ورحمه الله وبركــآته

يسعد الله اوقــآتكم بكل خير وبركه وطــآعه الله تعالى

] اللهم صل وسلم على رسول الله [

آهــلا ،،، آهـــلا بالامورات والسنعـــآآت

تعرفون اليووووم ،، يالسه اشوووف احصائيـــآآت المتابعين للمدونتي ،، حسيت بفرحه في قلبي ،، ان عندي متابعين ويتابعون مدونتي .. اتمنى انكم استفدتو من تدوينـــآتي ،،

الموووهيم

اللي لحظته في تدوينــآتي واكثر المتابعين يحبون التدوينــآآت اللي يكون تجارب ومشتريــآت هو الاكثر متابعه في مدونتي .. عشــآن كذا تحمست زيـــآده اني انزل هالتدوينه بيكــون بعنــوان منتجـــآت بجربهـــآ || Part2

هــذا كـــآن اول جزء الاول اللي حـــآبه تشوف المنتجات اللي كنت بجربهـــآ [هنـــآآآ]،، وجربتهــآآ لووووول

وانــآ عن كلمتي اني بسووي لكم ريفيوو عنه بس بعد ما اعطي حقه فالاستخدام .. مابي اكتب أي شي ،،، او ادون أي شي

الموهيم نرجع لمحور حديثنـــآآ ] لوووووول [

هالمنتجــــآت اشتريتهم في الفترة الاخيره ] الحمدلله[ ،،، وفي كم منتج جربته من فترة قصيرة بس بعدني يالسه اجربه

نبدء بالمنتجـــآت

المنتج [1]

مــآيونيز الشعر من فاتكيــآ .. يستخدم قبل استخدام الشامبو لمدة 3 دقائق ،، مكتوب عليه ان يستخدم لاصلاح وترميم الشعر المتضرر وانــآ الحمدلله شعري ما متضرر ،، اشتريته وتحمست اجربه لانهم يقولون ان المايونيز مفيد لشعر ولين الحينه ما اعرف شو فوايد المايونيز للشعر ] بقرا عنه قريب اذا شاء الله [ تقريبا جربته 3 مرات ،، بس بعدني ما اعطيه حقه في الاستخدام ،، بس في البدايه حبيته وريحته حلوة .. من اعطي حقه فالاستخدام بكتب لكم ريفيو اذا شاء الله تعالى

المنتج [2]

La'Fresh || لا فريش

سنفرة بالمشمش .. بس احب استخدم أي سنفرة بالمشمش لووول ،، اشتريته لاني كنت ابي سنفرة استخدمه للحمام المغربي الاسبوعي اللي حابه تشوف طريقتي في الحمام المغربي الاسبوعي هنــــآآآآ،، اخذت هــذا من باب التغير من السنفرات .

المنتج [3]

صابون جلوتاثيون ،، هالصابون صابون فلبيني ،، عباره عن صابون تفتيح ويستخدم في بعض الخلطات الصابونيه ،، يحتوي على فيتامين سي و إي والورد وحمض الفا لوبيك .. انــآ اخذته عشان الخلطه صابونيه كــآن في بــآلي .. والمرة الثانيه خذيته لان في بــآلي استخدمه مع منتج بكتب عنه تحت .. والتاجرات يبيعونه بسعر .. وفي السوبر ماركت سعره اقل من سعر التاجرات ..

المنتج [4]

YC .. هذا العلامه معروف ان المنتج تايلندي ،، خلو في بالكم هالشي .. هالمنتج عباره عن منظف ومبيض للوجه ينج شن ،، طبعــآ أنـــآآ ما اخذته عشان اجربه في ويهي ،، دائمـــآآ أقول لكم مــآ أحب اجـــآزف وأجرب أي شي في ويهي .. اخذته عشـــآن استخدمه قبل صابون جلوتاثيون لووول ،، ابي اغير نظام العنايه ،، ويى في بالي هالعنايه } ادري اني شاطره لحد يصفق خخخخخ{ واحب اغير واجرب أي شي في بالي

المنتج [5]

اللي تتابعني ع الانستغرام مرة كنت حاطه لكم بوست واسالكم منو جربت منتجات I Love .. ومحد رد علي خخخخ ،، انا اخذت كريم اليد .. ريحته حلوة بس ترطيبه مــآ لـ هذاك الزود .. هذا رايي المبدي حق هالمنتج .

المنتج [6]

كريم فيم ،، لازاله الشعر ،، خذيته كبديل لكريم فيت ،، تجربتي مع كريم فيت كنت كاتبه لكم عنه ريفيو في منتدى عروس وهذا هو رابط الموضوع حق اللي تحب تطل ع الموضوع Re-view ،، veet نعومه لا مثيل لها ،، تجربتي الشخصيه

بعدني ما جربته .. بجربه قريب اذا شاء الله تعالى

المنتج [7]

مـــآء ميسيلا منظف ،، من لوريــآل ،، اخذته كبديل لـ منظف بيوديرمــآ،، جربته مره وحده بعطيكم رايي من بعد مــآ أعطيه حقه فالاستخدام

انتهيت من هالتدوينه ولله الحمد

واللي جربت من هالمنتجات تكتب لنــآ رايهــآ تحت او ع الانستغرام ،، خلونــآ نستفيد من بعض

نك نيمي ع الانستغرام Bent_aldyra

لا تنسون ذكر الله

{ سبحان الله والحمدلله ولا إله إلا الله والله أكبر }

{ اللهم صَل وسلم على رسول الله }

{ اللهم لك الحمد والشكر على كل النعم الذي أنعمها الله علينا وعلى عباده الصالحين }

ونلتقي في تدوينه يديدة اذا شاء الله تعالى

وهمسه لهواه النقل .. اني ما اسمح بنقل الموضوع بدون ذكر المصدر

تدوينه bent aldyra

استودعتكم الله الذي لا تضيع ودائعه

فمــآآن الله

happycloudworld

3 Comments

In Skin Care

روتيني البسيط للعناية ببشرتي خلال النهــآر

Posted on الأربعاء، 16 سبتمبر 2015

السلام عليكم ورحمه الله وبركــآته

يسعد الله صبـــآآحكم ,, ومســـأءكم بكل خير وبركـــه ،، وطــــآعه الله تعالى

اهلا .. اهلا بالحلــوات ..

ببدء تدوينتي بـ هالعبـــآره " بشوووية اهتمـــآم كلنـــآآ جميلات "

لان بالفعل بشويه عنايه واهتمــآآم ،، كلنا جميلات .. ما اتيني وحده كسلانه ،، تقولي ابي لون ويهي يتوحد ... او لون جسمي يتوحد .. ترى العنايه والاهتمام له دور في تخلصج من بعض مشاكل البشرة ..

بتكلم عن نفسي شـــوووي ..

أنـــآآ " أعوذ بالله من كلمه أنــآآ " استخدم هالاشيـــآء بين فترة وفتره " بذكر الاغراض تحت " .. بس كــآن فيني كسل شووويه ،، وهالكسل في كل وحده لوووووول .. كنت استخدم الكريم الويهه كل يوووم والغسووول كل يووووم بس التونر وكريم العين والمقشر الشفايف لاااا .. ليش كذا ايام انســآهم وايــآم مالي بارض لهم .. بس بمجرد مــآ خليت هالعنايه يوميـــآآ حـــآله من حــــآآل الغسول والكريم لاحضت ان بشرتي تغير ...

أنـــآآ بشرتي مختلطه لـ دهني ... وهالأغراض اللي استخدمهم لعنــآيتي في النهـــآآر .... ولاحظت ان بشرتي تغير شووي .. ليش ،،؟؟ لاني اهتميت فيه أكثر من قبل ] الحمدلله [

عنايتي بسيطه ومـــآ يــآخذ مني وقت الا 10 دقائق يمكن أقل بعد

يالله بسم الله ..

نبدء بعنايتي البسيطة ،،

اول شي اغسل ويهي بغسول مناسب لبشرتي غسووول بيوديرمــآ ] تقريبا صارلي شهر ونص استخدمه وارتحت معاه وعلى فكرة ما أفكر اغيره لين الحينه [ تحصلونه في الصيدليات .. كنت منزله لكم بوست في الانستغرام

بعد ما اغسل ويهي استخدم المضمضه ] صح انه مــآ من ضمن عنايه بالبشرة بس انــآآ خليته من ضمن روتيني اليومي للعنايه بالبشرة عشان استخدمه دووم ومــآآ أتكاسل واستخدمه يووم ابدء العنايه [

وعقب اقشر شفايفي ] هالمقشر الشفايف اسويه فالبيت بمكونـــآت طبيعيه كــآتبه عنه تدوينه واللي تحب تطل عليه من هنـــآآآآ[

البعض يفضل يستخدم المقشر الشفايف يومين بالاسبوع .. بس انـــآآ احب استخدمه يوميـــآآ وصارلي فترة استخدمه يوميــآ مــآ حسيت بشي .. عشــآن مــآ تيني وحده تتفلسف علي لووووول ..

عقب انشف ويهي بالفوطه واخذ قطن وشويه تونر ] هالفترة استخدم تونر اولاي [ وانتظر لين مــآ ويهي تتشرب التونر ... التونر انــآ استخدمه يوميــــآآ

عقب استخدم كريم غارينيه مــن فترة عليه ومرتــآحه من استخدمه } الحمدلله {

وبعدين استخدم كريم العين من فروت اند بـــآشن ] كتبت عنه تدوينه هنـــآآ[ ومـــآ ننسى المســآآج لمحيط العين

واخر لمسه استخدم مرطب الشفايف .. استخدم كــذا نـــوع وكل يوم اغير عشــآن مــآ أحس بالملل وأنــآ أعتني بروحي

العصـــر ارش على ويهي مــآي ورد ...

طبعــآآ هــذا عنايتي يوميــآآ ببشرتي .. اذا كــآن عندي جــآمعه مافي شي يتغير من هالعنايه بس اضيف لعنايتي بعض الشغلات ..

قبل مــآ انهي هالتدوينه بحــط لكم هالمعلومه .. كنت منزله هالموضوع في منتدى عروس والحينه بنزل لكم هالمعلومه عشــآآن اللي مــآ تعرف هالمعلومه تعرفه وتعرف تشتري غسول منـــآسب لنــوع بشرتهـــآ