السلام عليكم ورحمه الله وبركاته
يسعد الله أيــآآمكم بكل خير وبركه وطـــآعه الله تعالى
] بسم الله الذي لا يضر مع أسمه شي في الارض ولا في السماء وهو السميع العليم [
•
•
•
مرحبا .. مرحبااا بالبنات الحلوين نفسي لووول
ويا مرحبابكم في مدونتي المتواضعه
تدوينتي آليوم .. تدوينه ممتعه .. للي تحب تلعب وتنظف .. وحق اللي تحب تدوير الاشياء ،،
ف هالتدوينه ابي أعلمكم كيف تنظفون غرشه المناكير .. اذا ما كنتو تبغونه .. وتستفيدو منه بشي ثاني ينفعكم
الأغراض اللي تحتاجينهم متوفر عند كل بنت .. ويمكن يكون من الأساسيات عندها ..
حبيت اقولكم .. ان الصور اللي عندي من فتره ،، من بديت عمليه التنظيف ..
عشان تنظفين غرشه المناكير بتحتاجين الى
1 غرشه مناكير [ اللي تبين تنظفينه مب محتاجتنه ]
2 نيل بولش ريموفر
3 أعواد الإذن
4 قطن التنظيف [ اللي تنظفين بيه ويهج ] [ ما كنت مصورتنه بس احتجته بعدين ]
وسوري اني ما صورت كل شي .. بس بحاول اكتب لكم كثر ما اقدر عشان تفهون علي ..
خطوات التنظيف :
1 نشل شوي من النيل بولش ريموفر ونخلي قطرات منه في الغرشه .. عقب نرج الغرشه ونخليه على صووب ... يعني خليه يوم كامل عشان يسهل عليج التنظيف اكثر ..
شوفي هالغرشه اللي حطيت منه المناكير [ ركزي في الصورة المناكير كان جامد من تحت ]
2 عقب رجعي وكبي النيل بولش ريموفر .. بتلاحظين ان نص المناكير بينكب .. ورجعي وخلي قطرات من النيل بولش ريموفر ورجيت العلبه وخليه مره ثانيه ليوم ثاني .. عشان يسهل عليج التنظيف اكثر ...
[ ركزو في هالصورة من تحت قبل ما اكب المناكير وقارنو مع الصوره اللي فوق المناكير ذاب لوول وفي طبقه من فوق بعد جامد ]
3 اذا كان المناكير قديم عندج .. بيكون متجمع منه المناكير من فوق .. رجعي وكبي النيل بولش ريموفر .. وخليه مره ثانيه ورجي الغرشه .. بس هالمره خليه بالمقلوب .. وعلى فكره من بعد خطوتين ١ و ٢ تشوفين وبتلاحظين ان بسهوله انج تقدرين تنظفينه ..
4 رجعي كبي النيل بولش ريموفر .. واخذي أعواد القطن وأبدي بعمليه التنظيف من داخل .. واذا حسيتي انه جامد بعده رجعي خلي النيل بولش ريموفر وانتظري لليوم الثاني .. واذا لا كملي بتنظيف الغرشه من الداخل باستخدام أعواد القطن لين ما ينظف
5 اذا في الغرشه والغطاء بقايا مناكير نظفيه بالقطن باستخدام نيل بولش ريموفر ..
6 اخر خطوه خليه داخل الغرشه ماي ورشيه وكبي الماي وبتشوفينه نظف ..
حاولت كثر ما اقدر أوضح لكم الخطوات .. ان شاء الله فهمتو علي وعلى طريقتي
طبعا انا بستخدم هالغرشه ابي أخلي فيه زيت زيتون لاظافري .. فوائد زيت الزيتون للاظافر يقوي الاظافر ويمنعه من التكسير .. ويقلل من ظهور الجلد الميت حول الاظافر ..
اللهم لك الحمد والشكر
.. اتمنى وفقت في طرحه ولا تنسونا من دعواتكم
▲▼▲▼▲▼▲▼▲▼
فالنهايه
لا تنسون ذكر الله
{ سبحان الله والحمدلله ولا إله إلا الله والله أكبر }
{ اللهم صَل وسلم على رسول الله }
{ اللهم لك الحمد والشكر على كل النعم الذي أنعمها علينا وعلى عباده الصالحين }
ونلتقي في تدوينه يديدة اذا شاء الله تعالى
وهمسه لهواه النقل .. اني ما اسمح بنقل الموضوع بدون ذكر المصدر
تدوينه bent aldyra
استودعتكم الله الذي لا تضيع ودائعه
فمــآآن الله
