كريم Radiance للعين من فروت اند باشن + تجربتي

السلام عليكم ورحمه الله وبركاته

يسعد الله أيــآآمكم بكل خير وبركه وطـــآعه الله تعالى

]  بسم الله الذي لا يضر مع أسمه شي في الارض ولا في السماء وهو السميع العليم [

•

•

•

هلا .. هلااا 

وَيْا مرحبابكم مع هالتدوينه واللي حبيته يكون كثر ما اقدر مبسط عشان تتسلون وانتو تقرون هالتدوينه .. هالتدوينه حبيت اكتب لكم تجربتي مع كريم Radiance للعين من فروت اند باشن  

اول شي ببدي بتجربتي مع هالكريم وعقب بكتب لكم من شو مستخلص هالكريم  وسعره 

هالكريم صارلي فتره بسيطه استخدمه وعجبني وحسيت بتغير من بعد الاستخدام .. كنت احس ان بادي يظهرلي خطوط حول عيني من استخدمته حسّيت بفرق والخطوط بادي يختفي تدرجيا .. بس يبيله استمرار

ومنتج Radiance جربت من عندهم كم شغله وحبيته صح منتجاتهم غاليه بس يستحق التجربه 

المنتجات اللي جربتهم من منتج Radiance

رغوه الويهه و كريم الليل وكريم النهار بس بصراحه وايد حبيته بس عيبهم ان ما دائماً تحصلين هالمنتج .. يمكن تحصلينه في فرع ثاني مدري بس الفرع اللي انا متعوده اروح له ما دائماً احصله .. بعدين قالولي انهم غيرو هالمنتج وما ينزل وايد .. 

هالصور من زمان من زمن منتدى عروس ... أخذت الصور من عمو قوقل ... من امس ادور الصور عشان أحطه فالتدوينه وطبعا النك نيم القديم مالي ع الصورة [ صوره الرغوة + كريم النهار ] 

استخلاص المنتج من : 

منتج Radiance مستخلص من الرمان والبازلا ونبات دوار الشمس وخلاصه البذور وفي كذا شي بس ما فهمت المقصد .. [ كتبت لكم اللي فهمته وعرفت معانيه والباقي ترجمته في المترجم وقوقل ما ظهرلي  ] 

كيفيه الاستخدام :-

ناخذ شوي من الكريم ونخليه على زاويه العين .. ونوزعه شوي شوي مع مساج خفيف للعين 

هالصورة توضح لكم كيف تحطين كريم العين .. ما بس هالكريم ،، اي كريم للعين سوي ب هالطريقه حول عينج ومع مساج خفيف

اخر شي حبيت اقول لكم هالنقطة اللي مكتوب على الكارتون ان هالمنتج بدون ألوان و سليكون و بدون مكونات مصادر حيوانات

سعره المنتج :

170درهم .. في رايي انه وايد غالي لان العلبه صغيرة 

اللهم لك الحمد والشكر 

تدوينه خفيفه .. اتمنى وفقت في طرحه ولا تنسونا من دعواتكم 

▲▼▲▼▲▼▲▼▲▼

فالنهايه 

لا تنسون ذكر الله 

{ سبحان الله والحمدلله ولا إله إلا الله والله أكبر } 

{ اللهم صَل وسلم على رسول الله }

{ اللهم لك الحمد والشكر على كل النعم الذي أنعمها علينا وعلى عباده الصالحين } 

ونلتقي في تدوينه يديدة اذا شاء الله تعالى

وهمسه لهواه النقل .. اني ما اسمح بنقل الموضوع بدون ذكر المصدر

تدوينه bent aldyra

استودعتكم الله الذي لا تضيع ودائعه

فمــآآن الله