Happycloud

خلي ريحتج عود X عود

Posted on الجمعة، 22 يناير 2016

السلام عليكم ورحمة الله وبركاته

ويا مرحبااااا باللي يتابعني .. شحــآلكم وشــو أخباركم ..؟؟ عســـآآكم مــآآ تشكــون بــآآس ..؟؟

هالتدوينة لمحبــآت العــوود .. واللي تحب ريحة العــوود وتبي ريحتهــآآ عــود X عــود

هالطريقة أنـــآآ مجربتنهــآآ شخصيــآآ .. وهالموضوع بيكون أهداء مني لصديقة عمري بمناسبه زواجهـــآآ وأهداء لكل عروس وكل وحده تبي تغير من الروتين (( شــو تبوون أكثر لوووول ))

مدخل :

شبو المباخر وحطو من العود تولات

لجل عيون الغاليه عسى الله يهنيها

يالله مستعــدات للتدوينة أو تبــوونــآآ نرمس ونتفلسف فالبداية لووووول

الموهيم

ببدء بالتدوينه لوووووول

بخبركم الطريقة اول بالاول ( مدري كيف أحس مــآ أعرف اكتب او اشرح ) خخخخخ المهم

أول مـــآ تخلصين السباحه نشفي جسمج ورطبي جسمج بكريم جونسن الوردي ،، ليش ..؟؟ عشان هالكريم أول شي مــآ في ريحه والشي الثاني يرطب الجسم ،، أنــآ عن نفسي هالكريم من الاساسيات عندي ما استغني عنه مــن زمـــآآن استخدمه ومالي غني عنه ..

أنرين عقب مـــآ خلصتي ورطبتي جسمج استخدمي زيت جونسن للاطفال + دهن عــود ( الدهـــآن .. أخذي النوعيه الزينه اللي يثبت ع الملابس ) ،، ومحد يقول زيت وفيه ريحه .. اطمنكم مــآ في ريحه ولا شياته ،، هالاثنين شــو تسووين فيهم ..؟؟

بشرح لج بالطريقه الممله عشان تفهموني زين ،،

أول شي على راحت ايدج أخذي زيت جونسن + خلي قطرة من الدهن العود عليه وحركية حركه خفيفة عشــآن يتجانسون مع بعض

وعقب خليه على جسمج بالطبطبه كل شوي مكــآن وعقب دهني روحج (( اتمنى فهمتو علي ع هالنقطه ))

عقب شمي روحج .. كيف ريحة العود طــآبق فـ جسمج ..

ملاحظـــه :

أنــآ بس اسوي الطريقة اللي فووق ومستخدمه مسك من أجمل وبالفعل الطريقة طابقة فيني ما اتذكر شو اسمه بالضبط اذا ما خاب ظني اسم المسك لولو

و الحينه بكمل لكم عشان تستفيدون ،، خـــآصه العرايس ،،

عقب لبسي ملابسج وتبخري بالعوود انــآ أحب العود اللي من الرصاصي أو أجمل بس أفضل اللي من الرصاصي احسه أحلى (( مجرد ذوق لا أكثر ))

بعد مــآ تبخرتي

رشي من العطر العود أي نوعيه تحبين تستخدمينه

وبعد ما تخلصين اخذي من العود الدهــآن وخلي على أمــآكن النبض و خلف الاذنين

وشمي ريحتج كيف عـــود في عـــوود

شــو تبوون أكثر من هالريحة الحلووووة ..؟؟

مخرج

احلى العرايس موعد عرسها حان

الله يهنيها باحلى لياليها

أتمنى وفقت في طرح هالتدوينه الخفيفه

ولا تنسونــآ من دعواتكم الحلوة

فمــآن الله

" سبحان الله وبحمده "

happycloudworld

0 Comments

In Skin Care

ريفيــوو ،، منتجــــآآت بجربهـــآآ

Posted on الأربعاء، 20 يناير 2016

السلام عليكم ورحمه الله وبركاته

يــآ هلــآآ والله بمعتابعيني

ويسعد الله أوقــــآآتكم بكل خير وبركه وطاعه الله تعالــى

حـــآن وقت الريفيوو لموضوعين

كتبته لكم اللي هم منتجات بجربهـــآآ

|| منتجات بجربها ||

منتجـــآت بجربهـــآ || Part2

اول صووورة ،، المنتجـــآآت اللي جربتهم ،، فـ هالصورة كلهم وعطيتهم مـده عشــآن اقولكم رايي لهم وكنت كاتبه لكم رايي المبدي عن المنتجـــآآت

اليوم بتعمق شوووي فـ الموضووع وبقولكم قصص مـــعـــآآه لووول بس هــ لا تملوون

أول شي حبيت أخبركم أنـي مـــآ صورت المنتجــآت لاني عبالي مصورتنه ومخلتنه واليوم يى فـ بالي اكتب التدوينه ومــآ شفت صووور ( من الحظ يعني ) بس يكفي الصــورة الجماعية لووووول

بكتب لكم رايي من اليمين

كريم كـــآآب

هالكريم قوووامه مره مره ثقيل ،، يبيله دقيقة او أقل لين مــآ يمتصه البشرة .. يعني اذا حطيتي واايد منه يبيلج أكثر من الفترة اللي حددته فوووق لاني أنـــآآ احطه بس لـ رقبتي كترطيب للمنطقة .. أول مـــآ اشتريه كنت استخدمته لركبي بس الحينه استخدمه لرقبتي ... ومكتووب عليه ان يستخدم للوجهه والبشرة .. بس أنــآ ما أجازف واستخدم أي شي لويهيي وهالكريم من كثر مــآ أنه ثقيل فمستحيل استخدمه لويهي لان بصعوبه توزعينه ع الجسم فـ بالج بالوجهه ،،، المووهيم أنــآ أخذته من نزيه وأكيد تحصلينه فـ أي سوبر ماركت الكبيرة اللي يبيعون كريم كاب المقشر ،،،

منظف الحليب من لوريــآل

أول مــآ استخدمته كــآن عــآدي عندي هــو منظف يستخدم عشان تشلين المكياج من ويهج فـ وجهه نظري المناديل أحلى وانظف منه بس انا تعودت عليه .. ومــآ برجع اشتريه مرة ثانية تحصلينه فـ أي سوبر ماركت

كريم فازلين الوردي اللون الموحد

من بعد مــآ استخدمته حبيته ريحته خفيفه وحلووه مــآ توقعته كذا من كثر مــآ اتردد اشتريه واشتريته عشــآن الخلطه واستخدمته بدون الخلطه بصراحه حلووو ينعم الجلد ،، تحصلوونه فـ أي سوبر ماركت واللي متردده تشتريه لا تتردد نفسي .. لووول ،، واستخدمته مع زبده الشياا وخلطت مــعــآه هالفازلين بس زبده الشياا ريحته قوية انــآ مــآ اتحمله الخلطه حلوه نوعــآ مـــآآ لي تدوينه معـــآآه بس عسى ما انسيه لوووول

صابون ديتول

ومــآ اراكم ما هالصابووون لووووول .. كتبت لكم انه ريحته درامــآ حمامات الله يعزكم ،، من كثر مــآ أشوووف ريفيو عن تنظيف الفرش المكياج والاسفنجــآت تحمست وقلت اهني الدنيا بينظف الفرش وبالنسبه لي طلع الكلام خرطي وصرت مـــآ اثق فيهم هالاكاونت اللي كل وحده فتحت اكااونت وقالت بيوتي ومدري شوو .. مابي ارمس وايد لان موضوعي مــآ موضوع ثرثرة لووول .. المهم استخدمو شامبو جونسن للاطفال ترى حلوو لتنظيف الفرش ورخيص واقتصادي وينظف الفرش

مايونيز الشعر مــن فــآتكيا

أنــآ أخذت هالنوعيه .. لاني بالاساس مــآ عندي خلفية شو الانواع المتوفرة .. بس عقب عرفت ان في انواع ثانية للمايونيز في للشعر المصبوغ والشعر التالف تقريبــآ والشعر المتساقط عسى يكونو الاسمــآء صحيحه لووول .. أنــآ أخذت اول مرة للشعر المصبوغ على الرغم اني مــآ صابغه شعري .. بس اضطريت استخدمه لان مــآ عندي حد فالبيت يصبغ شعره اصرفه عنده وحرام يتم .. فاستخدمته اول استخدمي للمايونيز هو شعري كــآن يطيح بس مع الوقت تم عادي ما يطيح وايد .. حتى يوم غيرت النوعيه نفس الشي فالبداية .. حبيت ريحته يتم فالشعر فترة .. المايونيز يستخدم قبل الشامبو بـ 3 دقائق .. من تستخدمين المايونيز مــآ يحتاج تستخدمين بلسم يكفيج المانيونيز ..

كريم فيم

بالاساس اشتريته عشان اعرف اذا في فرق بينه وبين كريم فيت .. اذا ما كان في فرق كنت باخذ فيم في كل مرة .. اللي لاحظته ان في فرق اول شي فالريحة ،، والشي الثاني فـ النعومة .. والشي الثالث في السعر .. فيم ريحته اقوى بشوي من فيت .. و النعومه فيت انعم من فيم بوايد والسعر فيم ارخص من فيت .. فيت كل فترة سعره يزيد مدري على شنــوو ،،، ترى استخدامي لكريم ازالة الشعر يختلف شووي .. بكتب لكم تدوينة للاستخدام احسن .. وبتعرفون ليش استخدم الكريم ازالة الشعر على الرغم اني اشيل الشعر بشرائح شمعيه او بمكينه براون .. " اذا نسيت ذكروني لووول " ،،، مثل ما انتوو شايفين في الصورة .. اول ما تفتحين الكرتون في هالاشياء داخلة .. لوشنات والكريم والاداة .. فيت بس الكريم والاداه اذا ما ضافو له شي لاني من فترة مــآ أخذته

مـــآء ميسيلا منظف ،، من لوريــآل

من بعد مـآ خلصته كنت انتظره يخلص بسرعه .. موول مــآ حبيته احسه ما ينظف عدل عكس بيوديرامــآ بطل في ازالة المكياج

وباقي المنتجــآت بكتب لكم تدوينة ثانية لاني ما جربته الا كم مرة

نلتقي في تدونية يديدة ان شاء الله تعالى

دمتم بحب

ولا تنسونــآ من دعواتكم

لا تنسون ذكر الله

" سبحان الله والحمدلله ولا إله إلا الله والله أكبر "

happycloudworld

0 Comments

In Purchases

مكـآن شراء مقشر Kustie

Posted on الثلاثاء، 19 يناير 2016

مرحبــآآ متابعيني ،،

مره فـ تدوينة لـ تجربتي مع مقشر Kustie

كتبت لكم أني مــآ أعرف وين ينبــآع مقشر Kustie واني شاريه المقشر من سوبر ماركت عــآدي ومن فترة كنت فـ لولو هايبر ماركت .. شفت المقشر وفي مقشرات ثانية من Kustie

كنت أبي أسوي تحديث لـ الموضوع .. قلت بخليه فـ تدوينه بروحه عشان الكل يستفيد منه وخاصه اللي قارية الموضوع

دمتم بحب

" اللهم لك الحمد والشكر "

لا تنسونــآ من دعواتكم

happycloudworld

0 Comments

In Makeup

لوكي في زيارة ربيعتي

Posted on الجمعة، 15 يناير 2016

السلام عليكم ورحمة الله وبركاته

يسعد الله مســاءكم // صبــــآآحكم بكل خير وبركه وطاعه الله تعالى

} اللهم صل وسلم على رسول الله {

من المواضيع المحبه واللي الاغلبيه يحبه هـــوو موضوع اللوكات ..

طبعا هالموضوع المفروض ينزل من يوم الاربعاء .. بس انــآ أمس مخلصه التصوير واليوم تفيقت اكتب لكم هالتدوينه لووول .. طبعـــآآ الاضاءة مب وآآيد أوكي لأني صورت بليل ومــآ ضبطت الكاميرا =(

أنــآآ بطبيعتي أحب المكياج النــآعم والهادي اللي يبرز جمال المرآه

امــآ المكياج الثقيل بالمعنى الدفش مووول ماحبه ولا أقرب صوبه

خليج على طبيعتج يوم تسوين مكياج بتشوفي بتشوفين حلاتج

يوم رحت بيتهم ربيعتي حبيت اللوك يكون هادي وخفيف ما ثقلت في المكياج ... يالله الحينه بخليكم مع لوكي كيف كــآآن وكيف سويت الميك آب لوووول

اول شي قبل ما خليت المكياج لااازم أغسل ويهي .. ماحب أخلي مكياج وانا مــآ غاسله ويهي بالغسول .. طبعــآ استخدمت غسولي المفضل هالفترة من بيودرما وعقب رطبت ويهي بالكريم المناسب لويهي ومــآ انسى منطقة العين ارطبه بمرطب خاص فيه وهالفترة استخدم مرطب من فيد أوت ...

لين ما ويهي يمتص الكريمــآت أجهز عده مكياجي وشو أبي استخدم من المكياج واخلية جدام عيني عشان مــآ أنسى خطوة وحده ( لوووول )

عقب ما اخلص ومطلعه شو أبي من المكياج اخلي البرايمر على ويهي .. استخدمت برايمر من بودي شوب .. ما يدهن البشرة بسرعه يتم بشرتج طبيعي تقريبا 3 ساعات او أقل ...

وبعد ما احط البرايمر بـ 5 دقائق ... أحط الكونسيلر ... على تحت عيني ،، عشــآآن أخفف السواد اللي تحت عيوني ،، في موضوع منزلتنه عن الكونسيلر على هالرابط

بعدين اخلي بي بي كريم ،، من استخدمت هـ بي بي كريم حبيته أكثر من الوردي لوول

وبعدين خليت الشدو الابيض أسفل حواجبي ،، والشدو الاصفر على جفون عيوني ،، بس مــآ خليت اللون الاصفر يبين خليت اللون يكون طبيعي .. يعني خففت من الشدو وآآيد .. ومــآ صار مبين أني حاطه شدو لوووول

وبعد مــآ خلصت من الشدو خليت المسكرة .. هالمسكرة من ريميل 2 X 1 واحد للتكثيف والثاني للتطويل والحلو فيه ان ضد الماي

وعقب ما خلصت اخذ فرشاه توزيع الفدونديشن أحب استخدم فرشاه مكياجي للتوزيع الفدونديشن على ويهي ،،،

وبعد مــآ خلصت من موزعه الفونديشن ،، حطيت البلاشر .. هالبلاشر من ذا بالم ،، حلو لونه قوي بس انــآ ما توقعته كذا يبرز فاضطريت ارجع اخلي فدونديشن مرة ثانية عشان اخفف من البلاشر لووول ( حددت البلاشر اللي استخدمته بالسهم )

قبل مــآ اخلص رجعت وخليت كحل في عيني اسوي هالخطوة قبل الاخير عشان ما يحوس مع المسكرة او اخرب شي

وعقب خليت ايس بنسل من نكس ،، ( اسمه مبين فالصورة )

لووونه عجيب وثابت مرة خليته تحت عيوني بس شوووي الصورة يوضح لكم أكثر شو أقصد

كـــذا خليته بس عشان اخليه بارز شوووي وأختيار اللون كـــآن على حسب البدلة اللي لابستنه

واخر شي رطبت شفايفي وخليت هالروج الحلو من فور ايفر 52 أحب استخدم هاللون عشان يعطيج لوووك طبيعي بحت للشفايف ،،، ( رقم الروج وضحته لكم في الصورة )

وخلصت مكياجي وروحت عند ربيعتي ولله الحمد

هــذا هوو لوكي البسيط

ونلتقي في تدوينه يديدة اذا شاء الله تعالى

فمـــآن الله

(( لا إله إلا الله ،،، محمدا رسول الله ))

happycloudworld

0 Comments

In Photoshop

تصميم بــآترن لثيمات مخططه

Posted on الخميس، 14 يناير 2016

السلام عليكم ورحمة الله وبركاته

أنــآآ حابه اتعلم شغله اللي هــو تصميم الثميات .. عندي وقت فراغ شوي مب عارفه شو أسوي فيه .. ويى في بالي أني اتعلم هالشي ..

تصميم الثمات يعتمد على ذوقج والتصميم اللي أنتي حابه تصميمينه لـ توزيعات مواليد أو أعراس أو حفلات أو أي شي .. ؟؟

الشي الثاني لازم يكون عندج برنامج الفوتوشوب ولازم تعرفين تستخدمينه وتعرفين بعض الاشياء اللي نستخدم فيه

اليوم موضوعي سهل مرة هــو كيف نسوي باترن لثيمات مخططه .. درس خفيف وسهل بس يبغيله شويه تركيز لا غير .. ركزو شوي على الدرس قبل التطبيق ^_^

الدرس :

الشكل النهائـــي

وهذا تطبيقي البسيط

شــو رايكم فيه ..؟؟

دمتم بحب

نلتقي في تدوينه يديدة أن شاء الله تعالى

فمــآن الله

( سبحان الله وبحمده )

happycloudworld

0 Comments

In أدعية

دعاء الفرج

Posted on

مرحباااا

تدوينتي اليوم عن :

{ دعاء الفرج }

ربي يفرج على كل مسلم ومسلمه ويرزقكم من فضله

دعاء الفرج :

اللهم اشرح صدر كل من ينام الليله في ضيق

ويا رب أجعل صباح الغد فرج لكل من صبر ودعاك بالتفريج

حسبي الله لا إله إلا هو عليه توكلت وهو رب العرش العظيم

ربي قد مسني الضر وأنت ارحم الراحمين

يا حي يا قيوم برحمتك استغيث اصلح لي شأني كله ولا تكلني إلى نفسي طرفه عين

اللهم آميين

نلتقي في تدوينه يديده ان شاء الله تعالى

فمان الله

happycloudworld

0 Comments

In Pic and Design

تصميم لوجو خاص فيني

Posted on الاثنين، 11 يناير 2016

السلام عليكم ورحمة الله وبركاته

شحــآلكم متابعيني وكيف صحتكم ،، عســآآكم ما تشكون باس

اليوم قررت أسوي لوجو خـــآآص لحسابي ،،

قبل مــآ نسوي لوجو خاص لــآزم او شي نفكر كيف نبي التصميم يكون او حسابنا او مشروعنـــآآ عن شــو يتكلم

أنــآآ مدونتي أدون فيه أي شي ،، فاخترت هالورده الحلوة والي جذبني فيه الالوان

واذا مدونتج او حسابج يتكلم عن الطبخ تختابريم شي يتكلم عن الطبخ وكذالك للمكيــآآج

طبعــآآ اذا تبين لوجو دوري فالنت تحت مسمى مثل : flowers logo png أهم شي لازم تكوني مخططه كيف تبينه عشان تعرفين تصمينه صح ... اذا كان للمكياج غيري flowers الى make up او اي شي في بالج

طبعــآآ تصميمي كــآن ببرنامج الفوتوشوب الصورة اخذته من النت لووووول بس ضفت الخط والسايز يعني شبه جاهز ...

اخترت هالخــط والسايز كــآآن 36

الشكل النهائــــي لـ لوجو

تدوينه بسيطه

اتمنى وفقت في طرحه

دمتم بحب

" سبحان الله وبحمده ،، سبحان الله العظيم "

happycloudworld

0 Comments

In DIY Makeup

DIY : بديل منزلي لمزيل المكيــآج

Posted on السبت، 9 يناير 2016

السلام عليكم ورحمة الله وبركـــآآته

يسعد الله أيـــآمكم بكل خير وبركه وطاعه الله تعالى

شحالكم متــآبعيني وشــو علومكم ..؟؟ عســـآآكم مـــآآ تشكون بــأس

تدوينتي اليوم بيكون عن شغله بسيطه تصنعوهــآ في البيت والادوات متوفر في كل بيت ،، أنــآ مره كنت أبي امسح مكياج ويهي وكنت نسيانه ان مزيل المكياج مخلص مـــآلي ،، وهذاك الفترة تذكرت اني قريت موضوع عن بديل المكياج ونقدر نسويه في البيت وسبحان الله هالادوات كـــآآن متوفر عندي في حجرتي << هههه لاني احب اجرب واستكشفت وهالشغلات كــآآن عندي وجربته بس مرة وحده ونقذني هذاك اليوم

الادوات اللي بنحتـــآآجه عشان نسوي بديل مكياج منزلي