هلا وغلا ومرحبا
اليوم يمكن ما عندي تدوينه مفيدة كثر الرمسه اللي يشعل في قلب قلبي
بداية
صلو على النبي
" اللهم صل وسلم وبارك على نبينا محمد"
" اللهم بلغنا رمضان لا فاقدين ولا مفقودين ونحن ننعم بـ الف صحة وعافيه يا رب العالمين
رمضان هالسنة بيكون غير غير عن السنوات اللي طافت ..
مـا فـ يدنا شي غير ان ندعي الله سبحانه وتعالى انه يبعد عنا الوباء والبلاء ويبلغنا شهر الخير
شهر الرحمه شهر المغفرة والعتق من النيران ..
استوعبنا وايد اشياء
استوعبنا أكثر ان الدنيا ما يسوى
بس ياليت البشر يفهمون
أحس عمري مقهورة حييل حييل من بعض البشر
خاطري امسك شخص شخص ( طبعا من الاشخاص اللي أعرفهم شخصيــآآ )
أقولهم شو تستفيدون من كل هالاشياء
الرزق بيد الله سبحانه وتعالى مب بـ يدكم
الزواج والنصيب بيد الله سبحانه وتعالى مب بـ يدكم
الوظيفه بيد الله سبحانه وتعالى مب بـ يدكم
كل امر للمسلم بيد الله سبحانه وتعالى مب بـ يدكم
خلو ايمانكم برب العباد كبير
عشان تشوفون حجم الشي الصغير عظيم
صرت وااايد وااايد انقهر بس وااايد اتغاضى
حق شو ؟؟ حق نفسي .. حق عمري .. حق روحي
متى مــا الله سبحانه وتعالى كاتب لي رزق باخذه حتى لو على ظهر عدووي
هالشي ترى والله مكتوب ..
وانا عندي ايمان ويقين بان الله سبحانه وتعالى بيعوضني خير عن كل شي
فـ شغلي واعمالي
ناس وايد تقلدني
ليييش ..؟؟ وين ابداعج ؟؟ وين لمستج ؟؟ هل لج رغبه في هالشي والا بس من باب التقليد
وايد احيانا انقهر من هالشي بس بعدين اتذكر ان هم قلدوني لاني افضل منهم
الحمدلله والشكر لله
الحمد والشكر واجب على كل مسلم ومسلمه
بـ الحمدلله تدوم الصالحات
بـ الحمدلله نشوف الخير والتوفيق والصلاح في حياتنا
خليج دائما مبتسمه .. اسعدي نفسج بـ نفسج .. لا تنتظري سعاده من احد
اكلمج من خلف هالشاشه
يمكن في سطر من السطور يكون لج ..؟؟
سوال وصلي ..؟؟
خاطري اكون نفسج واشتري نفسج ..؟؟
اولا هل سالتي نفسج ..؟؟ هيه من وين عندها كل هذا ..؟؟
انا حالي من حالج اقبض مصروفي نهاية الشهر ..
بس شو اسوي فيها اقسمه عدة اقسام .. ومنها اجمع لي مبلغ حلو واشتري اي شي في خاطري
ما يحتاي تفكير بس بمجرد تقايسين على عمرج شوي بـ المصاريف وتبعدين عنج سوالف الكوفي للتصوير
بتحصلين مبلغ حلو تقدرين تاخذين اي شي خاطرج فيه
وتذكري بـ الحمد والشكر تحصلين كل شي اللي في خاطرج ولا تنسين الاستغفار جنه يا بنات جنه ولا تنسين الصلاة على اشرف خلق الله
" محمدا عليه أفضل الصلاة وازكي السلام"
اشتغلي لنفسج .. نمي هواياتج .. ابدعي في الشي اللي تحبينه صدقيني بتشوفينه شي غير غير لييش ؟؟ لان في لمسه من لمساتج
ليش رمضان هالسنه بيكون غير ..؟؟
رمضان هالسنه بيكون غير عن رمضان اللي تعودناه من نحن وصغار وكبرنا على نفس ما تعلمناه
بس هالسنة غير غير غير
بسبب الفايروس .. ما بيدنا شي غير الا ندعي الله سبحانه وتعالى ان يفك كربتنا ويبعد عنا هذا البلاء والوباء وان يبلغنا شهر رمضان
لا فاقدين ولا مفقودين ونحن ننعم بالف صحة وعافيه يا رب العالمين
الحينه دورج انتي امسكي ورقة وقلم وكتبي كل شي خاطرج في عشان ما تنسين وابدي ادعي الله سبحانه وتعالى
سبحان الله الخلاق العظيم دعوات رمضان كلها مستجابه باذن الله سبحانه وتعالى ...
خلي لسانج عامر بذكر الله سبحانه وتعالى طول الشهر الفضيل
سوي لج جدول وتقربي من الله سبحانه وتعالى لنيل رضاه والجنه والعتق من النيران
حاولي تختمين كم جزء من القران الكريم مع فهم معانيه وتفسيره
ابتدعي عن التلفون والوسائل التواصل الاجتماعي وتقربي من الله سبحانه وتعالى
ختاما
حبيت اقولكم ... انا وايد مقهورة من التحديث الجديد من قوقل للبلوق احس اصور جودته مب زينه
احس روحي ما اريد اصور واتفاجى بصور كذا في تدويناتي وهذا اكبر دليل *_*
عسى يتعدل التحديث لان وايد في بالي تدوينات وخاطري اصور واكتب وادردش وافضفض وكل شي
المهم
قبل ما اختم هالصفحة
لا تنسوني من دعواتكم الطيبة
واشوفكم على خير
دمتم بسعادة وراحه بال
غيمة سعيدة
![Pin It](http://pinterest.com/pin/create/button/?url=https://happycloudworld.blogspot.com/2020/04/2020_25.html&media=https://blogger.googleusercontent.com/img/b/R29vZ2xl/AVvXsEhyE0EJ5HlNAZ6knNd6c6zozAKT2b5xkUcbyiORdZ_CHBBMURDPBwj0BGQ24eOYvUishZutH2iMBXaBt3WwqoNQHW0F48L8Hi5rCD-upGd46wbNmBXBAy9isW5VWUhYK6k-LY2ni2opOZMx/s72-c/%25D8%25A7%25D9%2584%25D9%2588%25D8%25A7%25D8%25AC%25D9%2587%25D9%2587.jpg&description=السلام عليكم ورحمة الله وبركاته " اللهم صل وسلم على نبينا محمد" " بسم الله الذي لا يضر مع أسمه شي في الأرض ولا في السماء وهو ...){kind=link}
![Pin It](http://pinterest.com/pin/create/button/?url=https://happycloudworld.blogspot.com/2020/04/blog-post_68.html&media=https://blogger.googleusercontent.com/img/b/R29vZ2xl/AVvXsEipyrzzi2AlB7YfbcdzGoxuE5cgWEug981ONfQ2eRXTeHaSk8GDzuHLH_4MQPW-JPfDD3AA0I01hs22QB_DrQDO25ztuCcFCpdDGD-b-_f8nPwl8qJij26LhsvKVj7G22pZBlzjgoOSlxK_/s72-c/%25D8%25A7%25D9%2584%25D9%2588%25D8%25A7%25D8%25AC%25D9%2587%25D9%2587.jpg&description=السلام عليكم ورحمة الله وبركاته يسعد الله أوقاتكم بكل خير وبركة وطاعه الله سبحانه وتعالى " اللهم صل وسلم على نبينا وحبيبنا وشفيعنا محمد...){kind=link}
![Pin It](http://pinterest.com/pin/create/button/?url=https://happycloudworld.blogspot.com/2020/04/blog-post_22.html&media=https://blogger.googleusercontent.com/img/b/R29vZ2xl/AVvXsEhaKQEWZSkrOybz2Umn7Y0hh9xTAkJrKz2XOa7FzDdGqJAB4-Cjyx9xzNhxP0db7RjQ9Vh3AomsnlF4jALoJiK1zErPLIczE7xCxa3fBjK5M5dwgOZjN9d6OjChwLF-hWe-PyBFzK6LnNo/s72-c-d/%25D8%25A7%25D9%2584%25D9%2588%25D8%25A7%25D8%25AC%25D9%2587%25D9%2587.jpg&description=السلام عليكم ورحمة الله وبركاته يسعد الله أوقاتكم بكل خير وبركة وطاعة الله تعالى " اللهم صل وسلم على نبينا محمد" " بسم الله ا...){kind=link}
![Pin It](http://pinterest.com/pin/create/button/?url=https://happycloudworld.blogspot.com/2020/04/blog-post_21.html&media=https://blogger.googleusercontent.com/img/b/R29vZ2xl/AVvXsEhE5MkDsn0llDwSL3kVgwTymhaokDV5QmflOa-LbCuSR0JHZZXtLLPwGpOuHRUmahk7X-aOl-7IRyEkWLU9lZZ62YegVBwNKLHXjnme7CDVJgnTDBNt2jAX5Jh76CkzwL8eayJJbiD-UnW7/s72-c/%25D8%25A7%25D9%2584%25D9%2588%25D8%25A7%25D8%25AC%25D9%2587%25D9%2587.jpg&description=السلام عليكم ورحمة الله وبركاته يسعد الله أوقاتكم بكل خير وسعادة دائما " اللهم صل وسلم على نبينا وشفيعنا وحبيبنا محمدا عليه أفضل الصلا...){kind=link}