سويها بنفسج || عمل وردة بالورق

السلام عليكم ورحمة الله وبركاته

يسعد الله أوقاتكم بكل خير وبركة وطاعه الله سبحانه وتعالى

" اللهم صل وسلم على نبينا وحبيبنا وشفيعنا محمدا عليه أفضل الصلاة وازكى السلام"

" اللهم بارك لنا فيما تبقى من شعبان وبلغنا رمضان لا فاقدين ولا مفقودين ونحن بأفضل حال"

من كم يوم شاركتكم بوست في الانستا لكيفيه عمل ورد بالورق .. كانت تجربتي الاولى وعجبني الفكرة

الاساس من هالفكرة بشكل عام هو اني اريد ازين جدار رمضان 

فقررت انزل لكم تدوينه كاملة لكيفيكة عمل هالورد لزينه الجدار

اللي بنحتاجه

- ورق مقوى او ايفور ( افضل ورق ايفور لان اسهل في الثني ) اخترت اللونين الاحمر والابيض

- دباسه صغيرة 

- مسطرة

- كتر ( مشرط ) او مقص اللي متوفر معاكم 

زوووم على الالوان اللي اخترتهم 

طريقة عمل الورد بالورق

طبعا يعتمد على الحجم اللي تبيغه انا بغيت حجم شوي كبير بيكون ك حجم ورق ايفور و حجم اصغر بشوي 

اول شي بعلكم الورد الصغير 

نشل ورق ايفور ونقسمه بالتساوي الى نصفين

باستخدام المشرط او المقص نقسمه الى نصين ( انا متوفر معاي هالمقص )

بعد ما قسمنا الورق نصين

نبدء بعملية الثني بيكون بشكل متساوي لين ما نوصل الى هالشكل اللي ف الصورة

بعدها نشل ورقة ونثنيها بالنص ( ونكمل على الباقي بنفس الخطوة )

بعد عملية الثني نجمع كل 3 اوراق مع بعضهم نفس الشكل اللي ف الصورة

وبعدها نبدء ندبسهم كل ورقة مع بعض لين ما نوصل الى الشكل المطلوب 

الورده الكبيره بنفس الخطوات بس بنحتاج الى ورق ايفور كامله بدون ما نقصه 

وهذا هو ورداتي بالورق اللي اريدهم لزينه الجدار لشهر رمضان وان شاء الله بشارككم بالفكرة نفس السنوات اللي طافت

وختاما

استودعتكم الله الذي لا تضيع ودائعه

فمان الله

" سبحان الله وبحمده"