مقشر للمنطقة الحساسة

السلام عليكم ورحمة الله وبركاته

يسعد الله أوقاتكم بكل خير وبركة وطاعة الله تعالى

" اللهم صل وسلم وبارك على نبينا وحبيبنا وشفيعنا محمدا عليه افضل الصلاة وأزكى التسليم "

" بسم الله الذي لا يضر مع أسمه شي في الارض ولا في السماء وهو السميع العليم "

ويا مرحبابكم في تدوينة يديدة من تدويناتي ...

اليوم حبيت اخبركم عن مقشر سويته مرتين .. التصوير كان في الاستخدام الثاني ...

المقشر حلو للمنطقة الحساسة لاني هالمرة ضفت الاسكينول .. 

والاسكينول معروف للجسم ان يساعد على توحيد لون البشرة بس نصيحة أخت لا تستخدمون الاسكينول للويهه

لان يعتبر منظف جدا قوي ... وبشرة الويهه بشرة حساسة ما اي شي نستخدم حقه ...

المقشر اللي ابي أخبركم عنه  بس بـ 3 منتجات وكل منتج يقول الزين عندي .. يعني يعتبر المقشر شبة قوي .. 

عشان جي سميت التدوينة " مقشر للمنطقة الحساسة "

يالله الحينه جهزو العدة وتعالو أخبركم عن المنتجات اللي بنحتاجة في عمل هالمقشر ،،، 

بنحتاج الى :

ملح الحليب

الاسكينول اي اسكينول متوفر معاج أنا احب استخدم اسكينول silka

مقشر جاهز " أنا استخدمت هالمقشر بالورد من اسكن دكتور " المقشر كريمي وفيه ريحه ورد ... تقدرون تستبدلونه ب مقشر كريم كاب 

اشلون نسوي هالمقشر ...

ناخذ 5 ملاعق صغيرة من ملح الحليب " استخدمت ملعقة باسكن روبنز " 

من فوائد ملح الحليب انه يستخدم لسنفرة الجسم لتخلص من الخلايا الجلد الميته 

وطبقات الجلد التالفة ليمنح الجسم النظارة والنعومة والبياض

و 3 ملاعق صغيرة من السنفرة الجاهزة .. تقدرون تستخدمون مقشر كريم كاب .. " أهم شي يكون المقشر شبه كريمي ويعتبر من المقشرات القوية للجسم "

زووووم على المقشر وشوفو اشلون المقشر كريمي ...

وبالمقياس المعياري .. نــآخذ رقم 15 من  الاسكينول ...

نخلطهم مع بعض .. وشوفو قوام المقشر اشلون 

ونحفظة في علبه نظيفة واهم شي لا تخلونه يقرب للماي ...

تجربتي مع المقشر ..

المقشر وايد حلو .. يساعد على تفتيح المنطقة الحساسة بس يبي له استمرار 

يستخدم المقشر 3 أيام في الاسبوع .. وأهم نقطة لا تنسون الترطيب بعد استخدام اي مقشر

التقشير يكون بحركة دائرية بدون استخدام اي ليفة او قفاز الجسم 

ختاما ..

لا تنسوني من دعواتكم الطيبة

واشوفكم في تدوينة يديدة من تدويناتي ...

استودعتكم الله الذي لا تضيع ودائعه 

فمان الله 

 

Read More

happycloudworld

Share Tweet Pin It +1

0 Comments