قهوة العصر

السلام عليكم ورحمة الله وبركاته

" اللهم صل وسلم على رسول الله "

هالتدوينة المفروض ينزل من قبل كم يـــوم ،، واخر تدوينة قلت لكم أبي أنزل الفوتوشوب اللي أحب استخدمه وانـــآ مسحت الفوتوشوب اللي عندي على اللاب توب قبل ما اشيك على السي دي ،، والسي دي أخترب ^_* ... ونرجع لمحور حديثنا وتدوينتي لوووول .

من أقدم الحلويات اللي أحب أسوية ولا زلت أحب اسويه ،، طعمه بالنسبة لي خرافي ،، ولذيذ .. صح أن متعب سالفه التكوير خاصه اذا تبي تسوي كمية ،، بس يوم يجي خاطري فيه يهون علي التكوير لوووول ... مكونـــآت السويت خفيفة ويكون موجود في أغلب الاوقات في المطبخ مــآ يبيله شي ... بس ركزي بكل كلمة كاتبه لج عشان يكون عليج سهل الطريقة 

نحتاج لـ هالسويت 

 

بسكوت ماري >>> أنــآ ما جربت الا هالنوعية بس ،، العدد بيكون على حسب الاشخاص 3 أكياس أو 4 أكياس على حسب رغبتج ،،، حتى اذا تبين تسوينه حقج أنتي عادي بس قللي من البسكوت

نسكويت >>> 4 ملاعق كبار أو 5

حليب مركز >> بيكون على حسب الكمية اللي أنتي بتسوينه ... اذا بتسوين 5 أكياس بسكوت صغار  يعني بتحتاجين لعلبة وثلاث أرباع حليب مركز .. طبعا اذا كان أقل بتحتاجين اقل وكذا ...

نــآرجيل >>> بدون تحديد الكمية لان بس بنحتاجة لتغطية 

الطريقة :

أول شي نفتت البسكوت ،،، اذا عندج الجهاز بيكون لج سهل .. اذا لا فتتي البسكوت بحيث يكون ناعم ... انـــآ عندي هالاداه .. مسهل علي سالفة تفتيت البسكوت ^_^ ( الحمدلله )

 

وعقب مــآ نفتت البسكوت نخليه في وعـــآء ونخلي نسكوت 4 أو 5 مـــلآعق كبـــآر 

 

نخلط البسكوت مـــع النسكوت ،،، هالصـــورة بعد مـــآ خلطتهم مع بعض

 

نحط الحليب المركز .. 

 

ونبدء نخلطهم مع بعض لين مــآ يتجانسو ... هالصورة بعد ما خلطتهم مع بعض @_@

هالخطوة أختيارية : اذا تبين تخلينه فالفريز عشان يتجمد شوي بس خليه 5 دقائق او 10 دقائق مب زيادة ،، لان بيسهل عليج عملية التكوير عقب >>> انــآ أحب اسوي هالخطوة لان اذا ما خليته واذا يلست اكور احس البسكوت كله فـ ايدي ومــآ أحب كذا .

أخر خطوة نغطية بالنـــآرجيل .

 

يــى خـــآطري فيه الحينة ^_*

 

طبعـــآ أنــآ خليته في هالزجاجه للزينة .

 

وانتي وابدعاتج كيف تبين تسوينة ... اتذكر مرة سويته للضيوف حطيته في أكياس نفس الكب كيك .. بس هالاكياس مخصص للحلويـــآت ... حلو تسوينه للقرقيعان أو حفلات الاطفال واحلى شي حلو تسوينه لقهوة العصر .... عشان جي سميته التدوينة بـ هالاسم ^_^

وهذا موضوع عشان تخلين الحلاوة بنفس الشكل ... ( هنــــآآآ )

صحة وهنـــآآ

ونلتقي في تدوينة يديدة اذا شاء الله تعالى

خير لك وأبقى :

@ سبحان الله ،، والحمدلله ،، ولا إله إلا الله ،، والله أكبر @

فمان الله