سنوات من الكتابة في عالم النت

ويسعدكم ربي في كل الاوقـــآت

" اللهم صل وسلم على رسول الله "

تــآريخ اليوم 13/07/2016

اليوم يوم الاربعـــآء ...

اليوم يالسه أقلب في اللاب طـــآح عيني على هالمجلد

مواضيع عروس ...

منتدى عروس ،، من أواخر المنتديات اللي اشتركت فيهم وحبيته ،،، بالفعل هالمنتدى اللي تعلمت فيه وآآيد اشياء ،، وربي يجازي كل البنات اللي تعلمت منهم كل خير وربي يوفقهم في حياتهم ..

تغيرت وايد .. تغير تفكير للحياة ،، تغير تفكيري لكل شي حولي ،، طورت من نفسي ،، تعلمت وايد شغلات أنـــآ بالاســـآس ما كنت أعرفهم ،، خاصه الطبخ ،، صح أني مـــآ أحب آطبخ لين الحينة ،،، بس بديت أعرف أسوي شغلات ينقذني في المستقبل اذا ربي عطانــآ عمر .

مــآ كنت أعرف شو هو العناية بالبشرة بالضبط ،، عبالي بس سباحة وخلاص ... اسبح واتعطر وابرش اسناني وامشط شعري .

من منتدى عروس عرفت الاساسيات .. بحث في عالم النت وايد شغلات علمتني واستفدت منه وحبيت أعلم فيهم غيري . مـــآ همني شي كثر التعلم والاستفاده لاني واثقة من نفسي كل شي أقدمه لكم في هالمدونة ربي بيجازيني خير جزاء باذن الله تعالى. عرفت شغلات وايده كنت متجاهلتنه ،، وتطورت التكنولوجيا .. ومــآ صرت ادش المنتدى وايد .. صرت ادشه بين فترة وفترة ،،، وايد افتقدت المنتدى وافتقدت المواضيع الحلوة والمميزة ،، افتقدت بعض من العضوات المميزات في هالمنتدى الرائع .. على الرغم في بنات بعدني متواصله معاهم .. بالمقابل في بنات ما أعرف عنهم أخبارهم .. ربي يوفقهم ويسر أمورهم يــآ رب .

شكرا عروس على كل اللي قدمتيه لنا .. وربي يجازي صاحبة الموقع كل الخير وبركة. وحتى في أيـــآآم خاطري انزل المواضيع ع مدونتي اهني ... وفي أيام يوم اكون فاضية احب اقرا مدونتي واسترجع شو كتبت ... ^_^

ومن بعد عروس اتذكر دشيت منتدى شمواه ،، هالمنتدى منتدى سعودي بس ما استمريت فيه وايد بس فتحت لي موضوع في منتدى my blog وكان نك نيمي في هالمنتدى راقية بطبعي وهذا هو رابط مدونتي هناك    ... كنت أبي احط مقتطفات من مدونتي بس شفت في شغلات حلوة للقراءة وخليت الرابط ^_^

♥ شمـوخ بنتك يـا أبـوي ،، مـآ أنخلق مـن يهزة ♥ 

وعقب فتحت لي حساب في الانستغرام ومن بعدها فكرت بالمدونة ،،، المدونة شي حلو بصراحه حق اللي تحب تكتب وتبدع فيه ،، تكتب أي شي في خاطرهــآآ ،، تبي تطور من نفسهـــآ ومن وايد اشياء .

الحياة بالنسبة لي التعلم والتفاهم ،، أحب اتعلم في حياتي ما أحب أيلس كذا ،، أحب أرقي من تفكيري ومن نفسي ،، ماحب ايلس كذا ،، اليوم اللي ايلس فيه كذا فاضية احس بملل وضيق لان يومي بلـى هدف ... أحب انظم وقتي ،، أحب اللي حولي يكونو قريبين من تفكيري ،، سوى في بيتنا أو المجتمع او صديقــآتي ...

سنوات في عالم النت .. استفدت منه وانجزت وتعلمت وايد وايد اشياء ومن ضمن الاشياء اللي تعلمته الفوتوشوب وبرنامج الفلاش ،،،

حبيت ارتقي في نفسي وارتقيت الحمدلله وكبرت وكبر تفكيري ولله الحمد ،،،

والحينة في خاطري امسح هالفوتوشوب اللي عندي وانزل الفوتوشوب اللي احب استخدمه ويبيلي انزل خطوط يديدة .. وفي موضوعين مجهزة كتابتهم بس الفوتوشوب ما يساعدني وايد ،، ويبيلي اعدل في الصور ...

وهالتدوينة يى في بالي كذا اكتبه مجرد فضفضة لا غير ..

لا تنسونــآ من دعواتكم الطيبة

ونلتقي على خير

فمــآن الله .

لا تنسون ذكر الله

" سبحان الله وبحمده .. سبحان الله العظيم "