لكل صورة حكاية || ذكريات جامعية

مرحبـــآآ ،،

قبل ما ابدي تدوينتي حبيت أقولكم ،،،

وخاتمة العيد / عسى تعود الأمــآني ، ونرجع نعايدكم سنين  ♥♥♥

تدوينتي اليوم مب تدوينة جمالية أو اقدم لكم معلومات أو ريفيو أو شي .. تدوينتي اليوم تدوينة بيكون لي أنـــآآ .. ذكرى أنطبع فيني في يوم من الايــآم وفي زمن من الأزمــآن وبيمر الايــآم وبيكون كل شي ذكرى مرت وانا بستمتع فيه أكثر منكم .. اللي تحب تعيش مثل هالاجواء .. بتستمتع بقراءه التدوينة .. على فكرة أنــآ من النوعية اللي أحب أقرا نفس هالتدوينـــآآت لووول ...

"بسم الله الذي لا يضر مع أسمه شي في الأرض ولا في السماء وهو السميع العليم"

في رمضــآن خلاص قررت أني ارتب ركن في كبتي ( خزانتي ) >> حق اللي مــآ تعرف العامية مالتنــآ لووول ... وكنت مخلية في اوراق يمكن من أيــآم الثانوية ،، ومن دشيت الجامعة ووقفت بالدبلوم وخليت الاوراق وقلت يمكن احتاجهم اذا كملت دراستي .. ومن كملت دراستي الحمدلله مــآ أحتجتهم وقلت خلاص برتب هالمكــآن لان ما صار له مكان للاوراق او دفــآتر هههه وانــآ يالسه افرفر الاوراق .. صورت كم صورة للذكرى عشان اسدحه في مدونتي ...

أول ملزمة يدوته هذا ويلست اضحك ع استهبالي اهني هههههه هالمادة كــآن متطلب جامعي ،،، همسه لهواه النقل : " أني ما اسمح بنقل أو أخذ اي صورة من صوري الى اي مكان " 

  

ومـــآفي ملزمة أو ورقة ما نكتب هالاسمين عليهم ههههههه وطرشت مسج لربيعي وقلت لهــآ احد اسباب تاخر دراستي هالاسمين هههههههه

سوالف بين المحاضرات لوووول >>> ههههه أهم شي مستعيل لووووول

جزء من شغلنا في مادة تحليل وتصميم النظام || System analyses and design

هالدكتور من اعز الدكاترة عندي احب شرحه بشكل ما تتصوره ،، مستحيل ما يدخل المعلومة في مخج ،، كان خاطري يدرسني السنة الياية اخر كورس لي اذا شاء الله تعالى بس خلاص تقاعد .. ربي يوفقه

 

مـــآ أعرف ليش أحب ارسم ... خاصه اذا كان المحاضرة مملة لازم ايلس اشخبط او ارسم .. 

 

دفتري اول سنة جامعه تخصص >> زمن أم خماس يمكن كان اول سنة يمثلونة اذا ما خاب ضني ^_^

جانب من كتاباتي في البرمجه مادة جافا

  

نك نيمي القديم || أميرة تهز الديرة || *_^

  

وأنـــآ يالسه اعق الاوراق .. شفت هالملخص للاب .. والحينة نحن يالسين نشتغل عليه لمشروع تخرجنـــآ وخليته ع صوب ^_^

 

دفتر محاضراتي ليفل 3 الكورس 2

  

بعض من النوتات في دفتر محاضراتي عشان ما انسى شو أبي >>> فكرة النوتات وايد حلوة وما بتنسين شو تبي تسوين وبتخلصين اللي تبينه

   

اهم شي هالنوت ههههه || اسايمنت ،، اسايمنت ،، اسايمنت لووووول ^_^


 

زووووم لفكرة النوتات ^_^

  
   

حديث جانبي ههههه كان مادة ادفانس نت ورك ،، هالمادة دسمه دسمه بشكل ما تتصورنه وكل شابتر يخنق من كثر اللي فيه >> الحمدلله اني خلصته بسلام 


 

خلااااااص ما بنسى ههههه >> اتذكر امتحان هالاب كان عباره عن فيديو من اليوتيوب ،، ونحن نطبق نفس الفيديو ،، تجمعنا نحن والبنات عشان نعرف الفيديو وشو مضمونه وكل مرة وحده تروح عند الدكتور تساله سوال ،، ولين ما عرفنا شو هو الفيديو اللي يابه لنا ونحن كنا عارفينه ومطبقينه وحدنا هههههه آه يا زمن

 
   

جانب كتاباتي في وقت المحاضرة

  

هههههههه حبيت هالحملة بصراحه >>> الحمدلله خلصت الماده بسلام 


 

احب أكتب نفس هالنقاط بس عشان ما اركز عليه يوم ادرس للفاينل لوووول


 

لووووول ،، هذا سنة ثانية تقريبـــآآ

  

وهذا ربيعتي اليديدة عطتني اياه ،، ولين الحينه محتفظتنه معاي التاريخ ونك نيمها ع الصورة لووول

طبعا بعدني ما خلصت التنظيف .. واذا ربي قدرني اكمل البارت الثاني بكمل لووول

ختاما

وبيمر الايــآم وبيبقى كل شي ذكرى 
   
 

لا تنسونــآ من دعواتكم الطيبة

" ربي وفقني ويسر لي أموري القادمه على خير " ... آمين يـــا رب

فمان الله