Mani's cafe

ويـــآ هلـــآ وسهــلا

 

@ بسم الله الذي لا يضر مع أسمه شي في الارض ولا في السماء وهو السميع العليم @

ســـآفرتو مكـــآن أو يالسين فالبلاد نفسي >>> أنــآ اصلا مــآحب السفر يوم الناس تسافر لوووول ،، صج ج ج ماحب السفر يوم كل الناس تسافر احب أكون مميزة لووووول .

بس خاطري أروح العمرة .. ( ربي يكتب لنا بعمرة قريبة ... آمين يا رب )

] اللهم صل وسلم على رسول الله [

اليوم تدوينتي بيكون عن كوفي شوب وانطباعي عن هذا الكوفي ... وكان روحتي لهذا الكوفي 11/07/2016

كنـــآ طالعين عشان نروح كوفي شوب حرملك عشان الكنـــآفة ،،، وأول ما وصلنا المول يمكن 3 مرات بركنا السيارة ونغير المكان >>> هههه كنت فاضين شوي وما عارفين شو نسوي ،،، الموهيم نزلنا المول ووصلنا كوفي شوب وابوي ربي يحفظة كان قايل لاخوي شغلة عشان يسويه حقه واخوي نسى السالفة ويالس معاي وعلى تخطيطي هههه ومن وصلنا الكوفي شوب ابوي ربي يحفظة اتصل ف اخوي وقاله انت وين ،،، وانا مرة خاطري في كنافة واضطرينا نطلع من المول عشان اخوي يروح يخلص الشغلة ... ومن خلصه قالي نرجع المول قلت له لا تو بيبدء الزحمة وانــآ مــآ أحب الزحمة ... وقلت له نروح مانيز ،، أول مــآ فتح مـــآنيز اشوف السنابات وجي يى ف خاطري اجربه بس ما صارت لي فرصة اني اروح اتغدى أو أتعشى فيها بس اللي صار رحنا نتقهوى خخخخخ >>> حلوة رحنا نتقهوى لووول لان الوقت كان قريب العصر . وهالوقت حلو الواحد يتقهوى وياكل سويت وجي يعني .

الموهيم وصلنا مانيز ومـــآ كـــآن فيه حد ... وعقب يو عائله يتغدون ،،

 

 

في قعدة برع .. طبعا حلو اليلسه برع فالشتاء مب ف الصيف ^_*

 

وفي قعده لليهال بس ما صورته ^_^

وأول ما وصلنا على طول يابو لنا المنيو >> احلى شي الهندي عباله ان نحن مـــآ نعرف نقرا انجليزي لان أنــآ واخوي يالسين نتشاور شو نطلب وشو ناكل وياي يقولنا can help you ??

 

وطبعا أنــآ مب عارفة شو اطلب .. قلت لاخوي بطلب موكا قالي من وين تعرفي موكا انتي هههه عباله ما عايشة فالدنيا نفسه ،،، 

طلبنا كان شيز كيك بالجنبة ،، داخلها توفي ،، هوت شوكلي ،، عصير أناناس

وانا ما شاء الله علي جربتهم كلهم ،، حتى عصير اناناس مب لي بس جربته شوووي خخخخ

الشيز كيك >> حلو حبيته وخفيف 

 

هوت شوكلت >> مب وايد حلو نفس يوم اسويه فالبيت خخخخ حبيت التشبية لووول

 

عصير اناناس >> عجبني بس ثقيل شوي 

 

وفاتورنــآآ 

 

هذا نسخه من الفاتورة تذكرته وصورته وما عليكم من صورة المناكير خخخخخ ،، واستغربت انهم ياخذون تاكس

<<  الحمدلله الذي بنعمته تتم الصالحات >>

المكان حلو وهادي وتقيمي للمكانه 10/10 لان نحن نحتاج نفس هالكوفي في هالمجمع

السيرفس 10/10

لا تنسون ذكر الله

" سبحان الله وبحمده"

أشوفكم على خير

فمان الله