السلام عليكم ورحمة الله
وبركاته
ويــآ هلا ومرحبــآآ
اليوم حبيت اتكلم عن منتج
حبيته ،، ونـــآسبني لحول منطقة العينين ...
هذا ثاني مرة اشترية ،، يعني
حـــآن وقت التدوينة واخبركم بتجربتي
قبل كنت استخدم كريم غارينية
لمنطقة العينين .. وعقب ودرته حسيته مــآ بدء يناسبني ،،، واهملت هالمنطقة ،، على
الرغم ان منطقة العينين من اهم المناطق اللي لازم نعتني فيهم .. وحسيت ان يظهرلي
خطوط كــآنه تجاعيد حتى يوم اضحك وانــآ واقفة على المرايــآ اشوف هالخطوط كنت
استغرب من روحي .. لين مــآ استخدمت منتج كريم
Radiance للعين من فروت اند باشن ( طلعو ع التدوينة
) ... ومن خلص من عندي رحت اشترية وكنت
مستخسرة المبلغ عشان العلبة صغيرة واشتريته خلاص بس يوم عطيتها المبلغ قالت لي
عندج خريدات قلت لهــآ لاا .. قالت لي البائعه مــآ عندي خريدات تو ،، قلت لهــآ
أوكي انــآ بروح محل وبرجع لج .. وروحت المحلات اللي ف المودل مــآ أتذكر كم محل
المهم اللي اعرفه اني بيزاتي خلصن ومــآ رجعت لهـــا ( الحمدلله
) كـــآن خيرة لي اني مــآ اقط فلوسي على هالمنتج ،، المووهيم بعد فترة روحت
الصيدلية وشفت هالكريم فيد أوت للعيون جدام عيني وسعره حلوو قلت خليني اجربة .. من
بعد التجربة بصراحة اعطاني نتيجة حلوووه .. >> قصة حياتي استمتعو بالقراءه لووووول
الخطوط اللي حوالين عيني خفت
.. يوم اضحك ما يبين هالخطوط بشكل واضح نفس قبل ( الحمدلله
رب العالمين ) وسعره حلوو ومناسب تقريبا سعره بـ 2.800 ريال عماني .. ترطيب منطقة العينين عالي .. حتى بعد مــآ أحط
كونسلير مــآ يخطط .. المنتج حلوو واقتصادي يتم معـــآج فترة طوويلة .. اخذي 3 نقاط
عقب خليه حول عينج وشوفي الصورة وبتفهمين
شو أقصد
وعقب تبدين توزعينه حول عينج
مع مساج خفيف
قوام هالكريم كريمي ولو تلاحظون لونه مب لون أبيض
أحس التدوينة متلخبطه ،، بس أتمنى أني وفقت في طرحه أو أني وصلت لكم تجربتي
أشوفكم على خير
فمــآن الله
@ سبحان الله وبحمده @
0 التعليقات:
إرسال تعليق