Re-view || مخف مظهر مسامات الوجه من بودي شوب

السلام عليكم ورحمة الله وبركاته

"بسم الله الذي لا يضر مع أسمه شي في الأرض ولا في السماء وهو السميع العليم"

 

تدوينة سريعه بيكون عن منتج من منتجات بودي شوب ،، بمــآ أنــآآ تقريبــآ صارلي 3 مرات من يخلص ارجع أشتريه قلت بكتب لكم ريفيو مبسط عنه ...

 

هالمنتج عبــآرة عن مخفف مظهر مســـآمــآآت الويهه بزيت الشاي الاخضر ،، ينعم ويعبي مكـــآن المسامات ومن بعد الاستخدام بتسحين بشرتج منعشة ...

ويمكن تستخدمية كبرايمر قبل وضع المكيــــآآج ،، أنـــآآ ياني فترة كنت استخدمة كبرايمر ..

هالمنتج مالي غنى عنه .. ودرته فترة ورجع المسامات مرة ثانية .. الحينة رجعت واستخدمته مرة ثانية .. هالشكل الشكل القديم له .. وغيروه ،، ســـالت البائعه اذا في بينهم فرق ... قالت لي مــآ في فرق بس الشكل تغير ،،، كنت بشترية بس اخوي قالي خذي القديم أحسن فـــآخذت القديم لووول ... طبعـــآ سعر اليديد زيدوه كـــآن بـ 7.100 ريال عماني وصار بـ 7.400  

منتجـــآت الشاي الاخضر مناسب للبشرات الدهنية ،، وهالمنتج نفس الشي مناسب للي بشرتهــآ دهنية .. ومعرضه للمســآمـــآآت .. انصحهــآ تجرب هالمنتج ...

العبوة عبارة عن 30 ml بيستمر معـــآج فترة اذا كنتي تستخدمينة بس على مكان المسامات ...

طريقتي في استخدام هالمنتج ،،،

استخدمه البليل من ضمن عنايتي بويهي .. اغسل ويهي واحط من هالكريم وعقب ارطب ويهي ... يـــآني فترة كنت استخدمه لبرايمر قبل وضع المكيـــآج .. هالمنتج من اساسياتي وصرت مــآ أستغني عنه .

استودعتكم الله الذي لا تضيع ودائعه

 الحمدلله الذي رزقنـي هــذا من غير حول مني ولا قوة  #الحمدلله "

خير لك وأبقى :

" سبحان الله ،، والحمدلله ،، ولا إله إلا الله ،، والله أكبر"

فمــــآآن الله