منتجات بجربها || Part 3

السلام عليكم ورحمة الله وبركاته

يسعدكم الله في كل وقت وساعه

" اللهم صل وسلم على رسول الله "

تدوينتي اليوم سبقت وعرضته لكم عن منتجات بجربهــآآ وبخبركم عن رايي عن كل منتج جربته

"بسم الله الذي لا يضر مع أسمه شي في الأرض ولا في السماء وهو السميع العليم"

قبل ما ابدي المدونة بخلي لكم روابط سابقة لموضوع منتجات بجربهــآ 

|| منتجات بجربها ||  

 

منتجـــآت بجربهـــآ || Part2 

وهالرابط الاول لريفيو .. 

ريفيــوو ،، منتجــــآآت بجربهـــآآ 

المفروض أكتب لكم ريفيو البارث الثاني للمنتجات اللي جربتهم .. ان شاء الله قريب اكتبة لكم ...

البارث الثالث لبعض المنتجات اللي شريتهم وبجربهم .. هــو بديت بتجربة كــآول مرة لبعض المنتجـــآت .. ولازم استمر عليهم عشان اخبركم بالمنتجــآت بعد التجربة

بسم الله نبــدء 

 

المنتج الاول ...

كريم سكن وايت .. من مجموعه سكن وايت بعدني مــآ جربت هالمنتج ...

المنتج الثاني ...

مرطن الجلد الصلب حول الاظافر .. من بوتس ،،، جربته مرة وحدة عجبني ،، بس بعدني بجربه لين ما اعطي حقة فالاستخدام وببدي لكم رايي ...

المنتج الثالث ...

غسول المنظقة الحميمة من فيم فرش ... سبقت وتكلمت عن السبري في هالتدوينة ،، وكتبت في التدوينة أني ناوية اجرب الغسول من فيم فرش ،، الغسووول بصراحة شي روعه حبيته أكثر من كيرف ،،

المنتج الثالث ...

ماسك من ستي موريتس ،، بالخيار ،، أخذته من نزية .. أول استخدام لي حسيت بحرقة ف عيني ،، وصعب انج تشلينه ،، هالماسك نفس الجل .. لازم ينشف وعقب تشلينه يعني انا متعودة اشل الماسك بعد ربع ساعه .. هالماسك لازم اخليه زيادة لين ما اشيلة ،،، عقب بللت فوطة بماي وشليته .. بس بعدني بستمر بالتجربة ،،،

المنتج الرابع ...

مزيل مكياج العين من غارنينة ... هالمرة غيرت متعودة استخدم ماركة لوريال بس هالمرة قلت بجرب هالمزيل ... المزيل هذا دهني بعكس لوريال ... استخدمتة مرة وحده ولي تجربة عشان اعطيه حقة فالراي والاستخدام ،،

المنتج الخامس ...

مرطب الشفايف من فازلين ... هالمرطب عاد انا محتشرة عليه ومن زمان ابي اجربة .. وجربته رايي المبدي ما حبيته .. طعمة ما حلووو هههههههه اذا حد يذوقة لوووول ( امزح ،، امزح ) اول ما استخدمته حسيت بطعم غريب يى ع حلجي وفوق هذا حرقلي ويهي شوي انا عبالي من كريم اللي حطيته في ويهي وقمت شلت الكريم وفالنهاية طعم من هالمرطب ... والمرة الثانية حسيته عادي يعني هو مب واو ولا شياته بس بعدني بستمر فالتجربته ...

هذا هوو رايي المبدي للمنتجات اللي يالسه اجربهم الحينة ولي عودة ان شاء الله مع الريفيوو لموضوعين بس عشان ما انسى ويروح من بالي ...

ولا تنسونــآ من دعواتكم الطيبة في هذي الايام المباركة

استودعتكم الله الذي لا تضيع ودائعه

خير لك وأبقى :

" سبحان الله ،، والحمدلله ،، ولا إله إلا الله ،، والله أكبر "

فمــآن الله