سويت بالاسنكرس || سهله وخفيفة

هلــآآ ومرحبــآآ

كيفكم مع رمضان وأجواء رمضان الحلوة

" اللهم أعتق رقــآبنا ورقـاب أبـآئنا وأمهــآتنــآ وأخواننا من النار ... آمين يــآ رب "

" الحمدلله الذي رزقنـي هــذا من غير حول مني ولا قوة .... #الحمدلله "

" بسم الله الذي لا يضر مع أسمه شي في الأرض ولا في السماء وهو السميع العليم "

تدوينتي اليوم بيكون عن حلى سهل وسريع >> لا تحـــآتون أنــآ اجيب لكم كل شي سهل هههه يمكن يعجبكم ويمكن لا ،، الناس اذواق ^_^

مكونـــآت السويت 

 

بسكوت دايجستف مطحون بنستخدم ملعقتين كبار أو 3 على حسب الرغبه

ظرف دريم ويب

3 سنكرزس

كوب ll كــآس حليب فرش

علبة قشطة

3 حبات جبنه كيري

بسكوت ... أنــآ أهني سويت بسكوت ماري

الطريقة

أول شي خلي كل المكونــآت اللي ذكرته فووق في الخلاط ..

2 اغمسي بسكوت مع شويه حليب وخليه في الكــآســآات

 

وهالصورة البسكوت بعد مــآ غمسته وخليته في الكاسات

 

عقب خلي الخليط اللي خلطيه على البسكوت 

 

صحة وهنـــآآ ..

 

ممممممم

بخبركم بشي يمكن الاغلبيه لاحظ هالشي ويمكن لا .. ترى خليط الحلويات يوم بتسوينه كلهم بنفس المكونات او ننقص منه شي او نزيد شي من عندنا .. فالنهايه يى ان يكون حلو او لا ... هالشي انا لحظته من زمـــآآن والحينة يالسه اكتب التدوينة وفكرت اكنسلها وقلت انزلها يمكن في بنــآت ما يعرفون يسون شي او يدورون شي سهل نفس اختكم اللي تكتب التدوينة لوووووووول

دمتم بحفظ الرحمن

ولا تنسونا من دعواتكم الطيبة في هذا الشهر الفضيل

ولا تنسون ذكر الله:

" سبحان الله "

" الحمدلله "

" لا إله إلا الله "

" الله أكبر "

خير لك وأبقى :

" سبحان الله .. والحمدلله .. ولا إله إلا الله .. والله أكبر "