السلام عليكم ورحمه الله وبركاته
يسعد الله أيــآآمكم بكل خير وبركه وطـــآعه الله تعالى
] بسم الله الذي لا يضر مع أسمه شي في الارض ولا في السماء وهو السميع العليم [
} سبحان الله وبحمده .. سبحان الله العظيم{
}سبحان الله وبحمده{
}سبحان الله .. والحمدلله .. ولا إله إلا الله .. والله أكبر{
} اللهم صل وسلم على رسول الله {
اللهم لك الحمد والشكر على كل النعم الذي انعمهــآ علينــآ وعلى عباده الصالحين
الحمدلله ثم الحمدلله ثم الحمدلله حتى يبلغ الحمدلله مبتغـآه
•
•
•
دايسو اليابان .. الاغلبيه يحب هالمحل .. ويحب يستكشف ..وانا منهم احب ادخله وأحب استكشف شو عندهم ...
واحلى شي منه ان سعره رخيصه وما يتعدى الريال العماني .. يعني كل الأغراض اللي عندهم ب 700 بيسه وفي أغراض يتعدى هالسعر بس انا ما صادفني هالشي ،،
الموهيم .. آليوم حبيت اوريكم الأغراض اللي شريتهم اخر مره يوم روحت دايسو تقريبا قبل شهر كان خاطري احصل على شغلات أباهم ومخططه لهم بس ما حصلته =(
•
•
•
اللهم لك الحمد والشكر على كل النعم اللي انعمتها علي وعلى عبادك الصالحين
الحمدلله ثم الحمدلله ثم الحمدلله حتى يبلغ الحمدلله منتاه
•
•
•
•• انا مغرمه اي شي يخص الاظافر .. فيني غرام فضيع ب هالشي .. أخذت هذا اسمه Nail jewelry يتكون من 3 علب صغيرة
واحد على شكل قلوب والثاني على شكل نجوم والثالث فيه لمعه للاظافر ..
تقدرين انج تبطلينه وتركبينه فوق بعض ب هالطريقة انا ما بطلته لاني ابيه مثل ما هو
وفي الخلف مكتوب بعض التعليمات قبل لا تحطينه
بكتبه لكم بالمختصر وبفهمي للاستخدام =)
••|| تخلين الجليتر قبل تطبيق المناكير على الاظافر ،، وبعدين غطي بواسطه معطف خفيف يعني تحطين طبقه خفيفه من المناكير على الجليتر ||••
•• والشي الثاني اللي أخذته لاظافري هالاستيكر للاظافر ،، بس يضحكوني يوم يكتبون مجوهرات لوووول المهم هذا بعد ما تحطين اللون اللي تبينه .. حطي على الاظافر وعقب بالمناكير الشفاف ،، عشان يثبت انا كذا اسوووي باي استيكر استخدمه ،،
•• اسفنج للتوزيع الفاونديشن او بي بي كريم ،، بعدني ما جربته عشان اكتب لكم رايي عنه
•• من شفت استخدامه ضحكت ع روحي لووول انا من شفته كذا عبالي استيكر للاينير للمبتدين وكذا يعني ،، بس للاسف طلع عباره عن لاصق ثنائي الجفن ،،
عن قرب مكتوب انه جميل و طبيعي ثنائي يطوي الجفن ،، ••|| وبعدني ما فهمت شو يقصدون ||••
وهالصوره لطريقة الاستخدام
كيف يستخدام == How to use
1- مسح عرق و إفراز الغدد الدهنيه على الجفن بصحة جيدة
2- مسح الاصقة
3- يوصل الجفن تحت خط انت تحتاجه الى خلق عطف
4- مسح بواسطه الهاندل
•• وهذا يستخدام للمساج ،، عشان السواليت حجم على سعره حلوو ،،، عيبني من اول استخدام خفيف وتقدرين تسوين مساج على راحتج
•• nail brush ،، فرشاته حلوة وخفيفه على الاظافر ،، واحلى شي فيه تقدرين تعلقيه عند المغسله
يحتوي على هالثلاث اشياء البروش والتعليقه
اهني بعد ما خليته عند المغسله
•• جواربهم ناعمه وحلوه ،، بعدني ما جربته بس الملمس ناعم
وكذا خلصت من هالتدوينه ،،، وأتمنى اني وفقت في عرضه لكم ،، وقبل ما اختم التدوينه حبيت انبه على شغلتين .،،
• في كلمات كانت صعبه علي فترجمته بالمترجم يعني مافي شي من عندي ،، عطيتكم رايي واللي ما عرفته خبرتكم ،،
• ما اسمح لهواه النقل نقل مواضيعي لأي مكان سوى بذكر الحقوق او غيره
فالنهايه
لا تنسون ذكر الله
{ سبحان الله والحمدلله ولا إله إلا الله والله أكبر }
{ اللهم صَل وسلم على رسول الله }
{ اللهم لك الحمد والشكر على كل النعم الذي أنعمها علينا وعلى عباده الصالحين }
ونلتقي في تدوينه يديدة اذا شاء الله تعالى
استودعتكم الله الذي لا تضيع ودائعه
فمــآآن الله
دايسو روعه ولما تدخلي له يدوخك ههه
ردحذفتتهني بيهم ي رب
هـــلا حبيبتي .. ههه صدقج احلى شي تدخلينه ومافيه زحمة عشان تاخذين راحتج اكثر
حذفأمين يا رب .. تسلمين
اغراض جميله تتهني فيها :)
ردحذف