••||{{طريقتي الاسبوعيه في استخدام الصابون المغربي}}||••

السلام عليكم ورحمه الله وبركاته

يسعد الله أيــآآمكم بكل خير وبركه وطـــآعه الله تعالى

]  بسم الله الذي لا يضر مع أسمه شي في الارض ولا في السماء وهو السميع العليم [

•

•

•

تدوينتي اليووم بيكون تدوينه خفيفه واخترت لكم هالتدوينه البسيطه وبيكون عن 

••||{{طريقتي الاسبوعيه في استخدام الصابون المغربي}}||•• 

الصابون المغربي غني عن التعريف ،، كل بنت تحب تستخدمه ،، وكل وحده لها طريقه فالاستخدام ،،

وانا كل اسبوع لازم استخدمه وطريقتي سهل وما يبيلها شي ،، 

مثل ما يقولون اذا حبيتي روحج ،، بتحبين تعتني فيه ،، وبتيلسي تبتكرين اشياء وبيكون هالأشياء أساسيه عندج ،، 

مثلي انا ،، كنت استخدم الحمام المغربي نفس الصابون الجاف العادي اوزعه على جسمي ،، وعقب أفرك جسمي ع الخفيف وخلاص ،، 

ومره اشتريت بوكس الحمام المغربي من نزيه  ،، كتبت عنه ع الانستغرام هالمجموعه حلوه ،، وانصح كل بنت تستخدمه ،، وسعره في متناول الجميع سعره 20 درهم المجموعه يحتوي على صابون مغربي والطين المغربي والليفه المغربيه وصابون الطاوؤس ..

 المهم نرجع لموضوعنا ،،

 ومره خلطت الصابون المغربي مع ماي ورد يعني سويت كذا شغله ،، واللي ارتحت له الحينه خليته من ضمن عنايتي الاسبوعيه ،، 

وكل الأغراض يكون عندج وما يبيله شي ،،

اللي تحتاجينه : 

• صابون مغربي 

• سنفره للجسم اي سنفرة متوفر عندج ومرتاحه عليه 

• قفاز يفضل من بودّي شوب لانه خشن شوي

• ماي ورد طبيعي للجسم او بخاخ زيت اللوز من جونسن 

••||{طريقتي ،، وكيف استخدمه}||••   

• اول شي اخذ دوووش يكون الماي حار مائل للدفى يعني لا حار ولا بارد عشان يفتح المسام في الجسم 

• بعدين اخذ السنفرة ،،

 اي سنفره موجود عندي ،، جربت كذا  نوع من السنفره والحينه استخدم هالسنفره مره عايبني ومرتاحة عليه على الرغم صارلي بس يومين استخدمه صح ان مكتوب للويهه بس انا استخدمه لجسمي ماحب أجازف واستخدم اي شي لويهي ،، 

وأخلي السنفرة على الاقل ٤ او ٥ دقائق على جسمي 

• بعدين اشل شويه من الصابون المغربي وأوزعه على جسمي فوق السنفرة ،،

• استخدم هالليفه من بودّي شوب ،، الليفه خشنه شوي حلوو للحمام المغربي او المقشرات انا معتمده هالليفه للمقشرات وبعدين ايلس أفرك جسمي بشويش 

ومن نخلص الشاور وبعد ما نجفف الجسم 

•نبخ ماي ورد طبيعي ع جسمنا وخلاص و 

واذا ما متوفر ماي ورد عندج تقدرين تستبدلينه ب بخاخ زيت اللوز من جونسن 

فالنهايه 

لا تنسون ذكر الله 

{ سبحان الله والحمدلله ولا إله إلا الله والله أكبر } 

{ اللهم صَل وسلم على رسول الله }

{ اللهم لك الحمد والشكر على كل النعم الذي أنعمها علينا وعلى عباده الصالحين } 

ونلتقي في تدوينه يديدة اذا شاء الله تعالى

وهمسه لهوى النقل ما اسمح بنقل مواضيعي بدون ذكر المصدر

استودعتكم الله الذي لا تضيع ودائعه

فمــآآن الله