سويها بنفسج || خلطة كريمات بعد استخدام المقشرات

السلام عليكم ورحمة الله وبركاته

اهلا اهلا ،، ويسعد ايامكم يا رب بكل خير وسعادة وفرح

" اللهم صل وسلم على نبينا محمد "

" بسم الله الذي لا يضر مع أسمه شي في الارض ولا في السماء وهو السميع العليم "

تدوينة يديدة .. وجمالية كـ جمال ارواحكم ،، 

اليوم تدوينتي خفيفه وحلوة للبنات الحلوات واللي يحبون يهتمون بأنفسهم 

خلطة كريمات .. بصراحة والصراحة يقال ويكتب 

ما عرفت شو اسمي هالتدوينه فـ سميته بـ هالاسم " سويها بنفسج || خلطة كريمات بعد استخدام المقشرات

ليش بالتحديد حددت بعد استخدام المقشرات ،، لان الخلطة شوي ثقيلة ،، وينفع تستخدمينة بعد ما تستخدمين المقشرات ..

لان بعد ما تستخدمين المقشرات لازم تستخدمين كريمات ثقيلة نفس الزبدات .. عشان يعطيج نتايج حلوة ..

هالخلطة سويته كم مرة .. وغيرت من المنتجات شوي .. بس أكثر شي عجبني يوم استخدمت هالمنتجات اللي بكتبهم لكم تحت

**********

شو بنتحتاج لـ عمل هالخلطة ...

مرطب كريم كاب ..

كريم جلسرين الاحمر 

زيت فيتامين اي 

زيت جلسرين 

علبه فاضيه 

اسبون القياسات " ما ضروري استخدمو اي اسبون "

***********

ومثل ما عودتكم دائما في تدويناتي لازم اخبركم عن فوائد هالمنتجات اللي بنتسخدمه في هالخلطة

كريم جلسرين 

يستخدم لترطيب البشرة 

يستخدم كريم الجلسرين لتنعيم البشرة

يحافظ الكريم على توزان الماء في البشرة

يغذي البشرة ويعزز مظهرها

مرطب كريم كاب

عبارة عن كريم مرطب للبشرة والجسم ،، ذات تركيبه غير دهنيه ،، يستخدم لترطيب خاصه بعد التقشير ...

فوائد زيت الجلسرين 

زيت الجلسرين يستخدم في عالم واسع من الجمال .. 

فهو يعمل على تبيض الاماكن الغامقه وتنعيم اليدين والكعبين وازاله التشققات

لمشاهدة تدوينه لـ فوائد زيت الجلسرين من " هنـــآآ "

فوائد زيت فيتامين E Oil

1- يعالج الندوب الناتجة عن الحروق والجروح

2- يفتح البقع البنية

3- يتخلص من التشققات

لمشاهدة تدوينة فوائد الزبوت من " هنـــأأ "

والحينه نيي لخلطتنا " خلطة الكريمات "

نخلط مع بعض 

نص علبه من مرطب كريم كاب ... هالمرطب معروف قوامه وايد ثقيل .. 

علبة صغيرة من جليسرين كريم

انا معاي اسبون المقاسات فـ استخدمت المقاس 15 .. يعني استخدمت هالمقاس مرتين .. 

ومن نفس المقاس استخدمت زيت فيتامين اي .. بس ماني متذكرة هل مرتين او مرة .. اذا زيدتو الزيت كان أفضل *_^

نحط الزيت على الكريمات ونخلطهم مع بعض

شوفو قوام الكريم كيف .. ثقيل وترطيبة عالي 

نحفظة في علبه نظيفة ..

تجربتي مع هالخلطة ..

وايد وايد حبيته فـ خلاص بعتمده لبعد استخدام المقشرات .. توزيعه سلسل وترطيبة عالي .. يساعد على توحيد لون البشرة ...

اللي ما عندها امكانية تشتري الزبدات انصحج تسوين لج هالكريم بيغنيج عن الزبدات .. وصرت استخدمه بعد الحمام المغربي واستخدام المقشرات

وفي الايام العادية صرت استخدمة لترطيب الاماكن الخشنه الركب والاكواع 

اللي بتجربه تكتب لي رايهااا 

ختاما ...

استودعتكم الله الذي لا تضيع ودائعه ..

ولا تنسوني من دعواتكم الطيبة ...