تجاربي مع المنتجات

السلام عليكم ورحمة الله وبركاته

يسعد الله أوقاتكم بكل خير وبركة وطاعه الله تعالى

" اللهم صل وسلم على نبينا محمد وعلى اله وصحبه أجمعين "

" بسم الله الذي لا يضر مع أسمه شي في الارض ولا في السماء وهو السميع العليم "

تدوينة يديدة وبيكون عن تجاربي مع بعض المنتجات ..

الهدف من هالتدوينه هو بصراحه اني كنت ابي اصور منتجات على هالورق .. وبالمرة اخبركم عن منتجات احب استخدمه وما استغني عنه

امواس فينوس ... البكج اقتصادي نوعا ما .. هالنوعيه بالصبار .. ومن الاشياء الاساسية اللي مستحيل اي بنت تستغني عنه ..

القفاز المغربي .. وايد احب هالنوعيه .. اكثر من النوعيه اللي يكون موجود في بوكسات الصابون المغربي .. 

هالامواس من فينوس .. هالنوعيه اول مرة اخذه وعجبني حييل .. وخلاص قررت ان يكون من مفضلاتي 

وهنا تدوينه كامله ومكمله عن نوع من انواع امواس فينوس ... لمشاهدة التدوينه من " هنـــآآ "

بلسم الشعر من همالايا .. من زمان كنت استخدمه وقطعته وهالمرة رجعت واخذته .. فايدة البلسم انه يرطب الشعر .. 

وشاور جل من سانت ايفرز وايد احبه .. لازم بين فترة وفترة ارجع واخذه ...

ومقشر البشرة من سانت ايفرز عاد هذا من مفضلاتي الابديه اللي مستحيل اني استغني عنه ولازم يكون معاي في كل وقت ... 

مرطب البشرة من فازلين .. احب استخدمه يوم ابي اخلط مجموعه كريمات مع بعضها .. حتى وحده حلو استخدمه وريحته حلوه وما يدبغ ..

وكريم جونسن اللي مستحيل اني استغني عنه .. احب استخدمه كل يوم لترطيب ايدي بشرتي كل شي .. شي اساسي يكون معاي

ختاما ..

لا تنسوني من دعواتكم الطيبه

استودعتكم الله الذي لا تضيع ودائعه

فمان الله

" سبحان الله وبحمده "