توزيعات حق الليلة

السلام عليكم ورحمة الله وبركاته

يسعد الله أوقاتكم بكل خير وبركة وطاعه الله تعالى

" اللهم صل وسلم وبارك على نبينا وحبيبنا وشفيعنا محمدا عليه أفضل الصلاة وأزكى التسليم "

" اللهم بارك لنا في رجب وشعبان وبلغنا رمضان لا فاقدين ولا مفقودين ونحن ننعم بألف صحة وعافيه يا رب العالمين "

ويا هلا وسهلا ومرحبابكم في مدونتي المتواضعه

ورجعت اليوم مع موضوع لتوزيعات ،، وهالمرة التوزيعات الحلوة بتكون لليهال ،، 

قبل ما اخبركم بفكرة هالتوزيعات لحق الليلة ،، تقدرون تشوفون هالموضوع لفكرة ثانية لتوزيعات

حق الليلة من ( هنـــــآآآ )

هالمرة برجع شوي للوراء ... هالتدوينه المفروض ان كان ينزل من زمان

سبحان الله سنه بعد سنه اتكاسل اني انزله ...

خبرتكم في انستا ان المفروض التدوينة انزله ف 2018 .. كسل على كسل وعلى نسيان تم المجلد محفوظ عندي

والحمدلله أني ما تكاسلت اكثر من جي ...

الموهيم ....

نرجع لمحور حديثنا وتدوينتنا ...

فكرة الثيم هالمرة خليته خلفية لبطاطس عمان وجمعته للبنات والاولاد بـ هالشخصية الحلوة ..

وكتبت تحته حق الليلة

لطلب الثيمات والتاقات تقدرون تتواصلون معاي من ( هنـــــآآ )

***^^^***^^^***^^^***^^^

اللي احتجته لـ فكرة هالتوزيعات هو

* أكواب

* ورق شفاف او مزخرف على حسب المتوفر عندكم

* تاقات

* جبسات وحلاويات واللي متوفر عندكم وناوين توزعونه

هذا طريقتنا كان في التوزيعه 

عقبها غلفناه بالاكياس وربطنا عليه التاقات 

***^^^***^^^***^^^***^^^

التوزيعه الثانية 

 كان عبارة عن أكياس بلاستيكية خلينا فيه الحلاويات والجبسات وربطناه 

للاسف ما عندي له صورة بعد ما سويناه 

***^^^***^^^***^^^***^^^

التوزيعه الثالثه كان عبارة عن بوكس جاهز

خلينا فيه جبس عمان وبالون وشوية حلويات 

وهذا هو شكله النهائي 

هذا هو توزيعاتنا كان لشعبان 2018 الحمدلله رب العالمين

واللهم بلغنا رمضان هذي السنه لا فاقدين ولا مفقودين ونحن في أتم صحة وعافيه يا رب العاليمن

اللهم آمين 

ختاما 

لا تنسوني من دعواتكم الطيبة في هالاشهر ..

واستودعتكم الله الذي لا تضيع ودائعه

ونلتقي في تدوينات يديدة بحول الله تعالى

فمان الله