عطونا الله يعطيكم .. بيت الله يوديكم || توزيعاتنا

السلام عليكم ورحمة الله وبركاته

" اللهم بارك لنا في شعبان وبلغنا رمضان لا فاقدين ولا مفقودين ونحن بأحسن حال "

يسعد الله أوقاتكم بكل خير وبركة متابعاتي

واتمنى لكم يوما مليئا بالسعادة ...

/

\

/

نحن معانا في الخليج بشكل عام عادات وتقاليد ومن ضمن العادات والتقاليد هو الاحتفال بنص من شعبان أو رمضان ،، على حسب الدولة والمنطقة ،، نحن من عاداتنا نحتفل بنص من شعبان ورمضان ،، وأهم شي عندنا هو رسمة البسمه على شفايف اليهال .. ونتعرف عليهم ونسالهم أنتو أعيال منوو هههه ،، عن جد صرنا ما نعرف اعيال فريجنا نفس قبل ،، الحينه أول ما يدقون الباب نسالهم أنتو أعيال منوو ومساكين يقولون لنــآآ ( ^_^ )

\

/

\

/

نحن منطقنا أو ولايتنا عندنا أسمين لنص شعبان نسميه حق الليلة ونص رمضان نسميه قرنقشوه .. هالتوزيعات سويته لنص من رمضان السنه اللي طافت ،، وربي يبلغنا رمضان لا فاقدين ولا مفقودين ونحن باحسن حال يا رب العالمين

\

/

بأساس هالتدوينة المفروض انزلها من زمان عشان تستفيدون منه بس ما صارت الفرصه ومدام الصور عندي الحينه بتستفيدون منه هالسنه باذن الله تعالى 

\

/

\

توزيعاتنا كانت عبارة عن علب مستطيلة سويته وحدي بطباعه الباترون الخاص فيه لتحميل الباترون من ( هنــــآآآ )

اللي أحتجته هوو فقط ورق مقوى ملون + لزق + مقص ،، قصينا الأوراق بمساعدة حرمة أخوي الله يعطيها العافيه والثيم أنــآ صممته بنفسي ولمشاهدة مدونتي الثاني الخاص بالثيمات ( هنـــــآآآ )

\

/

\

/

خلينا داخل العلب شبسات صغار وحلاوة مصاصه وشبس مدري شو أسمه بس يجيج طويل ..

\

/

\

/

هذا هو شكل العلب .. بعد ما عبيناه وخليناه في بوكس أبيض 

وسويت بوكس ثاني عبينا داخله البوكسات عشان نزين الطاولة 

اللي احتجت للبوكس (( بوكس قديم + لزق + جريدة + شرايط جاهزة + قطعه قطن أو شيفون عشان يوفي بالغرض + مقص + بورد للكتابه ))

أول شي خليت الجريدة داخل البوكس عشان اخليه يرتفع 

بعدين غطيته بالقطعه ،، وهذا  شكله  الشكل اللي أبغيه

للتزيين ( شريطة + بورد + شرايط ورد + لزق )

اللي سويته هوو أني لزقت الشريطه على البوكس من برع وخليت الورد في النص وعقب علقت البورد عليه وكتبت قرنقشوه

وبعد ما خليته على الطاولة وزينت المكان بديكوريشن اللي متوفر عندي 

صح انه مره بسيط بس عطى المكان حيوية 

في الختام

أستودعتكم الله الذي لا تضيع ودائعه 

أشوفكم في تدوينات جديدة باذن الله تعالى

" اللهم صل وسلم على رسول الله "

فمان الله