ديكور حفلة تخرجي

السلام عليكم ورحمة الله وبركاته

ويسعدلي أوقاتكم بكل خير وبركة وطاعه الله تعالى

" اللهم صل وسلم على رسول الله "

"بسم الله الذي لا يضر مع أسمه شي في الأرض ولا في السماء وهو السميع العليم "

\

/

\

/

هالبوست بخبركم عن الديكور اللي سويته في حفلة تخرجي .. اللي كان في نهاية ديسمبر ،، الثيم اللي أخترته كان اللون الازرق ودرجاته .. الثيم كان وايد حلو واللي ساعدتني في اختيار حرمه أخوي الله يعطيها العافية ..

\

/

\

/

اللي أحتجته في تصميم وعمل هالثيم .. أوراق مقوى بـ ثلاث الوان ،، الوايت جلو ،، شريط ( بس أنــآ أهني صورت الخيشة لاني بالاول بغيت اسوية بالخيشة بس بعدين غيرت للشريط ) ،، فرشاء ،، مقص ،، قلم رصاص ،، أكواب على حسب الاحجام اللي تبغينه

هذا هو الورق ودرجات اللون اللي أستخدمته ورق مقوى ..

الأحجام اللي أخترتهم لرسم الدوائر .. انــآ أخترت كوب شاي وفنجانين واحد صغير والثاني كبير ..

اللي سويته أني رسم الدوائر على الورق بأحجام مختلفة .. 

بعد ما خلصت بديت أقصه بالمقص

هذا هو الشكل النهائي بعد ما خلصت من القص والترتيب

هذا هو طريقة ترتيبي لتثبيت الورق عشان ما اتلخبط 

الحينه يى وقت تثبيت الورق على الشريطة باستخدام الوايت جلو ،، والفرشاءة ( كنت امسح مسحه وحده على الورق واثبت الشريطة عليه ) 

أثناء ما يالسه أثبت الورق ( ولو تلاحظون أني ثبت الورق من الكبير للصغير وكل مرة أغير اللون ) 

زوم على الشغل 

والشكل النهائي بعد ما ثبته على الجدار ..

جزء من ترتيبي للحفلة

الفكرة مرة سهله وحلوة 

أشوفكم في تدوينات جديدة باذن الله تعالى

" سبحان الله وبحمده "