منتجات بجربهـــآآ || Review part 2

 

السلام عليكم ورحمة الله وبركاته

ويسعد الله مساءكم بكل خير وبركة

ويــآ هلــآ ومرحبــآآ بكل المتابعات ...

تدوينتي اليوم مب تدوينة يديدة اطرحهــآ في مدونتي ،، طرحته كم مرة ومــآ زلت اطرحه اللي هو عن منتجـــآت بجربهــآ + الريفيو عنه بعد التجربة ،،، قبل مـــآ اطرح الريفيو بحط لكم روابط للمواضيع السابقة للاستفـــآدة منه ^_^

 || منتجات بجربها || 

منتجـــآت بجربهـــآ || Part2  

منتجات بجربها || Part 3 

وأول موضوع ريفيو على هالرابط  

ريفيــوو ،، منتجــــآآت بجربهـــآآ 

ومن بعد التجربة بعض المنتجـــآت حـــآن وقت الريفيو 

وهالتدوينة بيكون ريفيو لمنتجات جربتهم في البارت الثاني للمواضيع اللي طرحته لكم فوق ^_*

YC  منظف ومبيض للوجه ينج شن

 

منتج YC  منظف ومبيض للوجه ينج شن ،، الصورة صورته من زمـــآن ،، المنتج بالنسبة لي فاشل فاشل فاشل ،، مووول مــآ حبيته ومدري كيف خلصته عشان افره ،، هالمقشر كريمي بحت ،، العلبة أكثر شي سائل والحبيبات فيه شويه ،،، استخدمته 3 الى 4 مرات لين ما خلصته ،، الاستخدام كان لجسمي فقط .

منتج La'Fresh  ||   لا فريش

وأنــــآ أحب استخدم أي مقشر بالمشمش لاني عشقي مقشرات بالمشمش ،، بس هالمقشر مدري ليش غير عن اغلب المقشرات اللي استخدمته ،،، مــآ حبيته ولا قدرت استخدمه وفالنهايه خليته عند المغسلة عشان استخدمه لأيدي ،، عشان اتخلص منه ولا برجع اشتريه ولا أفكر بعد أني اشتريه مرة ثانية تحصلونه في السوبر ماركت وانا اخذته من اللولو هايبر ماركت .

صابون جلوتاثيون

( تم تغطية وجه البنت )

هالصابون حلو للخلطات الصابونية أكثر ،، استخدمته للخلطه صابونية حبيته ،، واستخدمه وحده حسيت جسمي جــآف ،، اذا فكرتي تشترينه استخدميه لخطلة صابونية اخذيه من السوبر ماركت أرخص لج من التاجرات ،، أنــآ اخذته من اللولو هايبر ماركت.

I love u

كريم الأيدين من I love u  ،،، قلت لكم رايي المبدي أن ترطيبة مب لذاك الزود ،، بس مب بعد الاستخدام ،، حبيته ريحته حلوووه كـــآنه ريحه حلاوة ،، خــــآآصه الصباح ارطب ايدين فالموتر وادخل الجامعه احس بالاسترخاء بالريحة ،، حبيته ومن بيخلص الكريمات اللي عندي اكيد برجع اخذه ومفكرة أجرب الشاور جل بس عشان الريحة الحلوة اللي فيه.

منظف الحليب من لوريــآل

صح اني في البداية ما حبيته وقلت انه مب واو ولا أفكر اني ارجع اشتريه ،، وقلت ان المناديل احسن وقلت فالتدوينات السابقة انه مب شي بس بعدين حبيته منظف الحليب يرطب لج الويه ويحسن البشرة ،، بس من بعد الاستخدام ولحظت الفرق بين تنظيف المناديل ومنظف الحليب ان منظف الحليب يحسن من البشرة ويرطبها من بعد المكياج اللي انــآ أحطه من اول الصباح لين العصر ،،، واتذكر مرة وحده قالت لي ان الماكيرات يفضلون منظف الحليب لازاله المكياج أكثر من المنديل ،، بس اذا حصلت منظف الحليب من ماركة ثانية بأخذه للتجربة واذا لا برجع للوريال.

ولا تنسونــآ من دعواتكم الطيبة

استودعتكم الله الذي لا تضيع ودائعه

@ سبحان الله وبحمده ،، سبحان الله العظيم @

دمتم بحفظ الرحمن

فمان الله