السلام عليكم ورحمه الله وبركاته
يسعد الله أيــآآمكم بكل خير وبركه وطـــآعه الله تعالى
] بسم الله الذي لا يضر مع أسمه شي في الارض ولا في السماء وهو السميع العليم [
} سبحان الله وبحمده .. سبحان الله العظيم{
}سبحان الله وبحمده{
}سبحان الله .. والحمدلله .. ولا إله إلا الله .. والله أكبر{
} اللهم صل وسلم على رسول الله {
اللهم لك الحمد والشكر على كل النعم الذي انعمهــآ علينــآ وعلى عباده الصالحين
الحمدلله ثم الحمدلله ثم الحمدلله حتى يبلغ الحمدلله مبتغـآه
هالتدوينه بيكون عن مقشر الشفايف ..
تحتاج الشفاه للتقشير تماما كالبشرة لإزالة خلايا الجلد الميتة, ومن فوائد تقشير البشرة: 1. التمتع بشفاه رطبة وناعمة. 2. منع تشقق الشفاه. 3. دوام أحمر الشفاه لمدة أطول.
هالمقشر مقشر طبيعي تقدرين تسوينه وحدج وما يأخذ منج وقت
كل اللي تحتاجينه
علبه فاضيه
سكر
عسل
زيت اللوز الحلو
وملعقة بلاستيكية
انا استخدم هالعلبه ماخذتنه من H&M
يكفيني لأسبوعين وشوي ايام اقل او اكثر على حسب الاستخدام
واستخدم ملاعق باسكن روبنز أساس خلطاتي لووول
اول شي احط ملعقين سكر " لج حريه كم ملعقه تبين على حسب العلبه اللي عندج " انا استخدم هالعلبه يكفيني ملعقتين سكر
عقب احط ملعقه عسل "نفس الشي كل ما كان العلبه كبيره يكون السكر اكثر فتزيدين من العسل "
وملعقة زيت اللوز .. "نفس الشي كل ما كان العلبه كبيره يكون السكر اكثر فتزيدين من الزيت اللوز"
اهنئ عقب ما خليت العسل وزيت اللوز
عقب ما خلطته " لا تخلين المقشر سائل .. اذا صارلج سائل زيدي السكر "
واهنئ فالعلبه
وهالصوره خلف الكواليس لوووول
الطريقه لتقشير الشفايف كالتالي
تأخذين كميه براحه اصبعج وتوزعينه على الشفايف .. وحولين الشفايف وتبدين تدلكين عليه بحركه دائريه خاصه ع أطراف الشفايف يصير اسوداد ومع الاستمرار يتفتح
تجربتي عن هالمقشر
صارلي فتره استخدمه
مقشر حلوو وخفيف على الشفايف
استخدمه كل يووووم .. صح اني ايام أتكاسل بس تقشير الشفايف شي مهم ..
واحلى شي يعطيج لوووك طبيعي للشفايف كانج حاطه شي لوووول
واتمنى وفقت في هالتدوينه البسيطة والخفيفه
نلتقي في تدوينه يديدة اذا شاء الله تعالى
استودعتكم الله الذي لا تضيع ودائعه
فمــآآن الله
