Happycloud

مشترياتي الأخيرة وتجاربي مع بعض المنتجات

Posted on الثلاثاء، 22 نوفمبر 2016

السلام عليكم ورحمة الله وبركاته

أهلــآ أهلـــآ يا متابعيني ،،، راجعه لكم بقوة هاليومين لوووول مع تدوينة ثانية >>> شوي نعوض عن الفترة الماضية لووول

" اللهم صل وسلم على رسول الله "

تدوينتي اليوم للبنات الحلوات اللي يحبون يتشرون ويجربون منتجـــآت نفسي يعني ^_*

هالمنتجات اشتريتهم قبل يومين ،، المفروض التدوينة أنزله أمس بس صورته ومــآ مداني أعدل الصور وأكتب التدوينة فكتبت تدوينة ثانية ^_*

@ بسم الله الذي لا يضر مع أسمه شي في الارض ولا في السماء وهو السميع العليم @

بسم الله نبدء

( كريمات وزيت )

♦ أخذت كريم جونسن هالكريم وآآآآيد أحبة من يخلص لازم اشتريه من زمـــآن زمـــآن استخدمه شفت عليه عرض هالمرة وأخذته بالعادة أخذ العلبة المتوسطة والعرض هالمرة تــآخذين الكبير والثاني مجانــآآ

♦ كريم بالمرز بتركيبة زبدة الكاكاو >>> صدق ريحته كاكاو لووول ،، مرة كتبت لكم ف الانستقرام أني أبي أجربه وهالمرة أخذته عشان أجربه عندي خطوط أبيض لاني بين فترة وفترة أضعف فجاه وهالمرة أخذته

♦ زيت الجلسرين >>> لازم يكون عندي أحب أستخدمه لخلطاتي اللي ما تخلص لووول . واللي حابه تقرا عن فوايد زيت الجلسرين تدخل على ( هالتدوينة )

( صوابين )

♦ لايف بوي >>> صديقي الصدوق ما أستغني عنه مهمــآ جربت صوابين بس هالصابون لازم لازم يكون عندي خــآصه الاخضر ومجربة كل الأنواع بس هذا غير بالنسبة لي ريحته حلوة خاصه الصبــآح تحسين بـ انتعاش بسبب ريحته ههههه

♦ صابونة الكبريت >> كل ما أروح اشوفه هالمرة أخذته مــآ أعرف شو فايدته بس كذا هوسه تجربة أخذته بقرا عنه قبل ما استخدمه

♦ صابونة الكركم >>> هالصابون نظافة نظافة نظافة بشكل مــآ تتصورينه أنصحج تستخدمينه خـــآصه مع مــآي ورد 0_0 وأمس سويت لي خلطه صابونية خلصت نص العلبة خلال يومين بكتب لكم تدوينة ثانية ان شاء الله عن الخلطه اللي سويته وحبيته

( مجموعة الشعر )

♦ بلسم من الفيف لوريال أحب أستخدم البلسم والشامبو مناسبني الحمدلله

♦ بديل الزيت المعالج >>> أول مرة أشتريه وحبيته ،، ريحته حلوة وقلل من تساقط شعري بس بعدني بجربة عشان أعطيه حقه فالتجربة والاستخدام بس كمبدء حبيته من أول أستخدام

( مجموعة للمنطقة الحساسة )

♦ الغسول >>> ريحته حلوة وانتعاش ونظافة ،، كتبت من قبل موضوع عن منتجات بجربها من ضمن المنتجات كـــآن هالغسول اللي حابة تطل على تدوينة منتجات بجربهــآ ] من هنــــآآ [ ،،، حبيته أكثر من كيرف ولــآ أفكر أغيره 0_0

♦ شفرات من فينوس وسبقت وتكلمت عن تجربتي مع أمواس فينوس (هنــآآ ) كنت بس أستخدم الشفرات الوردية بس مــآ كنت أحصله بعض الأحيان فاضطريت أني أغيرة ورسيت على اللون البنفسجي هو حلو وفي كمية من الجل نفس اللون الوردي

♦ كريم سودو كريم >>> أستخدمة لترطيب المنطقة الحساسة وأحب أستخدمه مع زيت اللوز الحلو ،،، وأحيــآنــآ أذا ظهرت لي حبة أخلي عليه سودو كريم عشان يشيل الحبة ،، وياني فترة أستخدمه مع زيت اللوز الحلو لوجهي وخففي من البقع في الويهه وأحيانا استخدمه بعد ما أشيل شعر ويهي ،، هــو أمن مــآ منه ضرر ،، صح أن قوامه ثقيل بس وايد حلو وهالكريم من الاساسيات لازم يكون عندي مالي غني عنه مهما كــآن

( المقشرات )

♦ هالمقشر نايتشرز بونتي ثاني مرة أشتريه حلو بنفس جودة ستفيرز بالنسبة لي ،، حبيباته مــآ خشنة وفي تدوينة كاتبه عنه من قبل عن مشترياتي من المقشرات ( هنـــآآ )

♦ وقفاز التدليك أخذته لانه خشن أبي أستخدمه للمقشرات وأول مرة أشتريه

( معجون الاسنان )

♦ سنسوداين بس خليته عشان حبيت تصويرة لووووول

( قطن )

♦ كلاسك قطن >>> حبيته أكثر من جونسن تعرفون شو المميز فيه أن مهمها تخلين فيه تونر أو أي شي وتخلينه على ويهج كل التونر يكون ع ويهج يعني ما يمسكه بعكس جونسن عشان كذا أحب أستخدمه ( عسى بس فهمتو قصدي لوووول )

يالله تعبت من الكتابه لوووول

فالنهاية لا تنسونـــآ من دعواتكم الطيبة

@الحمدلله ثم الحمدلله حتى يبلغ الحمدلله مبتغاه @

أشوفكم على خير

فمان الله

happycloudworld

4 Comments

In sz.desing

تصاميم على الطلب || sz.desing

Posted on

السلام عليكم ورحمة الله وبركاته

يسعد الله أوقاتكم بكل خير وبركه

" اللهم صل وسلم على رسول الله "

تصاميم على الطلب بالثيم واللون اللي تحبونة بدون طباعة وبدون توصيل ويرسل على الأيميل

تابعوني على مدونتي الثانية الخاصة بالتصاميم (هنـــآآ )

أو تابعوني على الانستغرام ( sz.desing )

واختم تدوينتي بالصلاة على النبي

" اللهم صل وسلم على رسول الله "

ولا تنسون ذكر الله

" سبحان الله وبحمده .. سبحان الله العظيم "

لا تنسونـــآآ من دعواتكم الطيبة

أستودعتكم الله الذي لا تضيع ودائعه

فمان الله

happycloudworld

0 Comments

In مواقع education

موقع free spinner لتغير / تحوير الفقرات

Posted on الاثنين، 21 نوفمبر 2016

السلام عليكم ورحمة الله وبركاته

ويسعد الله أوقاتكم بكل خير وبركه

" اللهم صل وسلم على رسول الله "

أشتقت أدون وأشقت وايد شغلات أسوية .. يالله هــآنت مــآ باقي شي ،، الاسبوع اللي طــآف كنت أبي أنزل لكم تدوينه عن لطريقة المذاكرة وشوية فضفضة .. كتبت نص التدوينةوعقب انشغلت وما صرلي فرصة انزله على مدونتي ...

والحينة يالسه أحل الكيس ويى في بالي انزل لكم هالموقع لتحوير الفقرات ... بالأصح يغير نص الكلمات الجمل .

في موضوع سابق نزلته لكم ومقارب لفكرة هالموضوع لتحوير الفقراتو اللي حابه تطل على التدوينة تضغط على ( هنــــآآ )

http://www.bestfreespinner.com/

هالموقع محضور في كمبيوترات جامعتنا ... بس الموقع وايد حلوو يعطيج كم كلمة وانتي تختارين الكلمه اللي تبغينه أو تضغطين على Generate Random Spin وبيظهرلج كل الجملة بطريقة عشوائية ...

مثـــآل الجملة اللي انـــآ ابي اسوي له اسبينر

بعدين بضغط على Spin Article بيظهرلنا الجمل اللي حوله لنا على هالشكل ،، و الكلمات اللي غيرهم مخلنه في أقواس ( ضللت عليهم باللون الوردي عشان تعرفون شو أقصد )

شي خيارين يـــآ أنج تـــآخذين الجمل وتركبينه بالكلمات اللي تبغيه من الاقواس أو أنج تضغطين على Generate Random Spin بيعطيج اختيار عشوائي ^_^

بعد مــآ ضغطت على Generate Random Spin ظهرلي الجمل اللي اختارهم لي بطريقة عشوائية