Happycloud

السلام عليكم ورحمة الله وبركاته

ويسعد الله أوقاتكم بكل خير

" اللهم صل وسلم على رسول الله "

@ بسم الله الذي لا يضر مع أسمه شي في الارض ولا في السماء وهو السميع العليم @

هالتدوينة كان في بالي من فترة .. وقلت يوم بيوصل الأغراض بكتب لكم التدوينة وانطباعي عن الشراء من الموقع وشو السبب الأساسي للطلب من هالموقع وليش بالضبط طلبت هالأغراض .. مع موقع تحويل العملات .. عشان يسهل للكل الطلب اذا حابة تطلبي من الموقع ..

موقع ebay

http://www.ebay.com/

يوفر كل المستلزمات اللي حابة تطلبينه من مكياج ، اكسسورات ، ديكوريشن ... الخ ، بعض الأغراض اللي فيه ياخذ شحن وبعض الأغراض الشحن يكون مجاني .. والأغراض اللي أنــآ طلبته كان مجاني ..

السبب اللي خلاني أني أطلب أون لاين وكان أول طلب لي ... أني كنت أبي فريمات للبزنس ،، بس بألاول كنت أبي أشوف كيف جوده أغراضهم ،، هل يستحق أني أطلب أو لا ... بعد مــآ وصلني الأكسسورات جودتهم جيدة ورخيصه أرخص من السوق بس الفريم بنفس السعر بحصله في السوق ..

بخليكم الحينة مع مشترياتي البسيطة من ebay

هالفريم اللي طلبته طبعــــآآ تختارين السايز اللي تبغيه والسايز اللي أنــآ أخترته small

القلادة اللي أخذته .. باللون الذهبي

وهذا باللون الفضي بس أخترب علي من أول لبسه مــآ تهنيت فيه
*_^

وطبعـــآ عطوني تاتو هدية وقلت بخليه لبنت خالتي لان كيوت وينفع لليهــآل
*_*

والموقع اللي احول فيه العملات ويعطيني السعر الصح

http://www.xe.com/

وهل برجع أطلب من هالموقع .. إذا شاء الله تعالى إذا شفت شي حلو برجع أطلبه ...

في ختام هالتدوينة لا تنسون ذكر الله

" سبحان الله وبحمده .. سبحان الله العظيم "

أشوفكم على خير

فمان الله

happycloudworld

0 Comments

السلام عليكم ورحمة الله وبركاته

ويسعد الله أوقاتكم بكل خير وبركة وطاعه الله تعالى

" اللهم صل وسلم على رسول الله "

وربي يمسيكم بالخير خواتي المتابعات من جميع أنحاء العالم ،، وسعيدة بكم وبمتابعتكم لي خلف هالشاشة اللي جمعتني بكم ،،، وأتمنى من كل قلبي أني وفقت في طرح كل تدوينة واتمنى أنكم أستفدتو من كل تدويناتي ...

اليوم قلت لازم أنزل فضفضة خفيفه لان بخاطري أفضفض شوي ،، وأطقق على الكيبور ..

تذكرون تحدي شهر 2 أني أكتب 20 تدوينة خلال شهر .. بس اللي صار أني كتبت بس 6 تدويناتي ،، لان مريت بظروف محد يعلم فيه الا الله سبحانه وتعالى والحمدلله على كل حال من الأحوال .... اللي صار مرت أخوي مرضت علينا فجاه وأضطرو يسون لها عملية فجاه وربي يشافيها ويعافيها يا رب وبحكم أن ولد أخوي متعود علي وكان معاي وصار أن أغلب وقتي معاه وأنـــآ مـــآ قدرت أنظم وقتي معاه وبعدها صار عندنا عرس بنت عمي ومع أخر التجهيزات لعرسها ومر أسبوع عرسها كلمح البصر والحمدلله على كل حال .. وربي يسعدني ويسعدكم متابعيني بكل خبر جميل نتظره

وعلى شهر 3 قررت أسوي لي بلانر خاص لهذا الشهر عشان أنظم وقتي بس من أول أسبوع وحسيت أني أنجرت بعض من أهدافي والحمدلله ... واستمتعت أكثر وأنـــآ أجهز توزيعات المولود بصراحه حسيت أني أنجزت شي وهذا بعض من الصور اللي صورته عشان أعرضة في حسابي الخاص بالبزنس ولأن في بالي أكتب لكم تدوينة عن توزيعات لولد أخوي من البداية للنهاية .. وصورت بعض الأشياء وبعطيكم الأفكار اللي يى فـ بالي في هالوقت القصير .. وعرضت الخطوات على حسابي على السناب شات .. وبعرضه لكم في تدوينة ثانية بأذن الله تعالى.

وخلص الاسبوع وسبحان الله أزداد في عائلتنا قطعة سكر وربي يجعله من مواليد السعادة ويكون بار بوالدية ...

واليوم قررت أرجع للبلانر ولأهداف الأسبوع لان بالفعل أنجزت شي وحسيت أني أنجزت شي ... وفي بالي كم تدوينة فلازم أنزله خلال هالشهر ومن غير في بالي كم فكرة في بالي للتطوير البزنس وإن شاء الله وبفضل الله تعالى بأنجزه بحول الله ..

وفي كم شغله في بالي عشان أطور مدونتي وببدء أطبقة قريب بأذن الله تعالى ... مثل خاصية ربط الانستغرام بمدونتي ،، هالخاصية بكل سنة الحينة وأنــآ أدور على الكود ما محصلتنه وبأذن الله بحصلة وخاصية ثانية هو أقرا المزيد ،، مرة حاولت فيه ما رضى يضبط عندي وبحاول فيه مرة ثانية عشان أرتب مدونتي شوي ...

والحينة بخليكم وأشوفكم في تدوينة يديدة باذن الله تعالى

فمان الله

ولا تنسون ذكر الله

" سبحان الله وبحمده "

happycloudworld

0 Comments