Happycloud

السلام عليكم ورحمة الله وبركاته
يسعد الله أوقاتكم بذكر الله
" اللهم صل وسلم على رسول الله "
@ بسم الله الذي لا يضر مع أسمه شي في الارض ولا في السماء وهو السميع العليم@
DIY سويهــــآ بنفسج ,, بوكس بسيط وأنيق بــآدوات متوفرة في كل بيت ،، أهم شي أنج تفكرين كيف تبغي البوكس وتتخيلي الشكل النهـــآئي ..
سويت لي بوكس وآآيد حبيت شكله .. مرة بسيط ،، والأحلى سويته أنـــآآ وأستمتعت فيه واللي تتابعني بالسناب شافت الطريقة .. لأن الطريقة مرة سهله ...
يوم أسوي شي لازم يصادفني شي .. أو يصير شي .. بس لازم أني أتغلب على هالشي بــآفكـــآر من عندي عشان أوصل للشي اللي أبيه ...
أول شي هالبوكس اللي سويته كنت أفكر فيه قبل يوم بس .. وكنت ببدء فيه بس طلعت واليوم الثاني قلت مدامني فالبيت خليني أسويه .. وسويته وشاركت متابعاتي الطريقة .. وشو صارلي على السناب جـــآت ..
الأغراض اللي أحتجته كبداية ..

كرتون ،، أنـــآ حصلت كرتون فينسي معـــآي وناسب لي المكان اللي أبغي أخلي فيه البوكس
ورق الهدايا
قطعه قماش
مقص
مسدس " شمع "
كبداية ،، خيشه للتزيين ..

نبدء بخطوات عمل البوكس

في البداية غطيت الكتابة اللي على الكرتون بورق أستيكر لونه أبيض ..
قبل التغطية

بعد التغطية

هالجهه أحتجت أني أغطيه مرتين .. لأني أنـــآ غطيته مرة وحده وبين الكتابة فاضطريت أني أغطيه مرة ثانية بورق أستيكر

وكملت التغطية على حوالين الكرتون بورق أستيكر ...

بعدين خذيت قياس الورق الهدايا .. وغلفت تحت الكرتون بورق الهدايــــآآ ..

الشكل النهائي بعد التغليف من تحت ...

من داخل .. أحترت شو أختار بالضبط .. هنـــآ جانب من حيرتي في السناب جـــآت ..

ورسيت على القطعة اللي باللون السمواي ..

بحيث أني اغطي فقط الجوانب

بنفس الطريقة اللي حدته على السناب جات

الشكل اللي وصلت له .. وآآيد عجبني .. على الرغم أني مــآ كنت مقتنعه في القطعه في البداية بس الشكل النهائي وآآيد حلو ..

ونيي للتزيين اللي أحترت فيه أكثر وأكثر ..

اول فكرة اللي كنت أنــآ أبغيه وأبي أوصلة ان على الواجهه أخلي الخيط على 3 لاينات أو 4 في هالحدود واللي صار أن الشمع خلص عندي نهائيـــآآ ..

وأحترت بين الخيط الخيشة والسي دي .. على فكرة بالسي دي كــآن بيطلع وآآيد حلوو بس أنــآ مشكلتي مــآ عرفت أكسر السي دي صح

وبعد ما يلست افكر طاح عيني على بوكس كان يمي وحصلت فيه اللولو ورسيت عليه ورتبته بطريقة عشوائية على البوكس

وهنــآ جـــآنب من الحيرة أيضا على السناب جــآت

وهنـــآآ خلصته .. تشوفون الجمال اللي أنــآ أشوفه (لوووول)

و البوكس على الطاولة ورتبت فيه الشبسات .. والحلاوة

وخلصت من هالتدوينة البسيطة .. وأتمنى وفقت في طرحه
ختامــآ ..
أذكرو الله " لا إله إلا الله ،، محمدا رسول الله "
أستودعتكم الله الذي لا تضيع ودائعه
فمــآن الله

happycloudworld

0 Comments

السلام عليكم ورحمة الله وبركاته

ويسعدكم الله بكل الأوقات ولا تنسون الصلاة على النبي " اللهم صل وسلم على رسول الله " ..

@ بسم الله الذي لا يضر مع أسمه شي في الارض ولا في السماء وهو السميع العليم@

من زمان عن التدوينــــآآت ،، بس تعرفون إذا صورت بالكاميرا ،، أشوف الصور أحلى وأرتب ،، عشان كذا خلاص قررت أصور بالكاميرا ،، في تدوينـــآت بعض الصور بكاميرا سوني بس ما معطي الصورة حلى نفس الكانون .. تصويري بالكانون وايد حلو وادق ويعطي الصورة حقه ،، على الرغم ان الكاميرا من زمان عندي بس مدري ليش ما كنت أصور فيه وايد >> يمكن خايفة عليه لوووول ..

وهالتدوينة بيكون عن بدلتي في عرس بنت عمي ،، قبل العرس بشهر تقريبا يالسه أفكر شو ألبس للعرس وأهم شي عندي أني مأبي فستان أبي بدله بسيطة ،، ويكون أنيق وبسيط ،، ويوم سرت القرية العالمية شفت بدله طحت في غرامه وقلت هالبدله هيه اللي تناسبني ،، وبالفعل اشتريته ( الحمدلله ) ... على الرغم ان الاغلبية يقولي اللبس ممتننج ،، قلت لهم عادي اهم شي أني أنــآ مقتنعه فيه ^_^

البدلة كان باللون البيج .. عليه حزام أحمر وهالحزام هو اللي عطاه حلى زيادة

تفاصيل اللبسة...

قطعته شوي فيه زخارف بس شوي ثقيل في اللبس والأحلى منه مافي ذيل ^_^

تحت الصدر فيه كسفات بسيطة عشان اهني بيكون مكان ربط الحزام

هالحزام قطعته كان قطن حرير ولونه أحمر ...

هذا هو اللبسه على المليكانه في المحل اللي أخذت منه البدلة .. لا يغركم الصورة مظلمة شوي بس في اللبس وايد حلو وراقي ...

أخترت الشوز باللون الأسود .. وماخذتنه تقريبا من أحد المعارض اللي صارت عندنا من فترة ..

الهاند باج والأكسسورات حبيته يكون باللون البرونز عشان أكسر اللون شوي ،، وأهم شي كنت حابة طلتي وايد لووول >> ارفع من معنواياتي شوي looooool

" اللهم لك الحمد والشكر "

" اللهم لك الحمد والشكر على كل النعم التي انعمتها علينا وعلى عبادك الصالحين "

" الحمدلله الذي رزقنـي هــذا من غير حول مني ولا قوة #الحمدلله "

خير لك وأبقى :

" سبحان الله ،، والحمدلله ،، ولا إله إلا الله ،، والله أكبر"

ختـــآمـــآ ..

لا تنسون ذكر الله

" اللهم صل وسلم على رسول الله "

أشوفكم في تدوينات جديدة ومبدعه بآذن الله

أستودعتكم الله الذي لا تضيع ودائعه

فمان الله

happycloudworld

0 Comments