يسعد الله أوقاتكم بكل خير وبركة
" اللهم صل وسلم على نبينا وحبيبنا وشفيعنا محمدا عليه أفضل الصلاة وأزكى التسليم "
موضوعي اليوم للمصممين والمصممات المبتدئات في عالم التصميم وبخبركم اشلون نفتح ونغلق تصميم معين في برنامج ادوبي الاليستريتور " Adobe illustrator "
.
.
.
المشكلة اللي صادفي واشلون حليته ..؟؟
احيانا نصمم لوجو ونطرشه للمطابع يقولون لنا اغلقو التصميم .. اشلون نغلق التصميم ،، هالشي صادفني مرة وحده على الرغم اني تعاونت مع
كم مطبعه ومحد فيهم نبهني على هالنقطة الا مطبعه وقالي اغلقي التصميم والتصميم يوصلي كذا ،،
في البداية استغربت من هالشي لان الحفظ كان في بي دي اف اشلون تغير الخط واللون وشو صار .. ولين ما اكتشفت الخطا تقريبا يومين يلست افكر
شو الخطا وانا كم مرة مصممه ومطرشة وما كان عندي اي اشكاليه ،، بس هالمرة طلب مني اغلق التصميم
الهدف من غلق التصميم هو ان الطرف الثاني اذا سلمه للمطابع ما يتغير من التصميم اي شي ... ابسط شي ممكن يتغير هو الخط بس من تغلقو التصميم حتى الخط ما يتغير
في موضوعي هذا بتطرق على فتح وغلق التصميم باستخدام برنامج ادوبي الاليستريتور " Adobe illustrator "
.
.
.
اول شي كيف نعرف ان التصميم مفتوح .. تشوفون الصورة .. محدد كل التصميم مع الخطوط .. هنا يعني التصميم مفتةح ونقدر نتحكم فيه
يمين ويسار ونكبره ونصغره على راحتنا وحتى الخط نقدر نغيره ...
**********
طريقة اغلاق التصميم
نحدد التصميم كله بالماوس او من الكيبور نضغط على ctrl+A
طبعا أنا أفضل من الكيبور عشان اتاكد اني محدده كل التصميم
نروح
Object >>> lock >>> selection
باختصار من الكيبور ctrl + 2
تلاحظون الحينه ما نقدر نحدد على التصميم خلاص لانه انقفل
طريقة فتح التصميم ..
نضغط على
object >>> unlock all
كذا بيكون فتح التصميم ونقدر نغير فيه ...
الموضوع سهل ،، ويديد على بعض المصممين ..
ختاما
استودعتكم الله الذي لا تضيع ودائعه
اشوفكم في تدوينات يديدة باذن الله تعالى
فمان الله
![Pin It](http://pinterest.com/pin/create/button/?url=https://happycloudworld.blogspot.com/2021/05/adobe-illustrator.html&media=https://blogger.googleusercontent.com/img/b/R29vZ2xl/AVvXsEjIXwzQNIr8zzLcrLU0gmeJkEZoH1KAiBNZQma837mb2-IQ5iriHQ3bY4-5orIOuryUWNwGDfAD3HHbLAGUrofXtvWWWI6N0jTkJRZsZLW53LGtcb0QMBO5yR7SCxNn8iK0feekWjZBPow/s72-c/%25D8%25A7%25D9%2584%25D9%2588%25D8%25A7%25D8%25AC%25D9%2587%25D9%2587.png&description=السلام عليكم ورحمة الله وبركاته يسعد الله أوقاتكم بكل خير وبركة " اللهم صل وسلم على نبينا وحبيبنا وشفيعنا محمدا عليه أفضل الصلاة وأزكى...){kind=link}