خريجة 2017 وشوية ثرثرة

خريجة 2017 وشوية ثرثرة

السلام عليكم ورحمة الله وبركاته

يسعد الله مســـآءكم بكل خير وبركة >>> حق اللي تتقرا تدويناتي في المساء

ويسعد الله صبــآحكم بكل خير وبركة >>> حق اللي تقرا تدويناتي في الصباح

عشان محد يزعل مني لووووول

" اللهم صل وسلم على رسول الله "

" اللهم أعطنا من واسع رزقك الحلال ما تصون به وجوهنا من ذل السؤال إنك أنت المعطي الوهاب الرازق بغير حساب ... اللهم آمين يــا رب "

@ بسم الله الذي لا يضر مع أسمه شي في الارض ولا في السماء وهو السميع العليم @

ما بــآقي شي للجامعه ،، مـــآ بـــآقي شي لتخرجي من الجامعه

مــآ بين خووف وفرحة أمشي ،،، فيني شعور بفرحة أنــي خـــلاص وأخيرا بتخرج

أخيرا بستلم ثاني شهادة من شهادتي الجامعية ،،،

يمكن الاغلبية بيستغرب ليش ثاني شهادة ،،، لأني بتخرج المرة الثانية من الجامعه ...

أول شهادة خذيتها كـــآنت في 2012 تخرجت من الدبلوم ،،، من بين تخرج من الدبلوم وخاطري أكمل ... سبحان الله ،، ربي رزقني أني أكمل دراستي وبــآخلص بالبكالوريوس ...

اللهم لك الحمد والشكر ... شعور بفرحة وشعور بخوف في تقديم مشروع التخرج

يوم بعد يوم هالشعور يزيد فيني لان قرب وقت الدراسه ... قرب وقت الجد والأجتهاد ،، قرب وقت أن نجتهد ونضحي بأوقـآت لاعبنــآ لهدف مستقبلنا وحياتنا ...

الحمدلله أن أعطي ضعف مــآ أتمنى ... الحمدلله أني بتخرج في سنة 2017

الحمدلله على كل نعمة ربي انعمها علينا ونحن غافلين عن هالشي ،،،

حياتنا كلهــآ خيرة .... سبحان الله ،،،

قبل مــآ أقوول لأهلي أني بتخرج من الدبلوم كلهم وقفو ضدي ... وقالولي ما بتتخرجين وبتكملين دراستج ... بس أنـــآ كنت عنيدة وقلت بتخرج بالدبلوم ... بس معدلي مــآ كــآن يسمح لي أني أكمل عشان كذا انسحبت بالدبلوم وأنــآ كــآن خاطري أني أكمل وكلمت العميد وقالي مــآفي مجـــآل معدلج ناقص وانــآ أقوله ترى الا 4 درجات ناقصه بس قالي مافي جدوى ولا نقاش ... وشليت أوراقي وطلعت وروحت أخلص كل أمور التخرج ... ومر الايـــآم وغيرو النظــآم وسبحان الله بس يلست سنة وشوي فالبيت أدور على وظيفة يوم أحصل أسير المقابلات أو الامتحانات وما كان لي نصيب في أي وظيفة قدمتهــآ ورجعت أكمل دراستي الجامعية والحمدلله ربي وفقني في هالمرحلة ... والدكتور اللي قالي مافي مجال الحينة تكملين الحينه هو المسوؤل عن مشروع تخرجي خخخخخ ،،، >>> حبيت أكتب لكم هالنقطة عشان أعطي أمل لكل متابعه تتابعني خلف هالشاشة ،،، وثقي فالله تعالى وربي يعطيج على نيتج ،،، وعلى فكرة أنــآ بعدني خــآطري أكمل دراستي وأخذ الماستر واذا ربي كتب لي أكمل للماستر بكمل .. وأذا لا ،، يعني ربي مــآ كــآتب لي وأنـــآ الحمدلله راضية بكل شي ربي كاتبه لي ،، وراضية على كل تــآخيرة في حياتي .. راضية على تــآخير دراستي الجامعية لاني سبحان الله كل مــآ أخر مـــآدة وعقب أكتشف ليش ربي مــآ كــآتب لي أني أخذ هالمادة ...

الحمدلله رب العالمين ... وبمـــآ أن بتخرج يمكن أو أحتمـــآل أحط لكم بعض من ذكرياتي الجميلة اللي بيصادفني في الايــآم القادمة لاني عندي قاعدة ومحتفظة فيه لين يومي هذا

بيمر الايــــآآم وبيبقى كل شي ذكرى

ذكرى دراستنــآ ... ذكرى لزميلاتنـــآ ،، ذكرى لجامعتنــآ ،، ذكرى لربعنـــآ اللي صادفناهم في هالمسيرة التعليمية في مختلف الأمــآكن ...

شوية ثرثرت ... بس يالسه أكتب لكم وفيني متعه كتابة وروح ولهانه للكتابه والتعبير ... بس يوم كنت فالمدرسة مـــآ كنت أكتب كذا تعبير ،، ترى عالم المدونـــآت يخلق ثقافة فكرية وتطوير أفكـــآرج وتمارسين حياتج بكل ثقة وحتى تطورين من روحج من كل النواحي وتمارسين هوايـــآتج ... وتتعلمين اشيــــآء يديدة بس عشان تفيدين غيرج ،،، هالشي انــآ بالفعل عرفته من بديت في منتدى عروس ... وطورت من نفسي وايد وبنيت أهدافي ،، وطورت نفسي وثقافتي ،،، أقول لكل وحدة تتابعني خلف هالشاشة ،،، طوري من روحج وثقافتج عشانج أنتي نفسج مب عشان حد غيرج ،،، صدقيني بتحسين بشي في داخلج يتغير والله سبحانه وتعالى قال في كتابة العزيز (( إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ )) سورة الرعد

غيري من روحج أقري الكتب ،، تصفحي الانترنت بــآشيــاء مفيدة وتفيدج لدنيتج واخرتج .. بس نصيحة أخت لا تنسى أخرتج اللي فيها معادج ،،،

نحن الحينة في أفضل ايــآم السنه 10 ذي الحجة .. أستغلي أوقاتها بذكر الله .. الصلاة .. الصيام ،، الدعاء ... الصدقة ... صلة الارحــآم .. صيام يوم عرفة ... التكبير .

قبل ما انهي هالتدوينة

لا تنسو أحيو سنة التكبير

" الله أكبر .. الله أكبر .. الله أكبر ... لا إله إلا الله ،، الله أكبر .. الله أكبر .. الله أكبر .. ولله الحمد "

أستودعتكم الله الذي لا تضيع ودائعه

فمـــآن الله

ولا تنسونــآ من دعواتكم الطيبة في هذه الأيام المباركة