Happycloud

ثرثرة خفيفة وتحدي لكتابة 20 تدوينة خلال شهر

Posted on الثلاثاء، 31 يناير 2017

السلام عليكم ورحمة الله وبركاته

ويسعد الله أوقاتكم يــآ أصدقاء بكل خير وبركة وطاعة الله تعالى ،،

" اللهم صل وسلم على رسول الله "

@ بسم الله الذي لا يضر مع أسمه شي في الارض ولا في السماء وهو السميع العليم@

مــآ أعرف شو ياني فجــآة ،، يمكن لاني مـــآ عندي أفكار يديدة في بالي ،، أو تدوينة يديدة على بالي عشان أكتبة ،، بس من أهدافي هالسنة أني أطور من مدونتي ،، أطور أفكاري ،، الحمدلله اليوم أخر يوم في هالشهر ،، الحمدلله على حلو الأيام في هالشهر ،، والحمدلله على مر الأيام في هالشهر ،، اللهم أجعل أيامي القادمة مملة بكل الخير والبركة في حياتي ،، ولكل متابعة تتابعني خلف هالشاشة ( آمين يا رب ) ..

في بالي فكرة أطبقهـــآ على مدونتي ويمكن هالفكرة يمنحني نشـــآط ودافع للتطور إلى الأفضل ... ويمكن أغير من نظامي شوووي ويصير حيوية في مدونتي ... في الفترة الاخيرة ولله الحمد والمنة .. صار عدد متابعات مدونتي في أزدياد وهذا من فضل ربي .. وأهم شي عندي هو الاستفادة من كل تدوينة كتبته لكم في مدونتي .. وأنــآ من فترة منظمة مواضيعي تحت مسمى lable اللي هو تسميات المواضيع ينحدر تحت أي مسمى ... من :

ثرثرة,Blogger, Computer, Congratulation, Culinary, Daily, diet, DIY, education, fashion, Idea, Islamic, Makeup, Perfume, Pic and Design, places, Purchases, Random, Reading, Skin Care, sz.desing, Video

والفكرة اللي في بالي أكتب كل مرة تدوينة على تسميــــــآت تدويانتي ،، في مدونتي 22 تسمية مختلفة وخلال شهر اتحدي مع نفسي وأكتب تدوينة على المسميـــآت مــآ عدا مسمين لغيته اللي هو Congratulation و Random بس اذا يى في بالي موضوع عشوائي بكتبة تحت هالمسمى ان شاء الله تعالى وفي نهاية أبي أشوف هل أنـــآ قد هالتحدي في كتابة 20 تدوينة خلال شهر أو لا وشو الظروف والأشياء اللي صادفتني أو بتصادفني في خلال هالتحدي .. تحدي جميل بالنسبة لي وأول مرة أتحدي مع نفسي نفس هالتحدي .. أنظروني أن شاء الله خلال شهر 2 تدوينات يديدة وومتعه ومفيدة أن شاء الله تعالى ...

فالنهاية لا تنسونـــآ من دعواتكم الطيبة

@الحمدلله ثم الحمدلله حتى يبلغ الحمدلله مبتغاه @

أشوفكم على خير مع أول تدوينة تحدي في الغد أن شاء الله تعالى

فمان الله

happycloudworld

0 Comments

In سفراتي

القرية العالمية في دبي+ بعض الاشياء اللي حبيته في القرية + مشترياتي البسيطة

Posted on الخميس، 26 يناير 2017

السلام عليكم ورحمة الله وبركاته

ويسعد الله أوقاتكم يــآ أصدقاء بكل خير وبركة وطاعة الله تعالى ،،

" اللهم صل وسلم على رسول الله "

@ بسم الله الذي لا يضر مع أسمه شي في الارض ولا في السماء وهو السميع العليم@

هالتدوينة في بالي من فترة وقلت إذا روحت هالمكان بكتب لكم هالتدوينة ،، وسبقت أني كتبت عنه في منتدى عروس ،، هو روحتي للقرية العالمية ^_^ + بعض الاشياء اللي حبيته في القرية + مشترياتي البسيطة .. وطبعـــآ مــآ قدرت أصور وايد لان كــآن زحمة والمكان اللي اشوفه هادي أصوره لكم ^_* أول مــآ أفتتحو القرية العالمية كنـــآ دوووم نروح له ،، والحينة لــآآ مب وايد نروح نتمشى فيه ،، القرية العالمية سنويـــآآ يتغير ويغيرون أشياء فيهـــآآ ،، هالمرة يوم روحته حبيت شي فيه التصاميم وأهم المعالم حول العالم كلهم مخلينة يم بعض وهالمعالم أعطى للمكان فخامة للمكان أكثر ،، والشي الثاني اللي سوه أن خلو بوابة وحدة عكس السنوات اللي طـــآفت ،، طبعا نحن رايحين وكـــآن همنــــآآ شي وأحد ،، نشتري بدل لمناسبة بنت عمي وربي يتمم لهــآ على خير ،،

أول مـــآ وصلنــــآآ كــــآن الجو شو حلاته مغيم غيم وأمطرت عقب والحمدلله

ونحن رايحين نشتري التذاكر صادفتنـــآ وحده هندية وشكلهـــآ مشترية بطايق زياده وبايعتنـــآ البطـــآيق ^_^ الحمدلله فكت لنا أزمة الوقوف عشان نشتري البطايق ^_*

و يالسين نمشي للبوابة

وأول مـــآ دخلنـــآ القرية

حبيت هالبدلة ^_^ هادي وحلو وسعره تقريبا بـ 400 درهم وفي عندهم محل في العين مول ،، لبنات العين روحو القرية أشترو من هالمحل لان ينقص السعر ( وأهم شي كاسروهم عشان ينقصون لكم )

وفي بدلة ثانية مــآ بعرضه لكم الحينه >> لان بيكون بدلتي اللي أخرته وحابة يكون في تدوينة وحدهـــآ عشان كذا مــآ بعرضة الحينه ^_^

وهالصورة البليل في القرية

هالاستشوار اللي على اليمين حبيته مرة من القرية التايلندية تقريبا سعره 120 درهم بعد المكاسر لوووول

الكنافة لازم لازم يوم أروح القرية أخذهـــآآ ^_^

وللذكرى : أخذنا شاي كرك و سمبوسه من هالكشك ^_^

هالبدل اللي عجبني ،، ولول تركزون في اللبس بيكون راقي في اللبس ^_^

ومشترياتي البسيطة ،، ما تسوقت وايد لاني ما حصلت اشياء حبيته ،، اللي عجبني أخذته ما كسرت خاطري فيه ( الحمدلله الذي بنعمته تتم الصالحات )

أخذت الاستشوار اللي قلت لكم أن عجبني ب 120 درهم وأستخدمته مرة وحده وعجبني طبعا أخذته بدون ضمان وأنــآ أول مرة أخذ شي بدون ضمان ^_* ،،، وخالتي شافتني يوم أخذته وسالتني عن سعره وقالت لي نفس السعر تقريبا في تايلند بعد ^_^

كليبات لشعري ( شباصات انتو شو تقولون عنه لووول ) أخذته بعد من القرية التايلندية الحبة ب 5 دراهم

هالاسويرة فضة ،، حلو وايد في اللبس أخذته من القرية التركية ب 100 دراهم أهم شي كاسورهم في السعر عشان ينزلون لكم السعر وما يقصون عليكم

هالثلاث اساور مع بعض أول مرة شفته في القرية الكويتيه تقريبا ما أتذكر زين أي قرية وعجبني وحاولت أني أنقص السعر ما رضى ينقص ومشيت عنه لان أكسسور ما فضة ولا شي ،، ويوم روحت القرية التركية حصلته بنفس السعر ولان خلاص بنطلع ما كسرت خاطري فيه وأخذته بـ 100 درهم وقالي أن لازم أخذ هالثلاث مع بعض بس في اللبس وايد حلو

وطبعا أخذت لي بدله بصوره لكم في تدوينة ثانية عشان اللوك ^_^ وأخذت قطعه لأمي ربي يحفظها لي وما صورته ^_^

" اللهم لك الحمد والشكر "

" اللهم لك الحمد والشكر على كل النعم التي انعمتها علينا وعلى عبادك الصالحين "

" الحمدلله الذي رزقنـي هــذا من غير حول مني ولا قوة #الحمدلله "

خير لك وأبقى :

" سبحان الله ،، والحمدلله ،، ولا إله إلا الله ،، والله أكبر"

فالنهاية لا تنسونـــآ من دعواتكم الطيبة

@الحمدلله ثم الحمدلله حتى يبلغ الحمدلله مبتغاه @

أشوفكم على خير

فمان الله

happycloudworld

0 Comments

In Daily

على الطاري الفرح ،، الحمدلله تخرجت

Posted on

السلام عليكم ورحمة الله وبركاته

ويسعد الله أوقاتكم بكل خير وبركة ،،،

من قبل كم يوم في الانستغرام قلت لكم يالسه أكتب تدوينة ،، بس للاسف ما خلصتهـــآآ بسبب أني كنت يالسه في الصالة وما قدرت أكملها بسبب الأزعاج لووول --- خلاص الحينة أذا بكتب تدوينة برجع لحجرتي عشان أخذ راحتي في كتابة التدوينــــآآت ..

واليوم أكتب لكم هالدوينة وحبيت أبشركم أني تخرجت ولله الحمد والمنة ،، تخرجت وفرحت ابوي وأمي وأخواني وأختي ،، تخرجت وما أنسى حضن أبوي لي " ربي يحفظة لي يا رب ويطولي بعمره يا رب " تخرجت وفرحت هلي وأحبابي ( اللهم لك الحمد والشكر ) فرحة التخرج غير غير ،، لان تعب سنين يكون في لحظه ومن غير دموع الفرح ( اللهم لك الحمد والشكر ) وعقبال مــآ أتوظف بأذن الله تعالى ،، في بالي أكمل للمستر وإذا الله سبحانه وتعالى كاتب لي أني أكمل دراستي بكمل بحول الله تعالى ،، وما في بالي شي معين أني أكتب أو أفضفض ^_^ بخلص التدوينة اللي كنت يالسه أكتبهـــآ عشان أنزله لكم

فمان الله ،،

وأشوفكم على خير في تدوينة جديدة بأذن الله

ولا تنسونــآ من دعواتكم الطيبة

فمان الله

" سبحان الله وبحمده "

" اللهم صل وسلم على رسول الله "

happycloudworld

0 Comments

In Makeup

مكياجي في تجمع صديقات العمر

Posted on الثلاثاء، 17 يناير 2017

السلام عليكم ورحمة الله وبركاته

ويسعد الله أوقاتكم بكل خير وبركة وطاعه الله تعالى

" اللهم صل وسلم على رسول الله "

] بسم الله الذي لا يضر مع أسمه شي في الارض ولا في السماء وهو السميع العليم [

اول تدوينة لي هالسنة ^_^

يالسه أرتب واتهيي لهذي السنة لتغيير نفسي وأهدافي وأطور من أفكاري .. ومن غير هذا كله فيني محاته للنتائج ( يالله عسى في النتائج تباشير ) ،، يالسه على أعصابي ،، خصوصـــآ أن الامتحانات كانت صعبه شوي .. ( يا رب أجعل نهاية جهدي فرح ... آمين يا رب العالمين ) ... عمومـــآ مـــآ هذا موضوعي لووول

موضوعي اليوم حبيته يكون عن مكياجي في تجمع صديقات العمر ،، صارلي كم سنة مــآ التقيت فيهم ،، وسبحان الله شاء الأقدار أن نلتقي في يوم الجمعة اللي فـــآت والتقينـــآ ،، وحبيت أن يكون مكياجي سمبل وبسيط جدا جدا ...

وأخترت مكياجي على لون بدلتي .. وكان بدلتي باللون الوردي الغامق

أول شي هيئت بشرتي للمكياج رطبت ويهي بكريم يناسبني من غارينية وبعدين خليت مرطب العين من فيدأوت وسبق وتكلمت عنه في هالتدوينة ( هنــــآآآ )

من بعد مـــآ هيئت ويهي ،، أخذت شوي من بي بي كريم الأزرق ووزعته على ويهي ( اللي حابة تعرف الفرق بين بي بي كريم الأزرق والوردي تضغط على هالتدوينة ( هنــــآآ )).

بعدين خليت 3 نقاط تحت عيني مثل المبين على الصورة الأولى من كونسيلر من ميبلين ،، وبعدين وزعته بفرشاة الكونسيلر ،،، وهالكونسيلر فل كفر يغطي لج الهالات السودة والدرجة اللي أنــآ أستخدمه الدرجة 2 اللي وضحته لكم في الصورة الثانية وسبقت وتكلمت عن الكونسينلر والفرش اللي نستخدمه في أستخدام الكونسيلر (هنــــآآآ)

من باليت sivanna colors أخترت اللون الابيض وخليت شوي تحت حواجبي ،، على فكرة هالباليت الوانه ثابته وحلوة . وابرزي اللون على نهاية الحاجب وبينت مقصدي لكم في الصورة الثانية ^_^

من باليت نيكد 3 أخترت لونيين .. لون Buzz اللون الغامق خلية على أطراف الجفون ... واللون Burnout وخليته على جفون عيني. والصورة الثانية وضحت لكم شو أقصد ^_^ ...

وبعد ما خلصت من الايشادو خليت المسكرة واستخدمت هالمرة مسكرة من ريميل الأصفر اللي ضد الماي ،، على فكرة فرشاة المسكرة أنــآ مغيرتنه لاني ما حبيت فرشاة هالمسكرة ف غيرت الفرشاء بمسكرة ريميل الثانيه ... ^_*

وبعد ما نشف المسكرة خليت ايلينر بجليتر وعطى المكياج مظهر أحلى ...

وبعد ما خلصت وزعت الفادونديشن على ويهي واستخدمت هالفاونديشن من Prestige

وتحت عيني خليت أضاءة Ben Nye هالاضاءة حلوة وحبيته ^_^

وأستخدمن البلاشر من ذا بالم من باليت Apples واخترت CIDER وحبيت أنبهكم بشغله أن هالباليت عبارة عن بلاشر ولب جلوس وتقدرين تستخدمينة كبلاشر أو لب جلوس .

وأخر خطوة خليت الروج كنت ماخذتنه من كوشك واللون حلو وحبيته ورقمه على الصورة

لوكي كـــآن بسيط وأهم شي عندي أنه برز ملامح ويهي .. وهذا أهم شي يوم تحطين مكياج أنه يبرز ملامح ويهج ،، والحمدلله رب العالمين روحت عند ربيعتي واستانست بشوفت ربيعاتي

ونلتقي في تدوينة يديدة أن شاء الله تعالى

أستودعتكم الله الذي لا تضيع ودائعه

فمــآن الله