مشتريات متفرقة

السلام عليكم ورحمة الله وبركاته

ويسعد الله أوقاتكم بكل خير وبركة وطاعة الله تعالى

" اللهم صل وسلم على رسول الله "

@ بسم الله الذي لا يضر مع أسمه شي في الارض ولا في السماء وهو السميع العليم @

ثرثرة,Blogger, Computer, Congratulation, Culinary, Daily, diet, DIY, education, fashion, Idea, Islamic, Makeup, Perfume, Pic and Design, places, Purchases, Random, Reading, Skin Care, sz.desing, Video

ونكمل تحدي هالشهر مع كتابة 20 تدوينة خلال شهر ... لين الحينة متحمسة لـ هذا التحدي ويالسة أفكر شو أكتب من التدوينــــآآت ،، وتدوينتي اليوم بيكون عن مشتريات متفرقة والحمدلله الذي رزقتني كل هذا من غير حول مني ولا قوة ( الحمدلله)

كنت مــآرة بودي شوب ،، لأني أبغي ماسك الشاي الأخضر قالت لي الموظفة مــآشي مخلص وشفت هالسيروم جدام عيني وأخذته ومــآ ترددت بـ 85 درهم ( الحمدلله )

 

ومن نزية وكـــآن في بالي أشتري لي كم شغله من مقشر كريم كــآب والكريم كريم كــآب بس لحسن حظي كـــآن مخلص وصار هذا حصيلتي من نزية ( اسفنجة عشان اشيل الماسك متعودة أخذهم من نزية لان أسعارهم مناسبة .. ومتعودة أخذ الدوائر بس هالمرة أخذت الدوائر والمستطيل عشان أجربة وأخذت رول الشمع بس للتجربة أخذت وحده ) ( الحمدلله ) سعر الاسفنجات ... المستطيل ب 15 درهم والدوائر 12 درهم والرول الشمع بـ 8 دراهم.

 

من براند ميبلين .. أخذت هالكونسيلنر ،، كنت اشوف عليه المدح بس مــآ شفته الأ عند التاجرات ومرة كنت خاطفة صوب سنتر بوينت وشفته جدام عيني ومــآ ترددت لحظة أني أخذه ^_^ ( الحمدلله) سعره ب 6 ريالات وشوي .

 

شرايط شمع والموس اللي يستخدم للوجهه الشرايح متعودة أخذ منه مرة مريــحـــآت للاستخدام وخفيف على الوجهه والموس بعدني مــآ أستخدمة أخذتهم من كارفور ( الحمدلله)

 

هالفترة صاير فيني هوسة صابونية الكركم يعني من أشوف جدام عيني صابونة الكركم أخذه بدون تردد ... ( الحمدلله)

 

مناديل فيت أول مرة أخذه عشان اجربة ^_^ ( الحمدلله)

 

ملح الحليب ملح الليمون ... ملح الحليب دوووم أخذه لمقشراتي ،، وملح اللميون أول مرة أخذه للتجربة ^_^ ( الحمدلله )

 

وهذي مشترياتي البسيطة ولله الحمد

" اللهم لك الحمد والشكر "

" اللهم لك الحمد والشكر على كل النعم التي انعمتها علينا وعلى عبادك الصالحين "

" سبحان الله وبحمده "

انتهيت من هالتدوينه .. وأتمنى وفقت في طرحه

دمتم بحفظ الرحمن

فمـــــآآن الله