welcome new baby ،، وتجهيزات التوزيعات لنيو بيبي بوي

السلام عليكم ورحمة الله وبركاته
أهـــلا يــآ اصدقائي ،، ويسعد الله أوقاتكم بكل خير وبركة وطاعة الله تعالى
" اللهم صل وسلم على رسول الله "
@ بسم الله الذي لا يضر مع أسمه شي في الأرض ولا في السماء وهو السميع العليم @
تــآخرت عن هالتدوينة مدة ،، مدري كسل أو شي ثاني بس هالتدوينة من زمـــآن في بالي وقايله لأصدقائي اللي يتابعوني على السناب جـــآت أني أصور للتدوينة + بعض الصور بيكون لمشروعي ...
8/3/2017 صرت عمه للمرة الثانية ولله الحمد والمنه وربي يبارك لولد أخوي ويجعله من الذرية الصالحة يا رب ...
وبمـــآ أن حرمة أخوي تاخذ من رايي وقراراتي وسالتني عن التوزيعات شو بنسوي ..؟؟ وهيه كان في بالها عدة الأظافر .. وأنــآ اقترحت عليها الكلينكس المعطر وميني فريم وميني عطر ولليهال يكون نوتيلا ،، هالاشياء كانت حلوة لتوزيعات البيبي مع الثيمات بيكون أحلى وأحلى ،،، وبعد الدوارة في الاسواق والمساعدة بس حصلنا الكلينكس المعطر ،، وميني العطور بصراحه حسيته غالي .. نوعـــآ مــــآآ فكنسلته من القائمة ... ومـــآآ كـــآن في وقت يعني هالأشياء سويته في أقل من أسبوع ...
من وصلنا الأغراض ما بغينا شي غير الكلينكس والباقي كله سويته أعادة تدوير واللي معاي في السناب متابعيني شو سويت فيهم وكل شي بكتبته لكم في هالتدوينة ،
وبمــآ أن أنــآ فاتحه مشروعي البسيط عبارة عن تصميم ثيمات .. فكل شي كان علي أنـــآ ،، أقترحت عليها يكون الثيم باللون الأخضر عشان نكسر على اللون الأزرق اللي منتشر .. بس اللي صار ان ثيماتنا اختلط بين الازرق والأخضر لوووول ... بس كان حلوو لان كل شي كان بـ هاللونين .. حتى سرير البيبي كان بـ هاللونين الحمدلله ..
ثيماتنــآ كـــآن بـ هالشكل ل كلينكس والفريم وثيم النوتيلا كنت عارضتنه ( هنـــــآآ )

وتم الأختيار على هالثيم والطباعة بس صادفني شغله هو صعوبة اني الصق الاستيكر على العلب مدري ليش ^_*

بعد ما قصيت ولزقت الاستيكر على علب الكلينكس
 

 

ونيي على توزيعات اليهال اللي كان عبارة عن نوتيلا ... وكان شكل العلب مول مول ما عجبتي شوفو كيف شكله مول مول ما حلو

 اللي صار اني شلت القطعه اللي على الحديدة وصار عندي هالشكل

 والشكل بعد ما حلو وناقص شي .. وبعد التفكير وساعدتني اختي وقالي لي خلي شي فوقه كذا شكله مول ما حلو .. ويلست ادور وافكر وتذكرت ان شي قطع صغيرة نفس اللي موضح في الصورة في البيت 

 

 

وشلتيه ولزقته فوق .. ( تعرفون يى في بالي الحينه لو مسوية ثيم وملزقتنه عليه بعد بيطلع برايفكت ^_^ )

 

 
زووووم قبل وبعد التعديل

قبل التعديل

بعد التعديل

وطبعت ثيم النوتيلا ،، طبعا عبارة عن استيكر .. قصيته ولزقته على طول 

 

 

 

وهذا شكله داخل القفص الصغير .. شكله حلو ويجنن وفكرة حلوة كانت .

زوووووم للتوزيعات

وباقي الحينه التوزيعات الثالثة وأنــآ ما كنت ادري عنه بس حرمة اخوي قايلة لاخوي جيب مصاحف صغار .. واخوي رايح وجايب حصن المسلم وحصن الحصين وسي دي وقال وزعوهم احسن .. الحينه المشكله عندي اشلون نوزعه .. ما يى في بالي الثيم لان الوقت مرة مرة ضيق لي ..
وحصلت هالشي الجميل .. من العلبه نفس الشي ما عاجبني لوووول

 

 

الأغراض اللي أحتجتهم في هالتوزيعات كان عبارة عن خيط ( خيشة >> نحن نسمية جي ) سي ديات فيه قران وحصن المسلم وحصن الحصين والفيونكات اللي أخذتهم من العلب .

شكله النهائي

طريقة عمله  عرضته في السناب جـــآت .. خليته في صورة وحده *_^ ( ترتيب الصورة من اليمين لليسار ) عشان يسهل عليكم طريقة العرض ^_^ ( وبعد تعديل المدونة صارت كل الصور بنفس القياس *_^ )

ويى في بالي بعد أني ارتب الكلينكس والاسبون مع بعض ... بهذا الطريقة ،،، 

وعرضت طريقة عمله في  السناب جـــآت

خليته في صورة وحده *_^ ( ترتيب الصورة من اليمين لليسار ) عشان يسهل عليكم طريقة العرض ^_^ 

 

 

ونيي لثيم الماي وكان بالعربي ( نورت دنيانــأ ) وبالانجليزي 

welcome new baby
والثيم كان أخضر مخطط 

 

 

والكلينكس غلفته في اخر الليل بسرعه بسرعه والحمدلله ضبطته *_* بدون حوسه لوووول

 

وأيطار الفريم كان باللون الأخضر وكــآن حلو عكست على اللون الأبيض اللي منتشر ^_^ بالثيم الأخضر المخطط ( هالصورة جمعت شغلي بالتصميم الثيمات مكان واحد )

 

ونور دنيانا البيبي الصغير وربي يحفظه من كل مكروه
واستودعتكم الله الذي لا تضيع ودائعه
ولا تنسون أذكرو الله
" سبحان الله وبحمده "
فمان الله