مشترياتي من Arcova في تايلند

 

السلام عليكم ورحمة الله وبركاته
ويسعدكم ربي متابعاتي الجميلات في كل وقت وساعه
" اللهم صل وسلم على رسول الله "


( بسم الله الذي لا يضر مع أسمه شي في الارض ولا في السماء وهو السميع العليم )
( سبحان الله وبحمده .. سبحان الله العظيم)
(سبحان الله وبحمده)
(سبحان الله .. والحمدلله .. ولا إله إلا الله .. والله أكبر)




تدوينـــة مشتريـــآآت ومنو مـــآ تحب الشوبنغ .. وربي يرزق الجميع يــآ رب .. تدوينتي اليوم بيكون عن مشتريـــآتي من تايلند .. وقررت أني أقسمه لأقســـــآم .. عشان يسهل علي وعليكم المواضيع ،، وخاصه إذا كانت وحده تبغي تروح تايلند وأول مرة حقهــآآ تروح بتستفيد من هالموضوع ...
أنـــآ طبعـــآ أول مرة أروحهــآ تايلند ومــآ كنت مخططه أني اروح بس سبحان الله رزقي أني أسافر هالصيف .. بس متعوده أكثر شي في الصيف أني أروح العمرة .. بس هالمرة كانت روحنـــآ لتايلند .. ( الحمدلله على كل حال من الأحوال )
هالتدوينة بخبركم عن محل  Arcova  || أركوفا في تايلند .. وبعض من مشترياتي البسيطة من هالمحل ،،،
 المحل في مجمع أم بي كي .. وخلال حواطتي في السوق ما شفت له أي فرع بصراحه بس شفته في أم بي كي ... وعجبني حييل المحل .. روحته مرتين بس ومنتجاتهم مرة حلوة ورخيصه ... وينفع تاخذون الهدايا والسوغات من هالمحل لان مثل ما قلت لكم رخيص ...
منتجاتهم متنوعه من كماليات وعناية بالبشرة ومكياج ... ألخ ،،
هذا موقعهم
http://www.arcova.co.kr/

بعدني أبي أعرف هل أني اقدر أطلب من عندهم اون لاين أو لا .. إذا عجبني منتجاتهم بشوف كيف ممكن أطلب وأخبركم عنه في تدوينـــآت ثانية بأذن الله تعالى .
الحينه بخليكم مع مشترياتي من هالمحل ...
طبعا المنتجات بعدني مــآ جربتهم أنتظر يخلص اللي عندي وأبدا أجرب المنتجات الجديدة 

( بسم الله نبدء ) 

خذيت بودي سكراب .. 

فرشاءة للويهه 2 في 1 .. جهه لتنظيف الويهه والجهه الثانية للمساج 

 

وأخذت هالماسك بالليمون .. تقريبا كان في أنواع ثانية بس أنــآ أخذت هالنوعية 

لصقات للأنف

 

لوشن لليد ..

 

 
هذا سبري بس لين الحينه مــآ عرفته لشو لاني يوم قريت اللي مكتوب عليه مكتوب فيس سبري ،،، ومكتوب بريفيوم يعني عطر .. ولين الحينه محتارة لشو هذا ( هههههه هذي اللي تشتري شي كذا ) بس ريحته حلوة عشان جي أخذته ^_^

 

وشاور جل 

 

وهالشنطة عجبتني حيل للسفر وأخذته ..

 

والحمدلله رب العالمين
( الحمدلله على كل حال من الأحوال )

وهذي مشترياتي البسيطة ولله الحمد

" اللهم لك الحمد والشكر "

" اللهم لك الحمد والشكر على كل النعم التي انعمتها علينا وعلى عبادك الصالحين "

" سبحان الله وبحمده "