تجربتي مع منتجات جيجو البركانية من فيس شوب

السلام عليكم ورحمة الله وبركاته

يسعد الله أوقاتكم بكل خير وسعادة وراحه بال

" اللهم صل وسلم وبارك على نبينا وحبيبنا وشفيعنا محمدا عليه أفضل الصلاة وازكى التسليم "

في البداية

حبيت أشكر من كل قلبي صديقتي أم فطومة ،، أنهــآ أهدتني هالمجموعه من فيس شوب وخلتني أجربه

.

.

.

والشي الثاني

حبيت أقولكم أني واااايد وااااااااااااااايد أسفه

تاخرت أني أطرح لكم هالموضوع وتجربتي مع مجموعه جيجو البركانية لتنقية البشرة من فيس شوب

لسبب أني نسيت أصور كل المنتجات وبعدها تكاسلت ولين ما خلصت المنتجات استوعبت التدوينة ولازم أكتب التدوينة

.

.

.

في وايد بنات ينتظرون هالتدوينه وتجربتي مع هالمجموعه من فيس شوب

والحينه بقول لكم يالله بسم الله نبدء 

.

.

.

العلبه كان فيها اسفنجه كونجاك .. غسول ومقشر بنفس الوقت وماسك الأنف ولوشن للويهه ..

نيي الحينه نتكلم بالتفاصيل ..

أسفنجة كونجاك .. مصنوعه من الياف نباتيه .. لينه وأمنه على البشرة ،، يحتوي على 10% من فحم الخيزران الذي

يساعد على امتصاص السموم على الجلد ويستخدم الفحم المنشط لتعقيم ولمنع البكتيريا .. ( هالمعلومات اخذته من حسابهم من الانستا)

كيف نستخدمها ..؟؟ 

قومي بتدليك البشرة بلطف لتزيل خلايا الجلد الميته والاوساخ 

يفضل تغيرها كل 3 شهور

ومن خلال بحثي لاستخدامات اسفنجة كونجاك 

1- يعتبر ان هو مزيل جيد للمكياج من خلال أضافة الماي والصابون المناسب للبشرة عليها وفرك الويهه باستخدام الاسفنجة

وتقدرين تمرريها حول عينج عشان تشيلين المسكرة ..

2- تقدرين تستخدمينه لتقشير البشرة وتنظيفها 

تخلين الاسفنجة في الماي من 10 الى 20 دقيقة وبعدها تتخلصين من الماي اللي في الاسفنجة 

وتستخدمين المقشر المناسب لج 

هل استفدت منه ..؟ هل عجبني ..؟؟

لا .. ما حسيت اني استفدت منه لاني ما كنت اعرف طريقة استخدامه وليش يستخدم بالاساس ..؟؟ حاولت اجمع معلومات وشفت حساب 

فيس شوب في الانستا ما أخذت منهم اي معلومه مفيدة لطريقة الاستخدام ..

هل برجع اشتريه او اجربه مرة ثانية ..؟؟ من جمعت المعلومات عنه الحينه اكيد برجع اجربه في المستقبل ..

المنتج الثاني 

غسول ومقشر في نفس الوقت ،، يزيل الروؤس السودا وخلايا الجلد الميت وينظف البشرة بعمق ويشيل كل الدهون والترسبات الموجوده في الويهه

الغسول وايد حبيته ،، من بقى منه شوي عطيت أخوي يستخدمه وعجبه 

المنتج الثالث

عبارة عن ماسك مخصص لمنطقة الانف ..  الماسك وااايد وااايد حلووو يشيل الروؤس السودا وينظف البشرة ويشيل كل الترسبات اللي حول الانف

حتى من بعد الاستخدام تحسين أنفج نظيفه لان بجد ينظف عدل .. وحتى لو تخلينه على جوانب الانف وين المسامات يشده حقج ويشيل كل الدهون والترسبات اللي داخل المسامات .. أنــآ بصراحه جربته وخليته على الذقن والجبهه وااايد حلوو في التنظيف 

المنتج الرابع

مكتوب عليه لوشن .. كريم للويهه ،، المنتج الوحيد اللي ما ناسبني .. صرت الحينه استخدم كريم لرقبتي .. 

في هالمجموعه ممكن تلاقون التونر لاني شفته عند أختي 

في ختام هالتدوينة

استودعتكم الله الذي لا تضيع ودائعه

لا تنسونا من دعواتكم الطيبة

فمان الله