طريقة تغليف الحلويات

السلام عليكم ورحمة الله وبركاته

يسعد الله أوقاتكم بكل خير وبركة وطاعه الله تعالى

" اللهم صل وسلم على نبينا وحبيبنا وشفيعنا محمدا عليه أفضل الصلاة وازكى التسليم"

وربي يبلغنا يوم عرفه وربي يحقق احلامي واحلامكم لما هو خير لنا في دنيانا ومعاشنا وعاقبة امرنا

.

.

.

مثل ما خبرتكم في الانستا اني بعلمكم طريقة تغليف الحلويات .. وانا أخترت تغليف حلاوة الكت كات بثيم العيد ..

التغليف مهارة من تتقنيه بيكون كل شي سهل ... 

اللي بنحتاجة 

- ورق بني .. تحصلونه في المكتبات والاماكن اللي يبيعون ورق تغليف الهدايا ... أنــآ اوردي ماخذه المقاسات من قبل

عشان تاخذون المقاسات اخذوه ورق ايفور ولفوه على الكت كات او اي حلاوة وعقب شوفو المقاس المناسب للحلاوة 

- حلاوة كت كات 

- ثيم العيد للتحميل الثيم من " هنــــآآآ "

- لزق ومقص ولزق تيب " بس مب مهم " 

طريقة التغليف

اول شي حطو الكت كات " او الحلاوة بـ هالطريقة اللي ف الصورة 

عقب شلون اللزق وحطوه على الاطراف من 3 جهات .. 3 جهات مب 4 جهات 

وعقب نلفه بـ هالطريقة .. اذا صار معاكم زوايد لا تحاتو لان اوري بتعدلونه بـ المقص

واهني خلصت التغليفات ما اخذ مني وقت ... 

بعد يومين قصيت الحلاوة بـ هالطريقة " المقص يكون اوري متعرج عشان يعطيكم هالقصه

وثبت الثيم بـ اللزق على حلاوة الكت كات

واهني الشكل النهائي ..

لتحميل الثيم من " هنـــآآ "

اتمنى اني وفقت في طرح هالتدوينه ..

لا تنسوني من دعواتكم الطيبة في هذه الايام المباركة

دمتم بصحة وعافيه يا رب 

استودعتكم الله الذي لا تضيع ودائعه

فمان الله

" سبحان الله وبحمده"