يومياتي في رسم لوحة كانفس

السلام عليكم ورحمة الله وبركاته

يسعد الله أوقاتكم بكل خير وبركة

" اللهم صل وسلم على نبينا محمد "

في يوم ماا ،، قررت أني اسوي شي بسيط على لوحة كانفس ،،،

الفكرة ياتني كذا بدون تفكير .. مجرد جمعت الاشياء اللي أبي اسويها ...

فالبداية كان ف خاطري استخدم هالجليتر في اللوحه بس عقب فكرت فيها عن ما يكفي اللوحه فغيرت رايي ...

هاللوحة كانفس كنت ماخذتنه من دايسو من زماان ،، هذا من فوايد اني اشتري واخلي وعقب استخدمه ^_*

شو سويت ؟؟؟

في البداية قسمت اللوحه نصين باستخدم لزق " تيب " 

عقب خلطت هالالوان مع بعض عشان احصل على لون أنا أبغيه ...

هنــآآآ احترت بين لونين فـ أخترت اللوان اللي تحت 

بعد ما لونت اللوحه .. اللون فاتح شوي بس التصوير ظالم اللون شوي 

القسم الثاني بصراحة .. يلست العب والعب باللوان لين ما نسيت اي لون دمجت وخلصت 

الموهيم اللون اللي طلعت بـ لون غامق لاني يلست وادمج بالالوان كذا 

و وصلت الى هاللوحة البسيطة .. 

والحينه نيي الى اللمسات عشان اللوحة يطلع حلو 

فـ أحتجت الى الوايت جلو وفرشاة وجليتر ...

باستخدام المسطرة .. سويت هالخطوط .. 

عقب رشيت عليه الجليتر ... 

وهذي لوحتي البسيطة صارت جاهزة

ختاما

لا تنسوني من دعواتكم الطيبة

استودعتكم الله الذي لا تضيع ودائعه

فمان الله