تجربتي مع مجموعة الورد || BRITISH ROSE من بودي شوب

 السلام عليكم ورحمة الله وبركاته

" اللهم صل وسلم على نبينا وحبيبنا وشفيعنا محمدا عليه أفضل الصلاة وأزكى التسليم "

" بسم الله الذي لا يضر مع أسمه شي في الأرض ولا في السماء وهو السميع العليم "

من زمان عن المدونة ومن زمان عن التدوينات .. صدق ،، صدق 

وايد وايد اشتقت ادون واكتب تدوينات وتجاربي مع المنتجات ..

وايد تدوينات مصورتنهم عشان اكتبه لكم بس ما كان معاي وقت .. خاصه الفترة الأخيرة

وايد اشياء صارت واللي تتابعني على السناب بتعرف ليش انا جي اختفيت من احب مكان عندي

الموهيم ...

خلونا نرجع لمحور حديثنا واليوم تدوينتي بيكون عن تجربتي مع مجموعة الورد من بودي شوب

وقبل ما أخبركم بتجربتي مع مجموعة الورد

 شوفو هالمجموعه اللي جربته من بودي شوب من هنــــآآآآ

مجموعة الورد ثاني مجموعة اجربه من بودي شوب ...

المجموعة عبارة عن دلع وايد وايد حلو .. اللي حابه تدلع نفسها انصحها تجربه

المجموعة يجيج في هالبوكس الكيوت 

و هالبوكس يحتوي على

شاور جل 

ليفة الجسم

مقشر الجسم

زبدة الجسم

صابون صلب للجسم

والحينه خلوني أخبركم عن تجربتي مع المنتجات اللي جربتهم ،،،

شاور جل ،،،

 ادمنته ريحته واااايد حلوة ورايقة ،،، ما يجفف الجسم كميته راهيه يتم معاج فترة ،، 

وكنت احيانا استخدمه بعد ما استخدم الصابون المغربي عشان يعطي لجسمي ريحه حلوة

*************************

صابون صلب ،،، 

بصراحة أنا ما وايد أحب الصوابين الصلبة ،، فقط استخدمهم اذا ابغي اسوي لي صابونيات

اما كذا ما وايد أحبه ،، استخدمته لايدي فقط وكان حلو ما كان سيئ

*************************

مقشر الجسم ..

 اذكر ان المقشر كان شوي سائل .. ما حبيته وايد بس اللي حبيت فيه ريحته لا غير ^_*

*************************

زبدة الجسم ،، 

حلو وحبيته بالاساس زبدات وكريمات بودي شوب لا يعلى عليه ،، وايد حلوين ،،،

*************************

ليفة الجسم ،، 

جربته وعجبني ،،، 

ختاما ،، اللي خاطرها تجرب هالمجموعه ،، انصحج تجربينه وبيعجبج 

ف نهاية التدوينة 

لا تنسوني من دعواتكم الطيبة ،،