طريقتي في استخدام الشيت ماسك

السلام عليكم ورحمة الله وبركاته

يسعد الله أوقاتكم بكل خير وبركة وطاعة الله تعالى 

" اللهم صل وسلم وبارك على نبينا وحبيبنا وشفيعنا محمدا عليه أفضل الصلاة وأزكى التسليم "

/

\

/

ومن زمان عن تدوينات العناية والتجارب ،، 

واليوم بخبركم في هالتدوينة 

 عن طريقتي في استخدام الشيت ماسك 

انـــآ وحده عشقي الشيت ماسك .. وايد وايد أحب استخدمهم

وصرت كل ما أشوفه جدامي امشي واخذلي كمية واخليهم معاي ..

كل ماسك له فوايد .. يمكن ما بتحسون في فوايدة الا اذا جربتوه كم مرة ..

وتحصلون بعض من تجاربي وفوايد الشيت ماسك بحسابي في الانستا 

في هاش تاق #غيوم_الشيت_ماسك

وفي هالتدوينة بخبركم بطريقتي البسيطة في استخدام الشيت ماسك ،،

أول شي اغسل ويهي بغسول يناسب بشرتي ،،

 بين فترة وفترة اغير الغسول

عشان بشرتي ما تتعود على نوعيه معينه ،، بالاساس كل ما غيرتو الغسول تحسون بشرتكم غير 

هالمرة استخدمت غسول الشاي الأخضر من بودي شوب ..

والغسول على ويهيي استخدم جهاز ‏Inshimanjia إنشيمانجيا 

من فوايد هالجهاز وسبق وخبرتكم عنه في بوست 

في الانستا انه يساعد على تنشيط وتحفيز خلايا البشرة 

الخطوة الثانية هو التقشير ،، تقشير بشرة الويهه أحب أستخدم مقشر سانت إيفرز

ودايما أخبركم عنه من المقشرات المفضله معاي 

والمقشر على ويهيي 

استخدم فرشاة التقشير ،، 

عشان يساعد بشرتي على التقشير وازالة 

الجلد الميت ويهيئة بشرتي في استخدام الماسك المرطب

من أغسل ويهي ،، أستخدم التونر ،، التونر أعامله معامله الغسول كل مرة اغير 

فوايد التونر أنه يساعد على تسكير المسامات وخاصه

أني أنا استخدمت المقشر فـ لازم أسوي هالخطوة 

ليش أستخدم التونر قبل الشيت ماسك ... لان مثل ما تعرفون ان الشيت ماسك عبارة

عن ماسك مرطب للبشرة وفيه كمية سيروم يساعد على ترطيب البشرة ويعطية حيوية 

عشان كذا أستخدم التونر ..

عقب استخدم الشيت ماسك 

واخليه على بشرتي لمدة  10 الى 15 دقيقة  على حسب مودي ..

دايما أحب استخدم هالرول

 مع الشيت ماسك عشان يوزع السيروم لكامل ويهي 

طريقة جدا بسيطة بس مع الاستمرار بتشوفون بشرتكم  غير 

ختاما

أتمنى اني وفقت في طرح هالتدوينة

أشوفكم في تدوينة يديدة بأذن الله تعالى 

ولا تنسون 

" سبحان الله وبحمده ،، سبحان الله العظيم "

ولا تنسوني من دعواتكم الطيبة 

فمان الله