حكاية : أتمنى أن تركض الأقدار السعيدة في طريقي

السلام عليكم ورحمة الله وبركاته

يسعد الله أوقاتكم بكل خير وبركة وطاعة الله تعالى

" بسم الله الذي لا يضر مع أسمه شي في الأرض ولا في السماء وهو السميع العليم "

" اللهم صل وسلم وبارك على نبينا وحبيبنا وشفيعنا محمدا عليه أفضل الصلاة وأزكى التسليم

ويا مرحبابكم والله في حكاية يديدة من حكاياتي

أنا وايد وايد أحب الذكريات .. وأحب أصور ولي ولاء حق الصور والذكريات الجميلة ..

لان مهما مر الأيام والشهور والسنين بيبقى كل شي ذكرى ومر 

ف ( الحمدلله والشكر لله على كل حال من الأحوال .. الحمد والشكر في السراء والضراء )

والحينه خلوني ابدا مع حكاياتي ...

(1)

أنا وحده وايد أحب الغيوم وغروب الشمس وين اذا اجتمعو مع بعض ،،

سبحانه الخالق اللي أبدع في خلق السماء والأرض

سبحانك ربي ما أعظمك 

(2)

تعرفون الطلعات السريعه اللي بدون تخطيط يكون أحلى 

هالطلعه كانت سريعه بشكل ما تتصورونه

كنت يالسه في حال سبيلي ..

أقلب تلفوني 

فجاه أشوف مسج من عند رفيقة دربي 

فاضيه .. 

أنـــآ : هيه فاضيه شو عندج

هيه : مريني نطلع شوي

أنـــآ : ما يخلصني 

هيه : تحن علي قومي نطلع بس لا تكشخين بس بعبايتنا

أنـــآ : أوكي يالله عطيني 10 دقايق وانا عندج

وطلعنا وغير جو وجربنا ايس كريم الهبه ..

والحينه من شهر أحن عليها نطلع وما معطتني سالفه لووووول

(3) 

هالايس كريم جربته في كوتشي وايد حلو 

(4)

صورة على الطاير .. لـ KFC الهند ،، في ناس يحبونه وطرو على بالي وصورت هالصورة

(5)

عاد تعرفون متى اخر مرة رحت القرية العالمية

قبل كرونا .. نهاية 2019 

اشكثر خاطري اروح القرية وان شاء الله هالسنة اسير له اذا شاء الله تعالى 

هالصورة وايد حابته  عدلته ب برنامج لايت روم ( القرية العالمية )

(6)

يا مكثر ذكريات قبل كرونا .. صدق كرونا ما خلانا في حالنا

هالعشاء كان اخر عشى اتعشى فيه فالعين ( البوادي مول ) صج ذكريات حلوة

واحتفظته في لابي والحينه انزله في مدونتي 

ختاما

أشوفكم في حكاية يديدة من حكاياتي ..

أستودعتكم الله الذي لا تضيع ودائعه

ولا تنسون 

" سبحان الله وبحمده ، سبحان الله العظيم "

فمان الله