طريقة عمل الجليتر على الأشكال

 

أهلا أهلا .. بكل المتابعات في كل مكان
وربي يسعدكم يا رب في كل وقت وساعه
" اللهم صل وسلم على رسول الله "
تعرفون هالفترة صاير عندي هوسه في  ( DIY ) ،، احس عمري هالسنة وايد أشياء سويتها ،، ومن ضمن الأشياء اللي سويته .. وبعلمكم أياه في هالتدوينة .. ثيم بالجليتر .
التدوينة بقسمه لقسمين
أول قسم ( طريقة عمل الجليتر على الأشكال ) .
اللي بنحتاج لتطبيق 

 

 

مقص
وايت جلو
فرشاءه
عصى صغير
جليتر
أي شكل تبغون تطبقون عليه أنـــآآ أخترت هالشكل ..

هذا نموذج من الأشكـــآآل اللي جمعته لكم 

لتحميل الأشكال (من هنـــآآآ )

والحينة خلونـــآآ نبدء بالطريقة ..

1- نطبع الشكل اللي أخترناه وبنطبق عليه الجليتر.
2- نقص الشكل .

هذا هو الشكل اللي قصناه وجهزنــآه لتطبيق الجليتر عليه ^_^

 

 

3- الحينه بنجيب طاسه صغيره أو حتى ورقة بس يكون الورق مقوى ونحط الوايت جلو في الطاسه وباستخدام الفرشاءه نوزع اللزق على كامل الشكل بس لازم نركز يوم نحط اللزق .. عشان ما ترجعون مرة ثانية وتسون اللزق 

 

( أنـــآ لاني يالسه أعلمكم الطريقة على السناب شات ما ركزت فرجعت مرة ثانية وثالثه اسوي اللزق على الجليتر .. لين ما وصلت للشكل اللي ابغيه ) عشان كذا أقولكم ركزو في هالنقطة .

 

 
4- من بعد ما حطينــآآ اللزق نرش الجليتر على الورق رشه مليانه شووي ^_^
(1)

 

(2)

 

شوفو هذا هو الجليتر اللي وصلت له ومــآ كنت مركزه وايد على اللزق .

وهذا الجليتر بعد مـــآ رجعت وسويت اللزق والجليتر مرة ثانية .

 

5- الحينه نثبت العصى باستخدام اللزق الوايت جلو على الورق باستخدام الفرشاه ،، ولازم تسونه شووي ما تكثرون من اللزق عشان ما يتعفس الورق .

الحينة انبهت اني ما صورت خطوات تثبيت العصى .. هذا هو الشكل النهائي بعد تغليف الهدية وخلينا عليه الثيم .. القسم الثاني بخلي لكم طريقة تغليف الهدية ان شاء الله تعالى 

 

وفي نهايه التدوينة
استودعتكم الله الذي لا تضيع ودائعه
" سبحان الله وبحمده ،، سبحان الله العظيم "
فمـــآآن الله
وأشوفكم على خير