بلانرز لا تنسين واشلون اطلقت البلانرز

 السلام عليكم ورحمة الله وبركاته

يسعد الله أوقاتكم بكل خير وبركة وطاعة الله تعالى

" اللهم صل وسلم على نبينا محمدا عليه أفضل الصلاة وأزكى التسليم "

" بسم الله الذي لا يضر مع أسمه شي في الأرض ولا في السماء وهو السميع العليم "

اهلا وسهلا بمتابعاتي الجميلات اللي يتابعوني من خلف هالشاشة ...

تدوينة اليوم بيكون شوية فضفضة واشلون وصلت الى البلانرز اللي صممته وسويته بايدي

اعتبره انجاز بالنسبة لي ...

الفكرة بصراحه من زمااان زمااان في بالي .. أني اسوي بلانرز ويكون هاند ميد

وايد صادفني مشاكل وتعرقلت مب في التصميم ولا الطباعة 

التعرقله صارت اشلون اثبت الورق .. محاولة مع محاولة 

الحمدلله رب العالمين عرفت اشلون يتم تثبيت الورق .. 

الفكرة ياني من زمان زمان تقريبا سنة أو أقل .. أني اصمم بلانرز وسميته بلانرز لا تنسين

الحق والحق يقال ... اغلبنا يذبحنا النسيان ... احيانا يكون في بالي شغله وفجاة القي نفسي ما مسوتنه

بحجة اوه نسيت ... كنت اكتب اللي ابي اسويه خلال اليوم في الدفتر 

اوردي الدفتر يكون مسكر ومخلتنه في الرف ما افتحه الا قريب ينتهي اليوم او اليوم الثاني ...

قمت كنست الفكرة وصرت بس اكتب الاشياء اللي ابي اسويها خلال الشهر ...

وعقب اخذت نوت وطبعت استيكر To do List وتميت الصقة في الورقة واكتب الاشياء اللي ابي اسويها

خلال اليوم بالفعل كنت انجز كل الاشياء اللي ابي اسويها خلال يومي 

وعاد تعرفون نحن البنات ما نحب اي شي لازم نكون كشوخين شوي هاهاها ويى هالفكرة في بالي 

في يوم من الأيام يالسه وماسكة ورقتي وصممت ديزاين البلانرز بغيت التصميم يكون جدا بسيط والوانه يكون

حلوة وفاتحه ... والارقام فكرت فيها بالعربي 

وهذا هو تصميمي اللي صممته في الورقة 

تاريخ تصميم البلانرز .. صدق اعتبره انجاز ،، انجاز بالنسبة لي في هذاك الفترة ...

ومن هنا اطلقت البلانرز لا تنسين ...

التصميم النهائي للبلانرز

التدوينة عبارة عن فضفضة اشلون اطلقت البلانرز لا تنسين ... 

يسرني متابعتكم لي على السناب شـــآآآت

ختاما ..

لا تنسوني من دعواتكم الطيبة ..

فمان الله