حنــى قلبـــي للتــلاقي ... بعض من تصويري وذكريات مكة 2022

 

السلام عليكم ورحمة الله وبركاته

يسعد الله أوقاتكم بكل خير وبركة وطاعه الله تعالى 

" اللهم صل وسلم وبارك على نبينا وحبيبنا وشفيعنا محمدا عليه أفضل الصلاة وأزكى التسليم "

ويا مرحبابكم مع تدوينه يديدة من تدويناتي 

يا مسرع الايام ... صارلي سنتين تقريبا رايحة العمرة واشكثر خاطري ارجع واروح العمرة

باذن الله تعالى الله ايسر لي ويرزقني بعمرة قريبة بحول من عنده والرزق بيده

يا رب يا كريم ( أرزقني بعمرة قريبة وأرزق كل من تمنى بعمرة لبيتك الطاهر )

المهــم باخذ لكم بلفة سريعه وذكريات لـ مكة ،، 

سفرتنــا كان عن طريق مطار دبي بطيـران ناس 

أهم شي عندي في الطيارة وخاصه اذا رحلة النهار لازم أروق بشـــاي أحمر مع حلاوة خاصه ع السماء وتشوفيني السحب

سبحان الله الخلاق العظيم ( الحمدلله على هذه النعمه الله يديمها يا رب العالمين )

هالمرة روقت بـ حلاوة أخوي كان يايبنه حقي من تركيــا من احب الحلويات عندي

الفندق اللي سكنا فيه هالمرة كان موفنبيك في أبراج الساعه

صور من مكة الجملية .. صور يعيد الروح وشتات قلبي 

يا رب يسر أمري وأرزقني بعمرة قريبة يا كريم يا رحيم 

اطاله غرفتنا 

الشنطة اللي سويته معاكم ع السناب شات اخذته معاي احط في سجاتي واغراضي لاني ما اشل شنطة هاند باق أكتفي بـ هذا اروح الحرم وارجع وخفيف مرة 

عادات وتقاليد لازم غدانا يكون من ريدان

ريوقي في يوم من الايام ما صورت صورة أحترافي لان اليوم اللي قلت بصور فيه كان زحمه ( على حظي يعني )

طلبنا هالوجبه من المطار وشليناه ويانا فالطيارة 

اذكر اني هبيت ع هالبسكوت وانا ف مكة 

مقتطفات من سناب شات 

وهذا هو بعض من ذكريات مكة 

وربي يرزقني بعمرة قريبة في القريب العاجل 

قبل الختام 

لا تنسون والدي من دعواتكم الطيبة

( الله يرحمه ويغفرله يا رب العالمين ،، الله يصبر قلبي على فراقه ويجمعني معاه في الفردوس الاعلى من الجنه بغير حساب ولا سابق عذاب )

يسرني متابعتكم لي على السناب شـــآآآت

ختـــآما

سبحان الله وبحمده ،،

سبحان الله العظيم