تجربتي مع الصابون الأفريقي ومقشر مورينغا مع عرقسوس

السلام عليكم ورحمة الله وبركاته

يسعد الله أوقاتكم بكل حب ورضى وطاعة الله تعالى

" اللهم صل وسلم وبارك على نبينا وحبيبنا وشفيعنا محمدا عليه أفضل الصلاة وأزكى التسليم "

ومن زمان عن تدوينة التجارب 

صدق صدق صدق اشتقت حق مثل هالتدوينات

أخبركم بتجاربي مع المنتجات وشنو جربت

سبحان الله كثر ما مصورة مدري ليش كذا متكاسلة ويمكن بعد ما صار عندي وقت نفس قبل 

يالله ان شاء الله بين فترة وفترة انزلكم تجاربي مع المنتجات

في النهاية ما ابغي منكم غير دعوة صادقة بان الله ايسر اموري 

الموهم يالله خلونا نبدا مع هالتدوينة وبخبركم عن تجربتي مع الصابون الأفريقي 

هالمنتجات كلهم خذيته من القرية العالمية وجربتهم كلهم وكل المنتجات حلوة بمعنى الكلمة

المجموعه اللي انا اخذته نفس اللي مبين في الصورة 

أخذت الصابون الافريقي واخترت معاه مقشر مورينغا مع عرقسوس والكريم اللي اخذته باللبان والعلبة الصغيرة عطتني الموظفة عشان اجرب الكريم باللبان العماني

والحينه بخبركم مع تجاربي معاهم 

الصابون الافريقي

الصابون الافريقي ،،، من الصوابين اللي انضحكم فيه وايد وايد حلو ينظف الجسم من قلب والحلو اللي فيه ما يجفف البشرة يخلي البشرة ناعمه انا اهني اخذت الصابون بالصبار والليمون وايد عجبني 

مقشر مورينغا مع عرقسوس 

مقشر مورينغا مع عرقسوس ،،، هالمقشر بعد وايد حبيته هو عبارة عن سكر وفيه كريمات مدري كيف اشرح لكم المقشر وايد عجبني اول مرة احب مقشر السكر نفس هذا بالفعل يستحق التجربة 

وهذا الكريم اللي اخترته من القرية الافريقية 

الكريم حلو ما سيئة بس ما عجبني شي فيه ان فيه لون هالشي اللي مع عجبني فيه بس كـ ترطيب وايد حلو وريحة الكريم يشبة ريحة اللبان ( لبان الطيبين اذا تعرفونه ) والتستر اللي عطتني اياه حلو وريحته حلوة 

ختاما ،،

لا تنسوني من دعواتكم الطيبة ولا تنسون ابوي حبيبي من دعواتكم الطيبة 

(( الله يرحمه ويغفرله )) 

اللهم اغفر لأبوي وارحمه، وعافه واعف عنه، وأكرم نزله، ووسع مدخله، واغسله بالماء والثلج والبرد، ونقه من الخطايا كما ينقى الثوب الأبيض من الدنس، وأبدله دارا خيرا من داره، وأهلا خيرا من أهله، وزوجا خيرا من زوجه، وأدخله الجنة، وأعذه من عذاب القبر، ومن عذاب النار وأرزقه الجنة بغير حساب يا رب العالمين 

ولا تنسوني من دعواتكم الطيبة

وضيفوني سناب دايما انزل مواضيع حلوة وخفيفة وشويه من يومياتي البسيطة

سبحان الله وبحمده

سبحان الله العظيم

فمان الله