Different between dream fresh BB in light and dream pure BB™ in light

السلام عليكم ورحمه الله وبركاته

يسعد الله متابعيني بكل خير وبركه وطاعه الله تعالى

والله يسعد ايامكم باخبار تفرحون بهــآآ

تدوينتي اليووم حبيت يكون عن المكيــآآج }  بادية اصير احبه لووول {

بمــآآ أني مجربة 2 من بي بي كريم من ميبلين .. حبيت اكتب لكم المقارنه بينهم وتجربتي معاهم ...

اول نقطه ابي اتكلم عنه .. قبل ما ابدي هالتدوينه ،، ابي كل وحده قبل ما تبدي تقرا هالتدوينه تحدد نوع 

بشرتهــآآ .. لانج اذا حددتي نوع بشرتج بتعرفي شو اللي ينفعج وشو اللي ما ينفعج من بي بي كريم سوى من ماركه ميبلين او غيرهــــآآآ

تنقسم انواع البشرة الـــى :

 عادية | Normal

جافة | Dry

دهنية | Oily
      مُختلطة | Combination
      حساسة | Sensitive

من هالصورة تقدرين تحددين نوع بشرتج

·         أنـــآآ نوع بشرتي مختلطة ،، وهالايــآآم اشوووفه منقلب دهني }  ^_^{

وبعد ما حددتي نوع بشرتج .. وقبل ما تشتري بي بي كريم واذا كان نوع بشرتج دهنيه او مختلطة لازم 

تتاكدين من هالكلمـــآآت على بي بي كريم

Oil obsorbing

Oil free

Matifying

Shine free

على فكرة أنــآآ حالي من حال أي بنت تقريبــآآ .. اشتري ومــآآ أعرف اذا هالبي بي كريم يناسبني ويناسب 

بشرتي أو لا .. بس اختياري لـ هذا بي بي كريم كــآآن موفق والحمدلله على الرغم اني مــآآ كنت لازم اعرف

 هالكلمــآآت والحينه اكتشفته وقلت اعلمكم عشان مــآآ تشترون كل مرة بي بي كريم وما يناسبكم .. ومن

 شفت بي بي كريم ميبلين اللي انــآآ استخدمته بالفعل حصلت هالكلمــآآت

الحينه انيي للمقارنة بين كريم بي بي DREAM FRESH BB IN LIGHT  و بي بي كريم DREAM PURE BB™ IN LIGHT

اللي هو بي بي كريم الوردي وبي بي كريم الازرق بالمختصر المفيد لكم }  لوووووول {

·         كريم بي بي  DREAM FRESH BB IN LIGHT

}  سوري مــآ صورته وحده .. يالسه اعدل الصور انتبهت اني مــآ مصورتنه من جدام ^_* .. فالصورة فوق بينت لكم أي نوع اقصد فيه اللي هو اللون الوردي  {

في هالبي بي كريم حصلت على كلمة  

   Oil free

هالكريم يغطي شوائب البشره ويخفي عيوبها .. ويغطيها بطبقه خفيفه و مناسبه .. هالكريم يحتوي على 8 فوائد للبشره منها :

❀ يغطي شوائب البشرة

❀ يفتح لون البشره

❀ يوحد لون البشره

❀ ينعم بشرة الوجه

❀ يرطبها

❀ يعالج البشره من الشوائب

❀ يحمي البشره من أشعه الشمس

❀ يخفض نسبة ظهور الدهون على البشره الى صفر بالمئه

تجربتي مع هـ بي بي كريم :

هــذا اول بي بي كريم استخدمته ،، حبيته يعطي لوك طبيعي مــآ كــآنج حاطه شي ، اختــآري الدرجة اللي

 يناسبج ، وبالفعل مــآ حسيت ان ويهي يدهن من بعد استخدامه لســآعــآآت  . وفي نسبه من واقي

 الشمس .

·         كريم بي بي DREAM PURE BB™ IN LIGHT

و هالبي بي كريم بعد حصلت على كلمه 

    Oil free

هـ بي بي كريم يساعد على الحد من ظهور الشوائب في تنفية بشرة الوجه ويحتوي على 2% من حمض 

الساليسيليك .. يمكن استخدامه بشكل يومي وهالكريم مناسب للبشره المختلطة والأكثر عرضه لظهور الشوائب وهـ بي بي كريم ما يختصر على اخفاء الشوائب بل يعالج البشرة عشان تحصلين على بشرة صافيه ونقيه وهــ الكريم يحتوي على 8 فوائد منها :

❀ يعالج حب الشباب

❀ يخفي شوائب البشرة

❀ يصغر مسام البشرة

❀ يخفف من ظهور احمرار البشرة

❀ يوحد لون البشرة

❀ يرطب البشرة وينعمها

❀ تركيبته الخالية من الزيوت تجعله خفيفا على بشرة الوجه

تجربتي مع هـ بي بي كريم :

حبيت استخدامه ،، واول ما استخدمته حسيت بشرتي غير }  اللي مجربه هـ بي بي كريم بتفهم شــو أقصد

{  احب استخدم اول شي برايمر عقب استخدم هالبي بي .. عشــآآن اللي لاحظته اذا خليتيه فترة يبدء 

الوجه يدهن هالشي اللي مــآ حبيت فيه والبرايمر يخفف من الدهون في الوجه عشــآن كذا استخدمته قبل

 مــآ استخدم هالبي بي كريم .. يعطي جلوك طبيعي ويخفف من شوائب البشرة اللي تحسين فيهــآآ بين 

فترة واخرى .

اتمنى وفقت في طرح هالتدوينه الخفيفه

ولا تنسونــآآ من دعواتكم

لا تنسون ذكر الله 

{ سبحان الله والحمدلله ولا إله إلا الله والله أكبر } 

{ اللهم صَل وسلم على رسول الله }

{ اللهم لك الحمد والشكر على كل النعم الذي أنعمها الله علينا وعلى عباده الصالحين } 

ونلتقي في تدوينه يديدة اذا شاء الله تعالى

وهمسه لهواه النقل .. اني ما اسمح بنقل الموضوع بدون ذكر المصدر

تدوينه bent aldyra

استودعتكم الله الذي لا تضيع ودائعه

فمــآآن الله