العنايه بالبشرة + خلطات طبيعيه

السلام عليكم ورحمه الله وبركاته

ويــآ هــلــآآ ومرحبــآآ بكل متابعيني ،،

شحــآلكم ،، وشنوو أخبــآركم ،، عســـآآكم مــآ تشكون بـــأس

تدوينتي اليووم حبيته يكــون عن بداية العنايه الشخصيه لكل بنت .. لكل بنت مهمله نفسهــآ ،، وقبل مــآ أبدي واتطرق فـ طرح تدوينتي حبيت أهمس فـ أذن كل وحده تتابعني بـ هالهمسه ( اذا حبيتي روحج بتهتمين بنفسج ) لا تنتظرين أنج تتزوجين .. عشان تبدي عنايه .. وتبدي تهتمي بروحج ،،، ابدي اهتمي بروحج عشانج أنتي كـ بنت ...

عالم العنايه بشكل عام ما يبيلها شي بس يبيلها انج تعودين روحج بـ العنايه صدقيني بعدين يوميــآآ بتسوين هالشي بشكل روتيني ..

والشي الثاني لا تتعبي روحج كل يوم خلطات كل يوم مقشرات ترى الجسم يحتاج انه يرتاح انتي بنفسج اذا كررتي هالشي يوميا بتملين .. خصصي لج يومين أو 3 أيام في الاسبوع تهتمين بروحج عشان ما تملين .. ولا تكثري من الخلطات ترى خلطه ورى خلطه ما بيبين لـج أي نتيجه ..

الخلطات الطبيعيه يبيلها صبر لان مستحيل يبين لج أي نتيجه بين يوم وليله .. يبيله مده عشان كذا أقول لكم لا تنتظرون أنكم تعرسون عشان تهتمون بروحكم ..

خلااص أنتي فكرتي انج تهتمين بروحج يبي لج ورقة وقلم شوفي شو تحتاجين من الخلطات الطبيعيه بحاول بموضوعي هذا اتفرع بـ خلطات جربتها أو من النت وتكون طبيعيه عشان البنات يستفيدون من هالموضوع أكثر ..

والشي الثاني بحاول أكتب لكم مشاكل البشرة وطرق علاجهــآ .. والعنايه بالويهه بكتب لكم تدوينه ثانية اذا شاء الله تعالى ..

بعد ما جيبتي ورقة وقلم وكتبتي المشاكل اللي تعاني منهــآ .. الحينه أنــآ بكتب لكم مشاكل البشرة وطرق العنايه بيها وبخليها بالصورة عشان الاستفاده يكون أكثر واذا في خلطه حلوه ومجربتنها بخليه لكم

أول مشكله اللي الاغلبيه يعاني منهــآ اسمرار الابط .. اسمرار الابط يكون من الديورنت اللي نستخدمه او عدم ازاله الشعر الزائد ..

العنايه بالابط :

اسكينول + قطن .. كل يوم امسحي منطقة الابط وشوفي الاوساخ اللي يتجمع فـ هالمنطقة ومع الاستمرار بتلاحظين بالفرق ..

اذا كنتي يالسه فـ البيتبدل ما تستخدمي ديورنت استخدمي زيت الجلسرين كبديل للديورنت .. ولا تنسي شلي المنطقة بالحلاوة بين فترة وفترة ..

ومن الخلطات الطبيعيه للابط هو الليمون والنشا .. يمسح المنطقة بالليمون وبعدين خلي شوي نشا وانتظري على الاقل 5 دقايق

اسمرار الركب ..

اسمرار الركب اكثر شي يكون بسبب الاحتكاك .. اهم شي لـ هالمنظقة هــو الترطيب ..

ومن الخلطات الطبيعيه اللي ممكن تستخدمينه لـ هالمنطقة قهوة + ليموون تستخدمينه على الاقل 3 شهــور ...

وفي خلطه ثانيه بعد عباره عن

شوفان و بيكنج صودا وسكر وزيت زيتون >>>  عباره عن ملقعه واحده

ونص ليمونه

نخلط كل المكونــآت مع بعضهــآآ ونفرك بيهــآ الركب بحركة دائرية لمــده 10 دقايق .. عــآدي تستخدمين هالخلطه للابط والاكواع .. بعد هالخلطه لا تنسين الترطيب ويفضل يكون بزبده الشيا لان ترطيبه عالي أو زيت الجلسرين ...

المنطقة الحساسه والسواد اللي ينتج في هالمنطقة والحكه اللي ممكن يصادفج

السواد في هالمنطقة ينتج بسبب الاحتكاك والرطوبه وعدم تعرض هالمنطقة للتهويه .. ويفضل تلبسين شورت احسن لج ... وامسحي يوم وترك بـ اسكينول >> بس أنـــآآ استخدمه يوميـــآآ ولا تنسين استخدمي الغسول المناسب لـ هالمنطقه وحلق هالمنطقة دائمـــآآ .. أفضل موس تستخدمينه هــوو موس فينس عشان فيه قطعه نفس الجل يسهل لج الشل وينعم لج المنطقة ...

والغسول ما بحدد أي غسول .. لان كل وحده واللي يناسب لهــآ من غسول والغسول مثال غسول كيوف وفيم فرش و سامبيد ..

ولا تنسين بعد الدورة الشهريه البسي الفوط اليوميه لان ممكن يصاحبج افرازات بعد الدورة أو قبل الدورة

هالصورة مجموعه غسول وفوط يوميه ومناديل من كيرف ( كــآن فـ خاطري أحصل صورة أوضح من كذا مــآ حصلت )

ولا تنسن الترطيب للمنطقة يوميــآآ .. تقدرين تستخدمين كريم سودو أو كريم سيباميد للاطفــآل

وكتبت تجربتي هنـــآآآ

الحينه بقولكم لازم تسون هالاشياء وعودو نفسكم عليه .. صدقوني بتحسون روحكم غير .. وبتحبين نفسج أكثر و أكثر ..

أول شي تقشير الجسم مرة أو مرتين فالاسبوع لا تكثرين منه .. من المقشرات الحلوة والجاهزة اللي ممكن تستخدومه هو مقشر كريم كــآب أو مقشر سانت ايفز

ومن المقشرات الحلوة وتسوينه وحدج وكتبت عنه في منتدى عروس وهذا الرابط

وأنــآ يالسه ابي اطلع تجربتي لقيت هالرابط .. قلت بخليه عشان البنات يستفيدون أكثر

فهرس للمواضيع المتميزة و الممهمة في العناية و تجارب العضوات الشخصية

ثاني شي من بعد التقشير الجسم هو الترطيب ... الترطيب مهم كل يوم لازم ترطبين نفسج من بعد الاستحمام ... من احلى المرطبات مرطب جونسن وفازلين الوردي .. في كذا أنواع من المرطبات متوفرة في أي سوبر ماركت شوفي اللي يناسبج وابدي استخدمية

واخر شي .. تعطير الجسم .. تعطير الجسم من أهم الاشياء بالنسبه لي .. تقدرين تاخذين معطرات الجسم من مكياجي أو بودي شوب أو باث أنــآ بودي

خصصي يوم فالاسبوع .. دلعي نفسج استخدمي المجموعه كامله من شاور جل وكريم ومعطر الجسم والعطر ..

حـــآولت كثر مـــآ أقدر أقتصر الموضوع .. عشان تفهمون أكثر

هالموضوع طبعــآ أهداء لوحده >> تعرف نفسهـــآآ ( لووول ) سالتني سوال وقلت لهــآ بسوي لج تدوينه اشرح لج كل شي ..

اتمنى وفقت فـ طرح هالتدوينة

" سبحان الله وبحمده "

فمـــآآن الله

 أ