مشتريـــآت وشوية سوالف

السلام عليكم ورحمة الله وبركاته

ويسعد الله أوقاتكم بكل خير

" اللهم صل وسلم على رسول الله "

@ بسم الله الذي لا يضر مع أسمه شي في الارض ولا في السماء وهو السميع العليم @

الحمدلله الذي رزقتني كل هذا من غير حول مني ولا قوة ( الحمدلله)

 ويــآ هلـــآ ومرحبــــآآ
مدري شو من الكسل اللي فيني هالأيـــآم ،، هالتدوينة المفروض أنزله قبل العيد ( لان بالاساس التدوينة عبارة عن مشترياتي اللي ماخذتنه للعيد والحمدلله على كل حال من الأحول ... وخبرتكم بالسناب اني ما قدرت أنزله لكم بسبب النت اللي تم يفصل عندنـــآ خـــآصه فترة العيد ... وغيرت التدوينة الى مشتريـــآت وشوية سوالف ...
أول شي حابة أقول لكم أني صرت وحده كسوله فجاه فجاه فجاه لووول بس خاطري أنــــآم وأسهر الليالي على مسلسل يالسه أتابعه هالفترة ... بس كذا فجاه بدون مقدومـــآت أنــــآ بالاساس مودرة شي أسمه أتـــآبع مسلسلات مدري ليش رجعت فجاه كذا أشوف مسلسلات يمكن من الملل والطفش .. على الرغم أن وايد أهداف في بالي بس مدري ليش مخلتنه في قائمة التــآجيل .... مدري لين متى بتم على هالحال .. على الرغم ان حالتي مـــآ عـــآجبني .. بس أن شاء الله فترة وبتعدي ان شاء الله على خير .. وبودر هالاشياء اللي أبي أتخلص منه وبيلس أتقن اهدافي وطموحاتي للاحسن والافضل باذن الله تعالى ...
يالله الحينة خلونـــآ ندردش شوووي في موضوع المشتريات .. 

#اللهم لك الحمد والشكر

أنـــآ من النوعية اللي أحب أشتري اللي ناقصني واللي أبغيه للعيد قبل العيد بفترة عشان أتجنب أني أروح السوق في رمضان اللي في وقت الضرورة لمشتريات البيت أكثر شي أطلع للسوق .. واذا أطلع ماحب أطلع الا وقت الظهر فقط .
هالسنة يوم قررت أروح وأشتري اللي أحتاجه صادفني التنزيلات والعروض في المول يعني ياب لي شغلات بنفس السعر هالشي كـــآن حلووو ... وأخترت أني أروح وحدي عشان أخذ راحتي أكثر .
طبعا هالسنة ما أشتريت لي أكسسورات لاني طلبتهم أون لاين ،، والمكياج بس أخذت اللي أحتاجه وناقصني بس أكثر شي تركيزي كان لمنتجات البشرة ،، حتى الشوزات كذا ماخذتنه ،،
ونيي للعطور طبعا ما طلعت إلا عطر واحد فقط لاني كنت شارية عطورات في وقت قصير ومن غير العطورات اللي وصلني هدايا .. ما أخذت لي أي عطر يكفي اللي عندي في الوقت الحالي ( الحمدلله ).

أخذت لي مجموعه sweet Pea  ،، من باث اند بودي وركس .. مدري ليش زيدو أسعارهم يعني الشاور جل قبل كنت أخذه ب 60 درهم الحينه ب 65 درهم ... لكل منتجاتهم مزيدين 5 دراهم ،، بس المجموعه هذي أخذته في وقت عرض عندهم تشترين 2 تحصلين 2 مجانا يعني ببلاش استغليت الوقت بصراحه والعرض كان حلو ،، والاسبوع اللي بعده غيروه عرضهم الحمدلله لحقت على هالعرض ،،،

 

 

ولاني أحب أشتري واجرب الشاور جل أخذت هالاثنين من سنتر بوينت وكان في تنزيلات الوحده ب 1.500 ريال ،، المجموعه بعدني ما تاقلمت واقرا عنه وبعدني ما جربته من بجربه أكيد بخبركم عنه أكثر ...

ومنتجات سوب اند قلوري ،،، على الرغم ان من زمان أسمع عنه بس ما جاني وجربته بس هالمرة مدري شو ياني وقلت خليني أجرب وبالفعل جربت واحد منهم طلع شي رهيييب وااايد ،، والفترة اللي أخذته كان في عرض تشترين واحد وتاخذين الثاني مجانا .

 

والمكياج اللي ناقصني كـــــآن مسكرة وبودره ،، والفرش طبعا كـــآن من مشتريات دبي ،، اللي تتابعني في السناب بتعرف عنه لان المجموعه صغيرة وحلوة للسفر ،، واللي على اليمين هذا مناديل اللي يجفف دهون الويهه طلبته اون لاين من موقع Ebay ،، هالمناديل حلوة للي بشرتهم دهنينه وتدهن ويهاا بسرعه من بعد المكياج . بكتب لكم عنه بوست باذن الله تعالى على الانستغرام وبخلي لكم الرابط في موضوع ثاني ناوية أعرضه قريب باذن الله تعالى على المدونة .

 

العطر هذا ،، هديه فتحته وشميت ريحته ،، وعجبني وقلت هذا بخليه لعطر العيد ،، العطر أسمه مسك وروز ،، من أحمد مغربي ،، صايرة وايد أحب ريحه المسك ،، وعطورات أحمد مغربي صاير من مفضلاتي في الفترة الاخيرة.

 

نيي على الشوز ،، وبما أن بدله العيد باللون البني فشفت اللون البيج حلو على البني ،، وقررت البسه مع ملابس العيد ( على فكرة أنــآ اشتري الشوز كذا ويوم المناسبة أفكر بالتنسيق لوووول ) ومن غير كذا هالسنة أحس روحي وايد مايلة للكعب ،، وأحب البس الكعب أحس بانوثتي أكثر لوووول 

أحب الشموع وضوء الشموع وهدوء الشموع (لووووول تحمست شوي ) .. أحب أغير الشموع سنويا وهالسنة أخذ  هالشمع من هوم سنتر ...

 

ومـــآ أنسى شوز البيت ،، مالي غنى عنه هالشوز ربيعتي يايبته حقي هديه من تايلند وقالت لي لبسية حق العيد لووول 

  

 والثاني أخذته من ماكس .. 

 

في ختام هالتدوينة لا تنسون ذكر الله

" سبحان الله وبحمده .. سبحان الله العظيم "

أشوفكم على خير

فمان الله