تصميمي ثيم للبلانر + تحميل السكرابز

 

السلام عليكم ورحمة الله وبركاته
يسعد الله أوقاتكم بكل خير وبركة وطاعه الله تعالى
( اللهم صل وسلم على رسول الله )
@ بسم الله الذي لا يضر مع أسمه شي في السماء ولا في الأرض وهو السمع العليم @

/
\
/
\
بديت بتطبيق البلانر لتنظيم وقتي في شهر 3/2017 ،،، بكتب لكم باذن الله تعالى تدوينة كامله ومكملة عن البلانر قريب عشان تبدون وتنظمون وقتكم وتحطون اهدافكم وتطبقونه ... وبكتب لكم تجربتي الحلوة مع البلانر وشو الاشياء اللي سويته ..
قبل شهر أو أقل قررت اسويلي ثيم للبلانر .. صديقاتي على السناب جات شافو طريقتي في أني صممت الثيم وزينته .. البلانر اللي أنا استخدمه حاليا انــآ مسوتنه .. فالبداية أستخدمت بلانرات جاهزة بس بعدين غيرت شوي منه .. شكلي بدخل في موضوع البلانر ونسيت موضوعي لووول
\
/
\
/
خلونــآآ في موضوعنــــآآ اللي هو تصميم ثيم البلانر وتزيين البلانر
هذا دفتر البلانر اللي أستخدمه دفتر عــــآدي بس داخله ملي ببعض الأهداف والأفكار والكلمات الايجابية .. هالدفتر انــآ أعتبره شي ملكي أحب أتصفحه دووووم وأشوف أنــآ وين وصلت ... 

ومن زمـــآن أبي أزيينه بس مـــآ كــــآن في بالي شي معين ،، عشان كذا أجلت التزيين ،، ويوم قررت أني أزينه شاركت صديقاتي على السناب جــــآت بطريقتي وفكرتي فالتزيين ،، وبعد شاركتنه في التصميم ...
العبارة اللي عجبني وكلماته مرة جميله ان نعيش حياتنا بالطرق اللي نبغيها ونسعى الى أهدافنا وطموحنا بدون أي عاجر لان الايام بالفعل لا تعود .. أمس راح وولى خلونــآ نبدء يومنـــآآ بتحديد كل أهدافنا ونطمح لأهداف جديدة باذن الله تعالى
عشان كذا أخترت هالعبارة ( عيش حياتك وأبحث عن ما يسعدك فالأيام لا تعود )
\
/
\
/
هذا دفتري قبل ما ازيينه 

 

وقررت ازينه بجلاد جليتر ... هالجلاد صار عاجبني وايد أشياء سويته من هالجلاد لان وايد عاجبني من ضمن هالاشياء سويت لي بوكس عشان أحتفظ باغراضي من هالجلاد .. وزينت بوكس البسكوت وناوية بعدني على أني أغلف شي ما عاجبني هههههه  بشارككم الطريقة باذن الله تعالى ...
بعد ما غلفت الدفتر .. أخذت نص ورقة أيفور عشان أخذ قياس التصميم 

(1) .. ورقة أيفور

(2) .. تحديد القياس اللي أبغيه للتصميم

(3) .. بعد ماحددت شو القياس اللي أبغيه للتصميم

بعد ما أخذت القياس بقص الزواد اللي ما أحتاجة 

والحينة باخذ قياس التصميم بحساب الطول والعرض ب ( سم ) 

(1)

(2)

... وبعد ما أخلص من أخذ القياس بحوله الى البيكسل .. هالموضوع بيفيدكم في التحويل ( هنـــــآآآ )

والحينة نيي للسكرابز ..

فالبداية جمعت لي كم صورة عشان اشوف كيف أبغي التصميم 

 

وهذا مجموعه سكرابز جمعتهم لكم .. واللي حابه تحمل السكرابز ،، ( من هنـــآآ ) 

ورسيت على هالتصميم ^_^  ،، وأشكر كل وحده ردت علي وشجعتي وخبرتني رايهـــآآ بالتصميم

 

 اللي حابه تحمل التصميم ( من هنــــآآ ) .. 

ملاحظة مهمه وحبيت أني أنبه بيه 

 أني ما أسمح باستخدام التصميم بغرض البزنس بس تبغي حقج حلالج أمــآ لغرض ثاني ما أسمح 

بعد ما طبعته 

ولزقته على الدفتر ... وأضفت بعض من الجليتر كان عندي ( هالنقطة ما شاركت بيه صديقاتي في السناب لاني كنت محتارة شو أحطي وشو ما أحطي لووول ) 

(1)

(2)

وهذا هو بلاني اللطيف .. 

في نهاية هالتدينة

اتمنى أنكم أستمتعو معــــآآي 

وتابعوني على السناب جات : bentaldyra

والانستغرام : Bent_aldyra_blogger

" سبحان الله وبحمده "