عجبني وما عجبني ... مشتريات ebay + روابط

السلام عليكم ورحمة الله وبركاته
ويسعدكم ربي في كل وقت وساعه
" اللهم صل وسلم على رسول الله "


هالتدوينة حبيت أكتب لكم رايي عن مشترياتي الأخيرة من موقع ebay وتجاربي مع المنتجــــآآت اللي جربته وأخذته من الموقع + روابط الأغراض حق اللي تبغي تطلب منه
في موضوع سابق وكان أول موضوع لمشترياتي من ebay ،، اللي حابه تطل عليه من ( هنـــــآآ ) طبعا قلت لكم هناك أن جودة الاكسسورات جيدة بس للاسف من بعد الأستخدام طلع الجودة مب أوكي ولا أنصح حد يشتري اكسسورات من الموقع لان الجودة سيئة جدا
والحينة خلوني أخبركم عن مشترياتي الثانية + تجربتي

(1)

Oil Control film

 

عبارة عن مناديل ورقية تمسحين بيه ويهج وهو مدهن وينفع حيل للي بشرتها دهنية وخاصه اللي تتمكيج وويها يدهن أنصحهــآآ تستخدمه لان يسحب دهون الويهه ( رابط الموقع )

(2)

أكسسوار

 " قلادة فضيه " ،، على شكل ورقة ،، بصراحه الأكسسورات ما أنصحكم تشترونه لان ما عنده جودة ويخترب بسرعه ... ( رابط الموقع )


 

وهذا قلادة ثانية ذهبيه فكرته ينربط حول الرقبة وينزل منه سلسلة بيسطه هو حلو في اللبس .. بس مثل ما قلت لكم اكسسوراتهم ما عنده أي جودة .. وبسرعه يخترب ( رابط الموقع ) ..

(3)

فرشاة الويهه خبرتكم عنه على الانستــآ مرة قاسي على بشرة الويهه وشعيراته مرة خشنه ( رابط الموقع )

(4)

فريم باللون الأبيض
طلبته كتجربة لمشروعي بس للاسف جودته ما لذاك الزود *_* ( رابط الموقع )



ف ختام تدوينتي
لا تنسون ذكر الله
" سبحان الله وبحمده .. سبحان الله العظيم "
لا تنسون تابعوني على الانستغرام

وسناب شات
Bentaldyra
Will be see again in sha Allah in new post
Buy