مكياجي بيوم تخرجي

 

ويــآ هلــآآ ومرحبــآآ بكل المتابعات .. في كل مكان وزمــآن
( اللهم صل وسلم على رسول الله )
( بسم الله الذي لا يضر مع أسمه شي في الأرض ولا في السماء وهو السميع العليم )
/
\
/
\
والله أحلى مناسبة ياني هو مناسبة تخرجي عشان شوي أشتغل بكتابة التدوينـــآت وأودر الكسل اللي فيني .. لاني أبي أنزل لكم كم تدوينة عشان تستفيدون منه ^_^
واليوم حبيت أتكلم شوي عن مكياج التخرج ،، ومكياجي البسيط في يوم تخرجي ..
/
\
/
\
يوم التخرج يوم لا ينسى مهما مر الأيام بس يبقى كل شي ذكرى ،، بس الاحلى من هذا كله انه لا نتبع الموضة في المكياج ،، تدرون ليش .. لان بعد فترة ومن بيتغير الموضى بتضحكين على عمرج ،، فاغلب يقول عادي كان موضة هذاك الايام سوى فالملابس او المكياج او أي شي .. فانا احب أكون نفس ما انـــآآ .. الاغلبية عبالهم اني بحجز صالون وربيعاتي يسالون لي منو بيمكيجج ،، فجوابي كـــآآن وحدي بتمكيج ..؟؟ طيب ليش ؟؟ اقولهم أنــآ أعرف اتمكيج فما أحب حد يخبص في ويهي ههههه ... اعتمدت مكياجي يكون هادي علي ،، طبعــآ واعترف أني نسيت احط الايلينر مدري كيف راح من بالي يمكن لاني كنت مستعيلة ،،، والشي الثاني اثناء التصوير نسيت اصور اللاب قلوس ^_* ،، فكــآن مكياجي هادي جدا ،، وهالشي اللي كنت أنـــآآ أبغيه ^_^
الموهيم ببدء وبخبركم بخطواتي لمكياجي في يوم تخرجي وكيف كـــآآن ،، 

ويالله الحينة خلوني أخبركم بمكياجي بيوم تخرجي والخطوات اللي أتبعته في هالمكياج وشو أستخدمت ^_^

أول خطوة سويتهـــآآ استخدم هالجل من ايسنس للحواجب ورفعت حواجبي لفوق .. 

 

عقب أستخدمت 2 كونسيلنر ،، هالاثنين من ميبلين اللي على اليمين فل كفر ،، الثاني ميديم وحلو للاستخدام اليومي ،، الموهيم اللي سويته أني اللي على اليمين تحت عيوني عشان اغطي السواد اللي تحت عيني والثاني حطيته على جفون عيني ،، وباستخدام الفرشاءة تميت اطبطب عليه لين ما توزع ..

 

واستخدمت 3 باليت ،، الباليت الاول من ذا بالم Meet Matt Trimony 

 

واخترت اللون Matt Evans وخليته على جفن عيني ..

 

ومن باليتThe Artiste collection 

 

أخترت اللون هاللون وخليته على جفن عيني 

 

ودمجت  الاثنين مع بعض وطلع اللون مرة مرة طبيعي وهالشي اللي أنـــآ كنت أبغيه ^_^

ومشطت حواجب باستخدام فرشاة الحاجب ومن باليت Sivanna colors 

 

أخترت اللون الابيض .. مبين أني محللتنه هاللون لوووون وخليته على نهاية الحاجب ..

أخترت بي بي كريم من Misline هالبي بي كريم وااايد حلو يصفي الويهه من تستخدمينه ،،

 

وعقب أخترت بودرة من ريميل وبطبطبه على كل ويهي .. 

 

 

واستخدمت مسكرة من ايسنس ،، هالمسكرة عجيييبة ،، يكثف الرموش ،، وايد عاجبني ..

 

واخترت هالاضاءة لتحت عيوني من Ben Nye 

 

وأضاءة من Shiny حطيت منه نتفة على خدودي ووزعته بيدي ،،

 

ومن باليت Apple

 

 من ذا بالم أخترت لون Cobbler 

واللاب قلوس بالاول أخترت روج بس كان وايد اوفر ومسحته واخترت لاب قلوس من فورايفر 52 بس نسيت اصورة

ولوكي كان مرة بسيط وهالشي اللي أنـــآ عجبني بس لو ما كنت ناسية الايلينر ،، بيطلع احلى واحلى ..
القادم أجمل باذن الله تعالى
استودعتكم الله الذي لا تضيع ودائعه
فمان الله مع تدوينات جديدة باذن الله تعالى
فمان الله
" سبحان الله وبحمده "