ريفييو لــ ( 16 منتج ) خلصته هل برجع أشتريه أو لا ،، رأيي وتقيمي للمنتجات

السلام عليكم ورحمة الله وبركاته

ويسعد الله أوقاتكم بكل خير وبركة وطاعه الله تعالى

" اللهم صل وسلم على رسول الله "

" بسم الله الذي لا يضر مع أسمه شي في الأرض ولا في السماء وهو السميع العليم "

" اللهم بارك لنا فيمت تبقى من شبعان وبلغنا رمضان لا فاقدين ولا مفقودين ونحن بأحسن حال "

***********

ريفييو لــ ( 16 منتج ) خلصته هل برجع أشتريه أو لا ،، رأيي وتقيمي للمنتجات

مثل هالتدوينة من زمان زمان خاطري انزله لكم بس اللي يصير بعد فترة كل المنتجات في أقرب زباله ههههه هذا دليل أني ما أحب الفوضه بس هالمرة تحملت بنسبة 5 % والشي الثاني أن أغلب المنتجات خلصتهم بنفس الوقت عشان جي تحمست أني أصبر شووي عشان أكتب المدونة .. 

عن أنسى في مدونة من زمــــآآن زمــــآآن منزلتنه لكم لموضوع كان بعنوان (  منتجات بجربها || Part 3 ) المفروض أني أنزل لكم التجارب بس اللي صار أني نسيت السالفة هههه في 3 منتجات ما عجبوني ونسيتهم بصراحه واليوم أكتب لكم التدوينة تذكرتهم لووول وان شاء الله أكتب لكم التدوينة قريب عن أنساه ^_^

.

.

.

نرجع لمحور تدوينتي لـ ريفييو لــ ( 16 منتج ) خلصته هل برجع أشتريه أو لا ،، رأيي وتقيمي للمنتجات

بسم الله نبدء 

مضمضة كولجيت أحب هالحجم للسفر ،، حجمة كيوت وميني ،، 

تجربتي : وايد أحبه خفيف على الاسنان .. وبرجع أشتريه .. تقيمي 9/10

كريم اليد من beauty cottage shop ،،، سبق ونزلت تدوينة عن مشترياتي من هالمحل ( هنـــآآ ) ،، 

يحتوي على التوت البري والزبادي وزبدة الشيا 

تجربتي : الكريم وايد حلو .. ريحته هائه ،، ترطيبه عالي ،، وبرجع اشتريه مرة ثانية تقيمي 10/10

مزيل العرق من بيزلين .. جربت الأخضر والوردي

الاخضر بـ الغابه الخضراء

والوردي بـ قطن الحلويات 

الاخضر وايد حبيته يحافظ على لون الأبط .. بعكس الوردي ما حبيته .. وبرجع أشتري الأخضر مرة ثانية مرة ثانية

الأخضر اقيمة ب 8/10

أما الوردي ب 4/10

كريم العين من محل beauty cottage shop ،، اهم مكون فيه الكولوجين .. وايد حبيته واذا رحت تايلند مرة ثانية لازم اشتريه مرة ثانية أقيمة ب 10/10

عطر الجسم من باث اند بودي وركس .. sweet Ped  ،، وايد أحب هالمجموعه يحتوي على البازلاء الحلوة ، الكمثرى المائية وتوت العليق 

تجربتي : ريحته وايد حلووه .. وتثبت في الجسم ،،( هذا موقعهم على الأنترنت ) .. اللي أشوفه ان وايد صارو مبالغين في الأسعار وبعدني أبي أيلس على موقعهم عشان اقارن الأسعار بين الانترنت والمحلات .. طبعا برجع اشتريه مرة ثانية ،، أعطية 9/10

غسول الحليب وايد وايد حبيته خاصه بعد ما اشيل المكياج ،، يترك البشرة رطبه ،، ما يجفف البشرة اذا حصلته برجع أشتريه مرة ثانية أعيطة 10/10

ماسك اكستريم ،، ماسك الطيني بالنعناع لتطهير البشرة ،، أحب أستخدمه كماسك للجسم ،، كميته راهيه ينفع لاستخدام 4 مرات الى 5 مرات على حسب الاستخدام وبرجع اشتريه مرة ثانية .. أعطية 8/10

حمام زيت من فاتيكا ،، يحتوي على الليمون ،، شجرة الشاي ،، الروزماري

تجربتي معاه ما عجبني وايد ولا أفكر اشتريه مرة ثانية أعيطة 4/10

صابون مغربي من حامل المسك ،، وايد أحب أستخدم الصابون المغربي من حامل المسك برجع أخذ منه مرة ثانية وثالثه ورابعه لوووول أعطية 10/10

تذكرون تدوينه مشترياتي من أركوفا ( هنــــآآ ) ،، أتعب وأنا أقول منتجاتهم رهيبه ،، خلصت هالشاور جل بسرعه .. ريحته وايد حبيته هادئة ،، تريح أعصابي خاصه أول الصباح شي ،، شي اتعب وانا أقول عنه شي خيال هالشاور جل يحتوي على باودر الجوز .. وفيه حبيبات يساعد على تقشير. أعطية 10/10

الغرام الابدي هههه سكراب سيتيفز ،، من زمان استخدمه وما زلت أستخدمه ،، أحب أستخدمه لتقشير ويهي ،، منتج اساسي لازم يكون عندي وما أستغني عنه أعطية 10/10

سبري معطر للمناطق الحميمة من فيم فرش سبقت وتكلمت عنه في تدوينه ( هنــــآآ )) ريحته خفيفة وحلوووة ترشينه على بعد 15 سم تقريبا .. تحسين بالانتعاش في المنطقة الحميمة ،، برجع اشتريه مرة ثانية أعطية 9/10

هاللوشن ميوب حقي من تايلند ،، أنــآ الله يهديني دشيت المحل بس ما اشتريت شي منه *_^ ،، هالكريم وايد حبيته ريحته باودر ،، اتعب واقول انه وايد حلوو ،، البشرة يمتصه بسرعه ،، اهم مكون فيه أنه يحتوي على الفاوانيا الحلوة وفيه نسبه حماية من الشمس 10 % أعطية 10/10

أخر العطور اللي خلصتهم ،، اللي على اليمين عطر ميني ريحته فرنسيه واحلى شي في العطر الميني ان ريحته ما يطير بسرعه ،، أعيطة 9/10 هل برجع أشترية : أذا دق ف راسي خخخخ

ع أشترية : أذا ربي كتب لي أروح تركيا مرة ثانية باذن الله تعالى لازم لازم اشترية

اخر شي هالعطر اخذته من نزيه ريحته بارده حلوه للصباح الريحة يطير بسرعه ما كانج متعطره *_^ أعطية 6/10 

هل برجع أشترية : لاا

سكراب بالتوت البري ،، حسيت انه عبارة عن ملح التوت البري مع جلسرين للترطيب ،، اكثر شي عجبني اني استخدمته لتقشير يدي ،، أحس بنعومة في ايدي بعد ما استخدمة أعطية 8/10 هل برجع أشترية : حاليا ما أفكر فيه لاني ناوية اسوي قريب من هالسكراب 

واخر منتج خلصته وعجبني هالغسول من غارينية ،، وايد حبيته ،، عبارة عن غسول ميسسلار منظف للويهه وايد عجبني هل أني أفكر ارجع استخدمة طبعا حاليا لا ،، أعطية 8/10

همسه : مابي حد يستغرب من تقيمي للمنتجات قيمته أنـــآآ على حسب منتج اتمنى يكون عندي خاصه ان أغلب المنتجات من برع

فـ أختام لا تنسوني من دعواتكم الطيبة

أشوفكم على خير في تدوينات يديدة بأذن الله تعالى

فمان الله